ISAI 26:3 - Bawm Common Language Bible Version

³ LALPA, nangmah nih, a nan zumhtu tla leh tumnâk bir tak neitu tla chu thlangamnâk rangtling pêk na.

ISAI 26:3 ပူးပေါင်းရင်းမြစ်များ

1 CHRONICLES 5:20

Pathian rinhsan hen ṭangpi ding hen thla an cham le, Pathian nih an thlachamnâk chu a sâng le, Hagrit mi leh an mêlma tla lakah nehtu ah a siam na.

2 CHRONICLES 13:18

Juda tla chu anmah thlâktu LALPA, Pathian lakah anna ngauh ruangah Israel nehtu an si rawh.

2 CHRONICLES 16:8

Sudan mi leh Libia mi nih kari leh kawrsen tam tak an nei asi lo ma? Sikhawmsele LALPA lakah na ngauh ruangah anmah nehtu sinâk an pêk khateh.

SAM 119:165

Na dân thu duhtu tla nih chun himnâk rangtling anna ting le, annih rangah tlûktir khotu zeikhawm a um lo.

SAM 125:1

LALPA ngauhsantu tla Zion tlâng ninh kho lo leh ṭhial dahlo mi hâwi asi.

SAM 9:10

LALPA, a nan theihtu nih chun a nan zumh lai; na sinah hawngtu tla chu âukhawm na nar loh.

ISAI 12:2

Pathian chu ka ruangsuahtu asi le; amah chu ka zumh lai le, ka ṭih lai lo rawh. LALPA nih thiltikhonâk leh chaknâk hawng ka pêk le; amah chu ka ruangsuahtu asi.

ISAI 26:12

LALPA, nangnih sul-le-lam tluangnâk na kan pêk lai; thil zeizawng kan tawng mi chu thil na ti mi ruangah asi.

ISAI 27:5

Sikhawmsele ka mi tla mêlma tla nih ka kilkâwi na mi an duh chun ka lakah remnâk siam na seh. Asi, keimah hen remnâk siam hen um na seh,” a ti.

ISAI 31:1

Aigupta ah ṭangpi ding sâwm hen va kaltu tla chu an vân a duai! Aigupta râltuk kawrsen tam tak chaknâk rang tla, kari tla leh, kawrsen lakah anna ngauh. LALPA, Israel Pathian thenhlimh lakah a ngauh hen a sinah ṭangpi an deih lo.

ISAI 32:17

Mikip nih thil dik an ti ruangah himnâk leh thlangamnâk a um kumza lai rawh.

ISAI 32:18

Pathian mi tla chu lawksawngnâk an nei lai lo rawh le, an in tla him tak hen leh thlangam hen a um lai rawh.

ISAI 42:19

Ka to-aw ngâk hen mitchâw khun mi leh ka mifial ngâk hen a nâsêt dauh mi an um maw aw?

ISAI 42:6

“Kei, LALPA nih, ka nan kawh hen, tual tlûnah diknâk ti hen a um mi chu muh ding hen thiltikhonâk ka nan pêk. Nangmah mang hen mi zawzawng sinah thudântuk ka siam lai le, nangmah mang hen phun tla sinah chêu ka tlungtir lai.

ISAI 48:2

Khuapi thenhlimh lakah mi kan si, Israel Pathian, a min chu zeizawng tikhotu LALPA lakah ngauh mi kan si ti hen zûm tak hen thu nan sim nget rih.

ISAI 49:8

LALPA nih a mi tla sinah, “Nangmah ruangsuahnâk ding hen tik a hawng tlung chun kan sunhsak zia ka langhtir lai le, ṭangpi deih hen na âu mi ka nan sâng lai. Kan vêng hen ka nan hum lai le, nangmah ruangah mi zawzawng hen thudântuk ka siam lai. Tuah nan ram siat leh râwk hen a um mi lakah hin ka nan umtir nawlh lai.

ISAI 50:1

LALPA nih, “Mi nih a nupi a mâk mi hâwi hen ka mi tla hi kaltir ving ding hen ma nan ruat? Asi chun, mâknâk lasui zeiah a um? Mi nih a fa tla sal ah a zuar ving na mi hâwi hen sal ah an zuar ving na hen ma nan ka ruat? Silo, nan sual ruangah sal ah put hen nan um mi asi; thilsual nan ti ruangah nar hen nan um mi asi.

ISAI 50:10

Nannih LALPA zahtu tla leh a to-aw thu zûltu tla nan kalnâk lampi chu mûi khawmsele LALPA chu zumh ule, nan Pathian lakah a ngauh u.

ISAI 66:12

LALPA nih, “Sul-le-lam tluangnâk sâwt tak nan lakah ka hawng tlungtir lai le; tiva a kang dahlo mi hâwi hen phun tla neihnâk chu ka hawng luangtir lai. Ngâksia a nu nih a zauhkhenh le, a bân hen a pawm le, a dâwt mi hâwi nan si lai.

JEREMIA 39:18

Him tak hen ka nan kilkâwi lai le, thah hen na um lai lo. Keimah na hawng ka rinhsanh ruangah na nungnâk chu a him lai. Kei, LALPA nih ka sim asi,” a ti.

DANIAL 3:17

A rian kan ṭuan mi Pathian nih meihum lakah mi leh na thiltikhonâk lakah mi hawng kan hum kho asi, amah nih a ti ko lai.

DANIAL 3:28

Lal nih, “Sadrak, Mesak leh Abednego Pathian chu sawr hen um seh. Hi minung tla amah lungtu hum ding hen a vânmifial a hawng fial, ka thupêk khawm an ngâilo le, anmah Pathian lo chu zei pathian khawm an mâimûk lo ruangah an nungnâk chu ruangsuah hen an um.

DANIAL 6:23

Lal chu thungâi â lâwm le, khursung ah mi Danial chu suah ding hen thu a pêk. Churawhchun, an suah le, Pathian a zumh ruangah zeikhawm a pawi lo ti an muh.

MIKAH 5:5

him tak hen an um lai rawh. Asiria mi nih kan ram ah an hawng rûn hen vêngtu tla an hawng pah zek na tikah chun hawng kan ruitu chak chem mi tla anmah do ding hen kan fial na lai.

JOHAN 14:27

“Lungngamnâk ka nan mâk na; keimah lungngamnâk ka nan pêk na; laikulh nih a pêk hâwi hen ka nan pêk na lo hi. Nan thinlung lawksawng lah seh, ṭih khawm ṭih lah seh.

JOHAN 16:33

Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.

ROM 5:1

Churuangah, lungnâk ruangah mawhlo a um hen, kan Lalpa Jisu Krist ruangah Pathian hen rem hen kan um.

PHILIPI 4:7

Chun, Pathian lungngamhnâk thinlung rerêng theih châwklo ni khan, nan thinlung leh nan dawnruatnâk tla chu Krist Jisu ah chun a nan vêng piak na lai.