ISAI 25:2 - Bawm Common Language Bible Version

² Khuapi tla chu râwk dep hen na tuah le, an kulh tla khawm na râwk ver. Kan mêlma tla nih lal in an sak mi chu a vei pawt rawh.

ISAI 25:2 ပူးပေါင်းရင်းမြစ်များ

JOB LASUIBU 12:14

Pathian nih a siat rawh mi chu âunih dirhnawlh kho lai? Pathian nih rêng a thlâk mi âunih suah kho lai?

ISAI 13:20

Chunah chun âukhawm an um lai lo rawh. Arab velva tla khawm nih chunah an puanin an zâr lai lo rawh le, dawrâpu khawm nih chunah chun a ranrual a tlawngtir lai lo rawh.

ISAI 13:21

Ramsa umnâk ramkaro mun asi lai le, sûmbuh bû khuarnâk asi lai. Chunah chun tivarak ngâwngsâu a um lai le, sazâ tla chu â râwk mi mun ah an pang lai.

ISAI 13:22

Insâng leh lal in tla chu chingngia leh kâwlui âu hâu a thang khâwk lai. Babulon tik chu a hawng tlung rawh! A ni tla a dawng dêng rawh,” a ti.

ISAI 14:23

Babulon chu nêngthû ah ka siam lai le, chunah chun sûmbuh tla an um lai. Zeizawng phiat pengnâk munphiah hen Babulon chu ka phiat awt. Kei, LALPA Zeizawng tikhotu nih ka sim asi,” a ti.

ISAI 17:1

LALPA nih, “Damaska chu khuapi asi lai lo rawh le; thil râwk mi pawng cho asi lai rawh.

ISAI 17:3

Israel chu vêngtu nei lo asi lai le, Damaska nih mah thu hen a umnâk chu a vei lai rawh. Siria thibang tla chu Israel tla hâwi hen mualpho tak hen an um lai. Kei, Zeizawng tikho LALPA nih chu chu ka sim asi,” a ti.

ISAI 21:9

Mawhsareh hen hinah rang tlûnah chuan hen minung panih vima hen an hawng. Râl vêngtu nih, “Babulon chu a tlû rawh! Milem an sawnh mi zawzawng tla chu tual ah an tlû ver rawh,” ti hen thâwng a hawng thanh.

ISAI 23:11

LALPA nih tipi tlûnah a bân a phar le, lalram tla chu a neh rawh. Sawlehnâk munpi chem Phoinikia râwk ding hen thu a pêk rawh.

ISAI 23:13

(Tura khua tlûnah ramsa chêltirtu chu Asiria mi tla an si lo le, Babulon mi tla an si. Insâng tla hual hen Tura khua kulh tla siat hen khuapi râwk deptu chu Babulon mi tla an si.)

ISAI 24:10

Khuapi ah mi thil zeizawng chu a nawk, him ding duh hen mi tla chu an in anna renh khumh.

ISAI 25:12

Moab kulh tla leh a kulh vâm, sâng tak tla chu a râwk lai le, nek dip hen a tlûtir lai.

ISAI 26:5

 zûm mi minung tla chu a nâutir na le; an umnâk khuapi bir tla chu a râwk piak hen a kulh tla a chimtir le, valeidip ah a mântir.

ISAI 27:10

Kulhnei khuapi chu râwk hen a um rawh. Ramkaro hâwi hen a karo hen siah hen a um. Ranrual dînnâk leh tlawngnâk rang ding ah belh ningno mun lam asi rawh.

ISAI 32:14

Lal in tla chu kaltâk hen a um lai le, khuapi chu an roh thlo lai. In tla leh kulh vêng hen a um mi tla chu â râwk pawt lai rawh. Ram sanatung tla chunah chun an tlawng lai le, dawrâ rual nih chunah chun râwl tlatnâk an tawng lai.

ISAI 32:19

(Sikhawmsele thing mun ah rial a tlâ lai le, khuapi chu a chim lai.)

ISAI 34:13

Ling leh bua tla chu lal in leh kulh mi khua tla lakah a kho lai le, kâwlui leh sûmbuh tla a sungah an um lai.

ISAI 37:26

“Hi bang tla hi keimah nih a lân thawk hen ka ruat mi asi ti na theih dahlo ma? Tuah chun ka langh rawh. Kulhnei khua tla chu nâwmtâm pawng ah siam ding hen thiltikhonâk kan pêk rawh.

JEREMIA 51:26

Siat leh râwk hen na umnâk lakah mi lung rerêng chu in saknâk ding ah mang nawlh asi lai lo rawh. Ramkaro hâwi na si kumza lai. Kei, LALPA nih ka sim asi.

JEREMIA 9:11

LALPA nih, “Jerusalem chu nâwmpawng ah ka siam lai le, chu mun ah kâwlui tla an um lai; Juda khuapi tla chu a karo hen a um lai le, chunah chun âukhawm an um lai lo,” a ti.

DEUTERONOMY 13:16

Chunah mi tla neih-le-siah tla chu munkhat ah pawng ver ule, kil li hen pawng u. LALPA sinah thil ap rang ding ah thil zeizawng a khua hen duah hep u. Râwk dep hen siah asi lai le, zeiliau khawm sak nawlh asi lai lo rawh.

THUPHUANG 18:19

Chun, an lû ah valeidip an phulh le, ngaihsia tak a ṭap bû hen, “Khuapi rokual tak chu a tlûn a pit! A neihnâk ruangah minei si mi tla leh tisumsumriat ah lawng neitu tla chu dârkar khat lak ko ah a tlâu rawh hi,” an ti.