ISAI 26:1 - Bawm Common Language Bible Version

¹ Juda ram ah mi zapi tla nih hi la hi an sak ni ding a tlung awt rawh: Kan khuapi chu a bir! Pathian amah tak nih kulh chu a vêng!

ISAI 26:1 ပူးပေါင်းရင်းမြစ်များ

Ezra lasuibu 3:11

A la nawlhnâk sak hen LALPA chu an sawr: “LALPA chu a ṭha le, Israel rangah a dâwtnâk chu zungzâl asi,” ti hen. Mikip an hâu chelh ri hen an âu le, Biakin lungphûm chu phûm anna dawmh ruangah LALPA chu an sawr.

SAM 31:21

LALPA chu sawr u! Do leh kulh hen ka um liauah a dâwtnâk ka rangah a langh mi chu a chê a!

SAM 48:12

Pathian mi tla chu Zion tlâng kiangah an kal le, Insâng tla an rêl;

SAM 48:4

Lal tla chu Zion Tlâng do ding hen anna pûm le, an hawng.

ISAI 12:1

Mi zapi tla la sak ding mi ni a hawng tlung awt rawh. “LALPA ka lakah na thin a run le, Sikhawmsele, tu lam chun na thinthawk lo rawh le, thla na ka ngamh ruangah ka nan sawr lai.

ISAI 14:31

Nannih Philistia khuapi zawzawng tla, ṭangpi ngiar hen âu u! Ningṭih tak hen nan ektê hen um u! Marlei thawk hen valeidip khû a hawng, an sinâk chiauah kawrsen râlṭha an si.

ISAI 2:11

Minung khâwngnâk dawnghnâk, minung zûmnâk veihnâk a hawng tlung awt. Churawhchun, LALPA amah cho chu chungnungtir hen a um lai.

ISAI 2:20

Chu ni a hawng tlung tik chun, an siam mi ngûn leh tangka milem tla chu an lawnh ving lai le, zabui leh balâk tla sinah an mâk lai.

ISAI 25:9

Chu chu a hawng tlung tik chun, mikip nih, “Kan Pathian asi! Amah chu kan rinhsan le, ruang hawng kan suah rawh. Amah chu LALPA asi! Amah chu kan rinhsan le, tu chun ruang hawng kan suah ruangah kan lâwptlo hen kanna lâwm rawh,” an ti.

ISAI 31:5

Va nih a bû lakah mi a fa a vêng mi hâwi hen, kei, LALPA Zeizawng tikhotu nih, Jerusalem chu ka hum hen ka vêng awt asi,” a ti.

ISAI 31:9

An ram lal lianchem chu ningṭih hen a tek lai le, an hotu tla chu an lâu tuk ruangah an râltuk puanzâr tla an tektâk lai,” a ti. Chu chu LALPA Jerusalem ah an sawnh mi leh chunah bâwlnâk ah a mei alh kumza mi nih a sim mi asi.

ISAI 33:5

LALPA chu a rokual a! Thil zeizawng tlûnah lâi a rêl. Jerusalem chu diknâk leh rangtlingnâk hen a khattir lai le,

ISAI 33:6

Phun tla sinah birhnâk a pêk lai. A mi tla chu a hum kumza na le, finghnâk leh theihnâk a pêk na. An ro rokual chem chu LALPA an zahnâk chu asi.

ISAI 4:2

LALPA nih thil phun tla ram lakah tam tak a kho hen dawh tak hen a siam ni ding a hawng tlung awt. Israel mi a thibang tla chu ram lakah an chîng mi thlâi an tawng mi lakah anna lâwm lai le, an rinhsan lai.

ISAI 5:1

Hi la ka nan sak piak liauah hin ngâi, ka hâwipa leh a grep dûm la asi: Ka hâwipa nih tual ṭha tak tlâng tlûnah grep dûm a nei.

ISAI 56:5

churawhchun na min chu ka Biakin ah leh ka mi tla sinah fapa leh fanu na nei mi ngâk hen theihkumza asi lai. Zeiliau khawm ah philh na si lai lo,” a ti.

ISAI 60:18

Siat leh râwknâk rihâu chu theih asi lai lo rawh; Siatnâk nih nan ram chu a râwk nawlh lai lo rawh. Kulh hâwi hen ka nan hum hen ka nan vêng lai; Ruang ka nan suah ruangah na ka sawr lai.

ISAI 62:10

Jerusalem mi tla, khuapi sungah mi suak ule, Nan mi hawng kîr mi tla rangah lampi siam u! Lamlian timhtuah ule, lung tla thianh u! Singsiahnâk siam u.

ISAI 62:11

LALPA nih laikulh pumpi ah thu a sim mi chu Phun tla nih theih kho ding hen: “LALPA chu ruang a nan suah na ding hen a hawng le, Ruang a suah na mi tla a hawngpi na mi Jerusalem mi tla chu simh na u,” ti hen.

JEREMIA 33:11

Mi nih ka Biakin ah lâwmnâk thil ap an hawng put liauah la an sak mi nan theih lai. ‘A ṭhatnâk leh dâwtnâk dawnglo ruangah LALPA Zeizawng tikho sinah lâwmthu sim u,’ an ti lai. Hi ram hi a lânah mi hâwitê hen sul-le-lam tluang tak hen ka siam lai. Kei, LALPA nih ka sim asi,” a ti.

EZEKIEL 40:5

Ka muh mi chu Biakin asi le, hêl dak hen kulh asi. Chu minung nih chun a tahnâk fung feet 10 sâu mi chu a lâk le, kulh chu a tah rawh. A sânglei feet 10 a sah lei feet 10 asi.

ZEKARIA 2:5

LALPA nih, chu khuapi chu vêng ding hen amah ngelchel chu kulh dak hen mei kulh vâm hâwi hen humtu si hen, a rokualnâk zawzawng hen ka um awt ti hen a tiamh,” a ti.

ZEKARIA 2:9

“LALPA amah tak chu nanmah dotu asi lai le, nan to-aw si rawh mi tla nih an rûn na lai,” a ti. Hi bang tla hi a hawng tlung tikah mikip nih LALPA Zeizawng tikho fial mi kasi ti an theih lai.

NUMBER 21:17

Chuliau chun Israel tla nih hi la hi an sak: “Tikhurchawh tla, nan tî hawng suah u; La hen chibai kan bûk lai

MATHAI 16:18

Chun, nang Peter na si ti ka nan simh; hi lungpi tlûnah hin ka kawhmi ka dirh lai le, thihnâk nih chun a neh lai lo.