ISAI 26:16 - Bawm Common Language Bible Version

¹⁶ LALPA, na mi tla chu na rêp na le, ngaihsia tak hen na sinah thla an cham.

ISAI 26:16 ပူးပေါင်းရင်းမြစ်များ

SAM 142:2

Amah chu ngiar ka duh mi zawng a sinah ka tlunh le; ka lawksawngnâk zawzawng a sinah ka sim.

SAM 27:8

“Hawng le, hawng ka sawnh” na ti. Kei nih, “LALPA,

SAM 42:4

A lânah mi zapi tla hen Pathian in leiah kan kal liau tla, zapi lâwptlo tla la sak leh Pathian sawr hen an âu mi tla ka theih zâwn chun ka thinlung a fâk tâwn.

SAM 50:15

Na lawksawngnâk ni ah hawng ka auh le, ruang ka nan suah lai, nangnih ka thang na ṭhattir lai.”

SAM 77:3

Pathian leikâng ka dawn liauah ka ngaih a sia le, ka dawn chun ka thinlung a dawng.

SAM 78:34

An lakah zeimaw mi a thah na tik zawng ah a dang tla chu a sinah anna pêk lai le, an rim hen lungnâwng tak hen a sinah thla an cham lai.

SAM 91:15

An hawng ka auh tikah ka sâng na lai le; an lawksawng tikah an sinah ka um lai. Ruang ka suah na lai le, thangṭhatnâk ka pêk na lai.

ISAI 37:3

Isai sinah sim ding hen thuchah chu hi hi asi: “Tusûn chu tuarnâk ni asi; rêp hen leh ningzak saih hen kan um asi. Nunau nih fa a ring awt le, sikhawmsele tha rerêng a nei lo rawh mi hâwi kan si.

JEREMIA 2:27

Nannih thing rangah ka pa titu leh lungpi rangah ka nu titu tla, nan ektê hen nan ning a zak lai. Keimah leikângah hawng a her lo hen nan hawng ka hertâk ruangah hi bang tla hi a hawng tlung lai. Sikhawmsele nan lawksawng liau chun hawng kal hen ruang a nan suah na ding hen nan ka deih.

JEREMIA 22:23

Lebanon tlâng thawk hen lâk mi sidar thing tla lakah him tak hen na dîn le; sikhawmsele nunau faring hâwi hen nganfâk nih a nan tlunh tik chun zângfâk na ti awt chiam e!

JEREMIA 29:12

Churawhchun, nan hawng ka auh lai rawh. Nan hawng hen ka sinah thla nan cham lai le, kei nih kan sâng na lai.

LUNGFÂKNÂK 2:19

Zân khuavâr hen LALPA sinah ṭap ding hen thawk lemang le; Na thinlung pêk le, na fa tla tlûnah khuaruat ding hen a sinah deih. Zâwllâi a ker kip ah ngâksia chu sungvâng hen an thi rawh!

HOSEA 5:15

“Ka mi tla chu an sual ruangah fâk ual an tuar hen an ka hâwl rê tiang hen ka kaltâk na awt. An tuar ruangah an hawng ka hâwl lai mawh,” a ti.

HOSEA 7:14

Zumhkâi tak hen ka sinah thla an cham lo, sikhawmsele, lunglo tla ti dân hâwi hen an tlû hen an lung anna fâktir. Uain leh fâng tla duh hen thla an cham liau khawm ah lunglo tla hâwi hen an taksa an ât.

NUMBER 21:7

Mi zapi tla chu Mosi sinah an hawng le, “LALPA leh nangmah kan sâwi na mi hi kan sual asi. Tuah hi bang rûl tla hi kiangtir ding hen LALPA sinah thlacham,” an ti. Churawhchun, Mosi nih zapi minung tla rangah thla a cham piak na rawh.

THUPHUANG 3:19

Ka dâwt hen ka zângfah mi tla chu ka fâi hen nun ka simh na tâwn, semsêngâi le, rim rawh.

LÂIRÊL 10:15

Sikhawmsele Israel mi tla nih LALPA sinah, “Kan sual ngâk asi. Na duhzia zawng ti le, sikhawmsele zângfahtê hen tusûn ni ah ruang hawng kan suah,” an ti.

1 SAMUEL 1:15

Hanah nih, “Ka ri lo, zû ka din lo Pu,” ti hen a sâng. “Zû ka din rerêng lo, ka thinlung a fâk le, LALPA sinah thlacham hen ka lawksawng thu ka sim mi asi.