ISAI 26:11 - Bawm Common Language Bible Version

¹¹ Na mêlma tla nih na rêp na awt mi an theih lo. LALPA ningzak saih na le, tuartir na rawh; rêpnâk na timhtuah mi chu tuartir na. Na minung tla na dâwt na zia muhtir na.

ISAI 26:11 ပူးပေါင်းရင်းမြစ်များ

SAM 10:12

LALPA, misual tla chu rêp na, a tuar mi tla chu theihkumza na!

SAM 21:8

Lal nih a mêlma tla chu a tleih na lai le, Amah huatu tla chu a tleih hep lai.

SAM 28:5

LALPA nih a siam mi leh thil a ti mi, anna theihtir lo; churuang chun zungzâl hen a veih hen a rêp na lai.

SAM 78:63

An tlangvâl tla chu tuknâk ah an thah na le, an nungâk tla pakhat khawm pasal nei ding an tawng lo.

SAM 86:17

LALPA, na ṭhatnâk fiang tak hen hawng ka muhtir le; hawng ka huatu tla nih thlangamnâk leh ṭangpinâk na ka pêk mi an muh tikah an ningzak lai.

EXODUS 9:14

Tutan mi chu na rianṭuantu leh na minung tla lâwng ka rêp awtlo le, nangmah khawm kan rêp awt, chu tikah kei hâwi hi âukhawm laikulh ah an um lo ti na theih lai.

ISAI 1:31

Meichi nih fapawn a khangh mi hâwi hen mi thiltikho tla chu an thilsual ti nih a veih na lai le, chu siat leh râwknâk chu âukhawm nih an khap kho lai loh.

ISAI 10:16

Awrkâ thaw tak hen anna châwm mi tla sinah LALPA zeizawng tikho nih anmah rêp ding hen râi a fial awt. An tak lakah mei mâ hâwi a durh vima lai.

ISAI 10:17

Pathian, Israel tla chêunâk chu mei asi lai. Israel Pathian thenhlimh chu meialh ah a hawng a chang lai le, chu nih chun ni khat ko ah thil zeizawng ling leh bua tiang a khangh hep lai.

ISAI 11:13

Israel lalram chu Juda nih a nahsuah lai lo rawh le, Juda khawm Israel mêlma asi lai lo rawh.

ISAI 18:3

Tual tlûnah um mi zawzawng, ngâi u! Tlâng sâng tak tlûnah puanzâr thlâi ding mi chu zauh u! Tâwtawrâwt tum hâu ngâi u!

ISAI 37:32

LALPA Zeizawng tikho nih hi bang hi hawng tlung ding hen a tum mi asi ruangah a thibang zapi tla chu Jerusalem ah leh Zion Tlângah an um lai.

ISAI 42:13

LALPA chu râltuk thiam mi hâwi hen tuk ding hen a kal le; râltuk ding hen thinlung thawk tak hen â timhtuah. Râltuk ding phuang hen a âu; a mêlma tla lakah a thiltikhonâk a langh.

ISAI 44:18

Chubang hâwi minung tla chu an mâwl tuk le, an thilti khawm an theih loh. Thudik lakah an mit an sîm le, an thinlung an khungtir.

ISAI 44:9

Milem tla siamtu zawzawng chu zeikhawm asi lo, pathian tla rangah lâwmman sâng tak an pêk mi khawm zeikhawm asi lo. Chu hâwi milem sawnhtu chu mitchâw leh zeikhawm theihlo mi an si, an ning a zak teh lai.

ISAI 5:24

Churuang chun LALPA Zeizawng tikho, Israel Pathian thenhlimh nih hawng kan sîntir mi na duh lo ruangah, fapawn leh belh châr mei nih a khangh mi hâwi na si lai le, na ram tla a pawng hen na pâr tla a châr lai le, sêm ving na si lai.

ISAI 59:17

Repnâk chu râlthuam kawrdawh hâwi hen â ruk lai le, nehnâk chu lukhuh hâwi hen â khuh lai. Thil diktir ding duhnâk fâk tak hen â thuam lai le, diklo tak hen mi zapi tla phû lam hen a rêp na lai.

ISAI 60:14

Nangmah a nan nehsawhtu fapa tla an hawng lai le, An zah ti theihnâk ding hen na mâika ah an kûn lai. A nan zauhnawmhtu tla nih na kezaphah bul ah an mâimûk lai. ‘LALPA khuapi’ ‘Zion, Israel Pathian Thenhlimh khuapi’ a nan ti lai.

ISAI 63:15

LALPA, vân ah na umnâk thenhlimhnâk leh rokualnâk thawk hen hawng kan zauhnik. Kan rangah na kan ruatnâk zeiah a um rawh? Na thiltikhonâk zeiah a um? Na dâwtnâk leh lungkhamnâk zeiah a um? Hawng kan zauhtâu lah.

ISAI 66:15

LALPA chu mei hen a hawng lai. An tlûnah a thinthawk mi tla rêp na ding hen thlipi thla tlûnah a hawng a chuan lai.

ISAI 66:24

“An suak liauah ka lakah hel mi ruak tla an muh lai. Anmah eitu tholung tla a thi lai lo, anmah khanghtu mei khawm a mit lai lo. Minung mitmuh ah fihnungkâi an si lai,” a ti.

ISAI 66:5

LALPA ṭihtu leh a thu zûltu tla, LALPA thusim ngâi u: “Nannih chu ka lakah zumh nan kâi ruangah nan lakah mi zeimaw mi nih a nan hua na le, nanmah hen zei thilti ding khawm an nei lai lo. ‘LALPA nih a rokualnâk an muhtir na hen an hum na seh, chu tikah nanna lâwm mi kan muh kho lai’ ti hen an nihsanh na. Sikhawmsele annih tla chu ningzak saih hen an um lai!

ISAI 9:18

Mei nih bualingnei leh bua tla a khangh mi hâwi hen mi zapi sualnâk nih a khangh. Ram a kâng mi meikhû a dîr luai mi hâwi hen a kâng.

ISAI 9:19

LALPA Zeizawng tikho chu a thinthawk ruangah, a rêpnâk nih chun ram pumpi mei hâwi hen a khangh le, mi zapi tla a veih na, mikip mah rang chiau asi.

ISAI 9:7

A lal thiltikhonâk chu a lian dadauh lai le; a lalram ah chun remnâk a um kumza lai. Lalchem David ruangrûl ah lâi a rêl lai le, a thiltikhonâk chu dik tak leh rep tak hen tu thawk hen tik dawngh tiang a um lai. LALPA Zeizawng tikho nih hi zawzawng ti ding a tum asi.

JEREMIA 44:28

Sikhawmsele nan lakah mi tâwmtê thi lo mi chu Aigupta ram ah mi chu Juda ram ah nan kîr lai. Churawhchun, a thibang tla nih keimah thu ma a dik anmah thu ma, âu thu a dik an theih lai.

JEREMIA 5:3

LALPA nih zumhkâinâk a hâwl. A nan vuak le, sikhawmsele a thu na ngâi duh lo. A nan râwk le, sikhawmsele sîn ding na duh lo. Na lung a khung hen na sual na lêt duh lo.

MIKAH 5:9

Israel tla nih a mêlma tla a neh hen a veih dep na lai rawh.

MIKAH 7:10

Chu chu kan mêlma tla nih an muh lai le, “LALPA nan Pathian chu zei ah?” ti hen hawng kan nihsanhtu tla chu an ningzak lai rawh. Tualmâi ah nêngthû hâwi hen lamhbêk hen neh an si mi chu kan muh na lai.

MIKAH 7:16

Phun tla nih chu chu an muh hen chak ding ngangâk hen an lawk lam a sawng lai. An lung a dawng tuktarâi ah an kâ an chîp lai le, an nâ tla an phih lai.

MALAKI 4:1

LALPA Zeizawng tikho nih, “Mi zûm tla leh misual tla fabû hâwi hen an kâng ding ni a hawng tlung awt rawh. Chu ni ah chun pakhat khawm âklo hen an kâng hep lai.

MATHAI 25:41

“Chu thluh chun, a kehlei ah mi tla sinah khawm chun, ‘Siatbarh mi tla, zungzâl mei Diabol leh mifial tla rangah an timhtuah mi lakah chun hawng ka kaltâk u,

LUK 16:23

Chun, mithi khua ah chun nganfâk tuar rerêng hen a um le, a vân a tâu le, lât takah Abraham ṭângkâ ah Lazar um mi a muh rawh.

THILTI 28:27

Hi phun thinlung hi a mawlâwt le, an nâ tla a ngawng dauh le, an mit khawm an sîm le, chu lo chun an mit hen an muh lai le, an nâ hen an theih lai le, an thinlung hen an theihthiam lai le, anna her nawlh lai le, chun kei nih ka damh na lebang lai,’ a ti ruangah.

HEBRAI 10:27

Lâirêlnâk ṭihnungkâi tak leh dotu tla khangh hepnâk thinthawknâk mei a um dauh lehlam lai.

1 PETER 3:16

Sia leh ṭha theihnâk thiang tak nei ule, an simsiat na nâk leikângah Krist ah nan umdân ṭha sâwitu tla chu mualpho hen an um kho lai.

THUPHUANG 19:20

Chun, sarâng chu an tleih le, khuavâng telê, sarâng singsiahnâk nei mi leh a lem maimûktu tla, an perpet na tâwnnâk thilchê a mitmuh ah titu tla kha an tleih sih le, an panih hen kât hen a kâng mi meizur ah a nung hen an lawnh na.

THUPHUANG 3:9

Ngâinik, Setan pumhnâk in tla lakah mi, Juda tak silo hen Juda anna ti mi tla chu ka hawng fial lai le, na kê bul ah kan mâimûktir lai le, âuzawng nih ka nan zângfah ti an theih lai rawh.

1 SAMUEL 6:9

Beth Semes leiah a kal leh kal lo zauh vima ule, Beth Semes leiah a kal asi chun Israel Pathian nih siatnâk ṭihnungkâi tak a hawng tlungtir mi asi lai. Sikhawmsele a kal lo asi lam chun râi chu amah nih a hawng fial mi asi lai lo le, amah a hawng um rêng mi asi lai,” an ti.