ISAI 24:9 - Bawm Common Language Bible Version

⁹ Uain dinnâk ah lâwmnâk la sak hâu khawm a um lo rawh; a thâwtnâk ruangah â lâwm mi âukhawm an um lo rawh.

ISAI 24:9 ပူးပေါင်းရင်းမြစ်များ

SAM 69:12

Khualâi tlâng ah keimah thu karo an sim, Zurî mi tla nih la hen an ka suangkhâng.

THUSIMTU 9:7

A mâi masa le, na buh ei le, lâwm tak hen um; na uain din le, thinlung lâwm tak hen um rawh. Pathian sinah um chu a dik asi.

ISAI 5:20

Râwk leh siat hen na um rawh! Sual chu ṭha na ti le, a ṭha mi chu sual na ti. Mûi chu chêu na ti le, chêu chu mûi na ti. A khâ mi chu a thlum na ti, a thlum mi chu a khâ na ti.

ISAI 5:22

Râwk leh siat hen na um rawh! Uain palang ah râlṭha tla! Telh hen din tikah râlṭha hen ṭihnâk nei lo mi!

EZEKIEL 26:13

Nan lasak tla ka bângtir lai le, nan tumphung rihâu tla ka rehtir lai.

AMOS 8:10

Nan kût ni tla chu mithi vûi ni ah ka changtir lai le, nanna lâwmnâk la chu ngaihsia hen âunâk ah ka changtir lai. Nan lû ka mêt lai le, salâpuan kan aihtir na lai. Nu leh pa nih an fapa an neihlem mi thihnâk ruangah an lungfâk mi hâwi asi lai. Chu ni chu khâtîk hen a dawng lai.

AMOS 8:3

Chu ni ah chun lal in ah la saknâk mun chu âu nâk leh lungfâknâk mun a si lai. Mun kip ah mithi ruak a um lai. Dâisip hen an lawnh na lai,” a ti.

ZEKARIA 9:15

LALPA Zeizawng tikho nih a mi tla chu a hum na lai le, an mêlma tla chu an veih na lai rawh. Zurî hâwi hen râltuknâk ah chun an âu lai le, bâwlnâk thisen mâichâm tlûnah khêng lakah mi an thlêt le, a luang mi hâwi hen an mêlma tla thisen an luangtir lai.