ISAI 26:2 - Bawm Common Language Bible Version

² Khuapi kulh kawtkâ chu awng ule, phun zumhkâi thil dik titu phun ah mi tla chu lûttir na u.

ISAI 26:2 ပူးပေါင်းရင်းမြစ်များ

SAM 106:5

Na mi tla vânṭhatnâk chu hawng ka muhtir le, Na phun tla lâwmnâk ah chun na tâ an si ruangah chu lâwmnâk chu hawng ka tingtir bâk.

SAM 118:19

LALPA Biakin kulh kawtkâ, ka rangah a awng rawh, a sungah ka lût lai le, lâwmthu ka sim lai.

SAM 118:20

Hi hi LALPA inkulh kawtkâ mirep tla cho lûtnâk asi.

SAM 24:7

Kulh kawtkâ tla chu kauh ule, a lânah mi inkhâr tla chu awng u, chun lal rokual chu a hawng lût lai.

EXODUS 19:6

Ka sin cho ah â pêk mi minung nan si, bâwlpu tla hâwi hen ka rian nan ṭuan lai,” a ti na.

ISAI 45:25

Kei, LALPA nih, Jakob thlâk tla zawzawng ruang ka suah na lai le, annih nih an ka sawr lai.

ISAI 54:14

Diknâk leh repnâk nih a nan chaktir lai. Nehsawhnâk leh ningṭihnâk lakah mi chu na him lai rawh.

ISAI 54:17

Sikhawmsele, zei riamnâm khawm nih nganfâk a nan pêk kho lai lo; A nan phiartu tla zawzawng na sâng ver na lai. Ka to-aw tla chu ka hum na lai le, nehtu ah ka siam na lai,” a ti. Chu chu LALPA nih a sim mi asi.

ISAI 58:8

“Ka sunhsaknâk chu na tlûnah zînglei nî hâwi hen a hawng chêu lai le, na liam mi mâ chu a dam sawm lai. A nan hum ding hen na sinah ka um kumza lai le; ka nan umpinâk nih zei leikâng zawng ah an hum lai.

ISAI 60:11

A sûn a zân hen, na kulh kawtkâ tla chu â awng lai le, phun lakah lalchem tla nih An neihnâk tla na sinah an hawng put khonâk ding hen.

ISAI 60:18

Siat leh râwknâk rihâu chu theih asi lai lo rawh; Siatnâk nih nan ram chu a râwk nawlh lai lo rawh. Kulh hâwi hen ka nan hum hen ka nan vêng lai; Ruang ka nan suah ruangah na ka sawr lai.

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

ISAI 61:3

Zion ah lungfâk mi tla sinah ngaihsiat ngâk hen Lâwm leh lâwptlonâk pêk ding hen, Lungzûr ngâk hen sawrnâk la sak ding hen hawng ka fial. LALPA amah tak nih a phun na mi, Thing tla hâwi an si lai. A dik mi zawzawng an ti lai le, Pathian chu a thilti ruangah sawr hen a um lai.

ISAI 62:1

Jerusalem fawrhnâk thu ka sim lai le; Him tak hen a um lânlo leh a nehnâk chu Zân ah mi meifâr hâwi asi lânlo chu ka dâisip awtlo.

ISAI 62:10

Jerusalem mi tla, khuapi sungah mi suak ule, Nan mi hawng kîr mi tla rangah lampi siam u! Lamlian timhtuah ule, lung tla thianh u! Singsiahnâk siam u.

ISAI 62:2

Jerusalem, phun tla nih na nehnâk an muh lai! An lalchem zawzawng nih na rokualnâk an muh lai. LALPA amah tak nih an phuah mi min thar hen kawh na si lai.

ZEKARIA 8:20

LALPA Zeizawng tikho nih, “Khuapi tam tak thawk hen Jerusalem ah mi tla an hawng ding mi tik chu a tlung rawh.

THILTI 2:47

Pathian an sawr le, mi zawzawng lawmhkâng hen an um tâwn. Chun, ruang a suah mi tla chu Lalpa nih nisiar an sinah a sap vima tâwn.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

2 PETER 3:13

Sikhawmsele, Pathian thutiam hâwi hen vân thar leh tual thar, a sungah repnâk um ding mi chu kan ngâk asi.

JUD 1:3

Duhtak le tla, kanna ting chiau mi ruangsuahnâk thu nan sinah rîn ka tum liauah, mi thenhlimh tla sinah lungnâk veikhat pêk rawh mi thu ah lungnâk ruangah râltuk ding hen an fawrh na ding hen nan sinah lasuikuat rîn ding hen a herh ti ka theih.

THUPHUANG 21:24

Chun, phun kip a chêu ah an um lai le, tual ah lal tla nih an neih leh siah tla an lûtpi lai.

THUPHUANG 5:9

Chun, “Nang lasuibu chu lâk hen, a singsiahnâk tla samh tlâk na si; Thah hen na um rawh le, chikip a mi tla, hawlh kip a mi tla, mikip a mi tla, phun kip a mi tla, Pathian rangah na thisen hen na châwk na.