ISAI 26:14 - Bawm Common Language Bible Version

¹⁴ Tu chun an thi rawh le, an nung nawlh lai lo rawh; an thlarau khawm a thawk nawlh lai lo rawh, nangnih na rêp na hen na veih na rawh dangâiah. Âukhawm nih an theih na lai lo rawh.

ISAI 26:14 ပူးပေါင်းရင်းမြစ်များ

JOB LASUIBU 18:17

A minthangnâk in ah a dawng le, mun dangah a zan. Âukhawm nih theih asi lo rawh.

JOB LASUIBU 24:20

A nu nih tuah theihlo kumza rih khawmsele, tholung nih a ei le, thing a tlû mi hâwi hen a vei.

JOB LASUIBU 7:9

Sûm chu â kiang le, a vei rawh hâwi hen, minung a thi mi chu a kîr lai lo rawh. Amah theihtu zawzawng khawm nih an philh lai rawh.

SAM 106:28

Peor ah Pathian mi tla chu Baal sawnhnâk ah anna tel le, nungnâk nei lo an pathian tla sinah bâwlnâk sa tla an ei.

SAM 109:13

A thlâk zawzawng thi hep na seh, a thlâk nawlh tla lakah a min puang lah seh.

SAM 135:17

Nâ an nei le, sikhawmsele an theih kho lo; thawsuah khonâk an nei lo.

SAM 36:12

Misual tla an tlû nâk chu zauhnik, thawk kho lo hen an rîl ko.

SAM 59:5

LALPA, Zeizawng tikho Pathian, thawk le, hawng ka ṭangpi ding hen hawng; Israel Pathian, nangmah ngelchel nih zauh! Meng le, lunglotu tla chu rêp na, tleihtu sual lakah chun khuaruat lah!

SAM 9:6

Kan mêlma tla chu zungzâl hen an dih rawh! An khuapi tla chu na râwk le, chun philh dep an si rawh.

EXODUS 14:30

Chu ni ah chun LALPA nih Israel mi tla chu Aigupta mi tla lakah mi ruang a suah na rawh. Israel tla nih tipi kapah ruak a rîl phut mi chu an muh.

THUFING LASUIBU 10:7

Mi ṭha tla chu malsâwmnâk hâwi hen theihkumza an si lai, sikhawmsele misual lam chu philh sawm an si lai.

THUSIMTU 9:5

Asi, a nung mi tla nih chun thi ding mi an si ti an theih le, sikhawmsele a thi mi lam nih chun zeikhawm an theih lo. Hi nûnah lâwmman tawng ding mi khawm an nei lo; âu theih khawm an si lo rawh.

ISAI 10:3

Pathian nih an rêp na tikah zeitin nan ti awt? Ram lât tak thawk hen nan siatnâk a hawng tlungtir tikah zeitin nan ti awt? Ṭangpitu hâwl hen zeiah nan tek awt? Nan neih zeiah nan thuh awt?

ISAI 26:19

Kan minung thi rawh mi tla chu an hawng nung nawlh lai! An taksa nungnâk nei hen an hawng kîr nawlh lai. An thlân ah it rawh mi zawzawng tla chu an hawng a ṭhang lai le, lâwm hen la an sak lai. Dâmtî nih tual a thartir mi hâwi hen sâwt tak a thi rawh mi tla chu LALPA nih a nungtir nawlh lai.

ISAI 29:6

Lâkkhatko ah ruatlo hâwi tak hen LALPA Zeizawng tikho nih ruah tukpi lakah khua a rî mi leh linîn hen ruang a nan suah na lai. Thlipi leh meialh a hawng fial lai le;

ISAI 37:19

thing leh lung hen an kut hen an siam mi pathian lem tla chu a duah piak ti khawm kan theih.

ISAI 8:19

Sikhawmsele, mi nih chamchawh thiam leh mithi sawnhtu, chamchawh hen âwn salamtu rangah thu deih ding hen a nan simh lai. Annih nih, “Zeizawng nûnah mi tla nih a nung mi ruangrûl ah thlarau leh mithi sawnhtu rangah thu an deih ding asi,” an ti lai.

MATHAI 2:20

“Thawk le, nâutê leh a nu put na le, Israel ram ah kal rawh; nâutê thah tumtu tla kha an thi rawh,” a ti.

DEUTERONOMY 4:28

Chunah chun minung kut hen siam mi pathian tla, thing pathian, lung pathian muh kho lo mi, theih kho lo mi, ei kho lo mi leh rim khawm theih kho lo mi nan sawnh lai.

THUPHUANG 20:5

Chun, mithi dang tla lam chu kum sâng khat a ral lânlo chu an nung lo rih. Hi hi thawknawlhnâk masa chem chu asi.