ISAI 26:18 - Bawm Common Language Bible Version

¹⁸ Nganfâk tuar hen kan rûm le, sikhawmsele zeikhawm kan ring lêm lo. Kan ram rangah zei nehnâk khawm kanna ting lo; zeikhawm kan lîm mi a um lo.

ISAI 26:18 ပူးပေါင်းရင်းမြစ်များ

2 Lal 19:3

Hi hi Isai sinah sim ding mi thuchah chu asi: “Tusûn ni hi tuar ni asi, rêp leh ningzak saih hen kan um. Nunau faring awt liauah a nganfâk le, sikhawmsele ring ding hen a chelh lo thlo mi hâwi kan si.

SAM 17:14

hi bang zawzawng duhtu nungnâk lakah mi hi ruang hawng ka suah rawh. An rangah tuarnâk na khawng piak na mi hen rêp na; an fa le rangah tam tâwk rang ding hen leh an fa le tla fa nawlh rang khawm ah mâk piak na ding hen.

ISAI 33:11

Thil ṭangkâilo thilti ding na tum le, na thilti zawzawng zeikhawm asi lo. Ka thlarau mei hâwi mi nih a nan râwk lai.

ISAI 37:3

Isai sinah sim ding hen thuchah chu hi hi asi: “Tusûn chu tuarnâk ni asi; rêp hen leh ningzak saih hen kan um asi. Nunau nih fa a ring awt le, sikhawmsele tha rerêng a nei lo rawh mi hâwi kan si.

ISAI 59:4

Lâirêlnâk in ah nan va kal le, sikhawmsele nanmah leiah diknâk nan nei lo. Nan thunawk lakah âwkrâwl thusim hen neh ding nan tum. Nan thiltum chu midang rangah nganfâk pêk ding nan awt.

HOSEA 13:13

Israel nih chun nung ding hen tik a nei le, sikhawmsele ngâksia a suak ding mi a nu pawsung ah a suak duh lo mi hâwi hen ti ding hen a â tuktarâi.

JOHAN 7:7

Laikulh nih an hua kho na lo, kei lam chu a ka hua tâwn, a thilti tla a sual ti ka simhfiang ruangah.

1 JOHAN 5:19

Chun Pathian lakah mi kan si ti leh, laikulh pumpi hi Misual thu thu hen a um ti kan theih.

1 SAMUEL 11:13

Sikhawmsele, Saul nih, “Tusûn ni ah âukhawm nan thah ding asi lo, tusûn hi Israel ruangsuahnâk ni asi ruangah,” a ti.

1 SAMUEL 14:45

Sikhawmsele mipi zapi tla nih Saul sinah, “Israel rangah nehnâk rokual tak pêktu Jonathan hi thah ding ma asi awt? Silo! LALPA nung min hen thu kan tiamh, a sam zâi pakhattê khawm a tlâu ding asi lo. Tusûn ni ah a thilti hi Pathian ṭangpi hen a ti mi asi,” an ti. Churawhchun, mipi zapi tla nih Jonathan thi ding chu an hum rawh.