ISAI 26:12 - Bawm Common Language Bible Version

¹² LALPA, nangnih sul-le-lam tluangnâk na kan pêk lai; thil zeizawng kan tawng mi chu thil na ti mi ruangah asi.

ISAI 26:12 ပူးပေါင်းရင်းမြစ်များ

SAM 29:11

LALPA nih a mi tla chu chaknâk a pêk le, thlangamnâk hen mal a sâwm na.

SAM 57:2

Chungnungchem Pathian, ka nisiar thil herh hawng ka pêktu chu ka auh.

SAM 57:3

Vân thawk hen hawng ka sâng lai le, hawng ka nehsawhtu chu a neh lai le, hawng ka hum lai. Pathian nih a dâwtnâk dawnglo leh zumh a kâinâk hawng ka zauhtir lai.

SAM 68:28

Pathian Jerusalem ah na Biakin, lal tla nih lâwmman a nan pêknâk thawk hen kan ruangrûl ah

SAM 90:17

LALPA, kan Pathian, kan lakah na malsâwmnâk tlungtir le, kan thilti zawzawngah dingchangnâk hawng kan pêk.

ISAI 26:3

LALPA, nangmah nih, a nan zumhtu tla leh tumnâk bir tak neitu tla chu thlangamnâk rangtling pêk na.

ISAI 27:5

Sikhawmsele ka mi tla mêlma tla nih ka kilkâwi na mi an duh chun ka lakah remnâk siam na seh. Asi, keimah hen remnâk siam hen um na seh,” a ti.

ISAI 29:23

Fa ka nan pêk na ding mi nan muh tikah chun, kei hi Israel Pathian thenhlimh kasi ti nan theihtir lai. Nan ka zah lai le, chê nan ka ti hen nan dîr lai.

ISAI 32:18

Pathian mi tla chu lawksawngnâk an nei lai lo rawh le, an in tla him tak hen leh thlangam hen a um lai rawh.

ISAI 57:10

Nanmah khawm pathian dang hâwl hen nan dî phah rê rawh, sikhawmsele nan bâng dahlo rih. Nan milem fihnungkâi nih chaknâk an pêk na ding nan ruat le, churuang chun nan lung a dawng kho lo mi asi.

ISAI 57:19

Mun nâi leh mun lât ah mi an ektê sinah thlangamnâk ka pêk na lai! Ka mi tla chu ka damh na lai.

ISAI 9:6

Kan lakah ngâksia a hawng suak! Fapa pêk hen kan um! Anih chu kan lâirêltu asi lai. “Remruattu Che,” “Pathian chak,” “Zungzâl Pa,” “Remnâk Lal” an ti lai.

JEREMIA 33:6

Sikhawmsele hi khuapi leh a mi tla hi ka damh na lai le, nung dam hen ka umtir nawlh na lai. Thlangamnâk leh himnâk tam tak ka muhtir na lai.

EZEKIEL 20:14

Sikhawmsele Aigupta ram ah mi Israel tla ka suakpi na mi muhtu phun tla lakah ka thang a duai lai ka ti ruangah ka ti ding mi ka lêt.

EZEKIEL 20:22

Sikhawmsele, ka ti lo, Israel tla Aigupta ram thawk hen ka suakpi na mi muhtu phun tla lakah ka min a sia awt ruangah.

EZEKIEL 20:9

Sikhawmsele, chu hâwi hen ka ti lo, Israel zapi minung tla mâika ah Aigupta ram ah mi suakpi na ding hen thu ka sim rawh ruangah ka min a sia lai ti ka ruat.

EZEKIEL 36:25

Tî thiang ka nan theh na lai le, nan milem zawzawng leh thil dang a nan nawmhtir natu zawzawng lakah mi ka nan thiangtir na awt.

NUMBER 6:26

LALPA nih an sunhsak na hen thlangamnâk an pêk na seh.

JOHAN 14:27

“Lungngamnâk ka nan mâk na; keimah lungngamnâk ka nan pêk na; laikulh nih a pêk hâwi hen ka nan pêk na lo hi. Nan thinlung lawksawng lah seh, ṭih khawm ṭih lah seh.

EPHESI 2:10

chu thil ṭha ti chu kan umnâk ding ah Pathian nih a timhtuah kan mi asi.

DEUTERONOMY 30:6

LALPA nan Pathian nih nanmah leh nan thlâk tla rangah ê-aw ngâinâk thinlung a nan pêk na lai le, churawhchun nan thinlung zawzawng hen amah nan dâwt lai le, chu ram ah chun nan um kumza lai.

HEBRAI 13:20

Zungzâl thudântuk singsiah si mi nih a thihnâk ruangah Dawrâpu rokual tak Lalpa Jisu chu Pathian nih thihnâk lakah mi a thawh nawlh rawh.