ISAI 26:21 - Bawm Common Language Bible Version

²¹ LALPA chu vân ah a umnâk thawk hen tual ah mi tla an sual ruangah rêp ding hen a hawng kal. A thuptê hen tual tlûnah mi thahtu tla khawm a puang lai le, thah hen a um rawh mi tla khawm tual nih a thuh lai lo rawh.

ISAI 26:21 ပူးပေါင်းရင်းမြစ်များ

ISAI 18:4

LALPA nih ka sinah, “Fângzûn nî sa lum liauah zân ah mi dâmtî hâwi hen leh sûn nî linh liauah nî chêu hâwi hen vân thawk hen ka hawng chuanh lai.

ISAI 13:11

LALPA nih, “Tual tlûnah siatnâk ka hawng tlungtir lai le, an sual ruangah mi sual tla zawzawng ka rêp na awt. Mi zûm tla chu ka nâutir lai le, zauhnawmh mang tla leh mi ṭhalo tla chu ka rêp na lai.

JOB LASUIBU 16:18

Tual, ka lakah thilsual ti hen a um mi thuh lah; rep tak hen ka âunâk chu bângtir lah.

THUPHUANG 16:6

annih nih chun mi thenhlimh leh khuavâng tla thisen an suah le, an din ding ah thisen na pêk na mi hi anna dêng cho asi,” a ti mi ka theih.

LUK 11:50

Chuvachun, Abel thisen suak thawk hen Zekaria, mâichâm leh biakin karah thah mi thisen suak tiang khan, khuavâng zawzawng thisen, tual um tîr thawk hen suak mi chu, tûliau san mi tla tlûnah hin phû an lam kho lai,’ a ti kha. Ka nan simh na, tûliau san mi tla tlûn khawm hin phû an lam lai.

LUK 11:40

Mi â tla, lênglei siamtu nih sunglei khawm a siam lo mazei?

EZEKIEL 8:6

Pathian nih ka sinah, “Thikho mi minung, thil a hawng tlung mi na muh ma? Thil fihnungkâi hinah Israel mi tla nih an ti mi hi zauhnik, ka mun thenhlimh lakah mi lât dadauh hen an hawng ka nar. Hi ngâk hen thil ningzakkâi tam dauh na muh lai,” a ti.

THUPHUANG 18:24

Khuapi sungah khuavâng tla leh Pathian mithenhlimh tla thah hen an um mi thisen zawzawng chu muh asi ruangah Babulon chu rêp asi rawh,” a ti.

JOB LASUIBU 20:27

Chu minung sualnâk chu vân nih a phuang le, tual nih a thâwngthâng ṭhatlonâk a sim.

ISAI 10:3

Pathian nih an rêp na tikah zeitin nan ti awt? Ram lât tak thawk hen nan siatnâk a hawng tlungtir tikah zeitin nan ti awt? Ṭangpitu hâwl hen zeiah nan tek awt? Nan neih zeiah nan thuh awt?

ISAI 22:14

LALPA zahkâi Zeizawng tikho amah ngelchel nih ka sinah, “Hi misual tla hi an dam kar vial chu ngaihdam an si rêng lai lo. Kei, LALPA zahkâi, Zeizawng tikho nih ka sim asi,” a ti.

ISAI 29:6

Lâkkhatko ah ruatlo hâwi tak hen LALPA Zeizawng tikho nih ruah tukpi lakah khua a rî mi leh linîn hen ruang a nan suah na lai. Thlipi leh meialh a hawng fial lai le;

ISAI 65:6

“Rêp an siding mi chu ka thlûk zet le, rêp an tuar ding mi khawm rîn asi rawh. Thil an ti mi chu ka relh awt lo,

ISAI 65:7

sikhawmsele anmah leh an thlâktu tla sual man ka pêk na awt. Lunglotu tla mi thenhlimh thlân tlângah rimthâw tla an duah le, an ka sâwi. Churuangah a lânah an thilti lakah a dêng tâwk hâwi hen ka rêp na awt,” a ti.

ISAI 66:6

Khuapi ah rihâu fâk tak, Biakin ah mi rihâu, LALPA nih a mêlma tla a rêp na mi hâu chu ngâinik u!