ISAI 24:3 - Bawm Common Language Bible Version

³ Tual chu siat leh râwk hen a um lai. LALPA nih a sim rawh mi chu ti hen a um lai.

ISAI 24:3 ပူးပေါင်းရင်းမြစ်များ

2 CHRONICLES 36:21

Jeremia mang hen LALPA nih a sim mi kha a hawng tlung taktê rawh asi: “Dinhni manglo hen kum sâwmsarih kar ram chu lâwng tleng hen a um lai,” ti thu hâwi khan.

ISAI 21:17

Chanhtiang kahtu tla chu Kedar ram ah mi râlṭha chem an si, sikhawmsele tâwmtê cho a thibang an um lai. Kei, LALPA Israel Pathian nih ka sim asi,” a ti.

ISAI 22:25

Chu chu a hawng um tik chun, chu thîr khenh bir tak a khenh mi chu a hawng tlawng lai le, a tlâ lai. Chu chu thil zeizawng thlâi mi dawnghnâk asi lai rawh. LALPA nih a sim mi asi,” a ti.

ISAI 24:1

LALPA nih tual a râwk lai le, a karo hen a siah awt. Tual chu a rual tel lai le, mi tla a rek phin na lai.

ISAI 24:2

Mikip bâwlpu tla leh mi zapi, sal leh hotu, châwktu leh zuartu, lângtirtu leh pûktirtu, minei leh mipâm bang hep hen an thi lai.

ISAI 24:4

Tual chu a hul le, a uai; laikulh pumpi khawm a dî le; tual leh vân khawm a kuai vevê.

ISAI 42:22

Sikhawmsele tuah a mi le tla chu râwk hep hen an um le, khur sungah an renh pang na le, rêngin ah an thuh na ving; râwk leh rûn hen an um le, anmah ruangsuah ding hen pakhat khawm an hawng lo.

ISAI 5:6

A tlûnah belh bua tul hen ka chawrhtir lai. A ngê tla khawm ka tan lai lo le, tual khawm ka rît awtlo; chu hâwi ding ngâk hen belh leh ling hen ka tuamtir pang awt. Vândâwm khawm a tlûnah ruah sûrtir lo ding hen ka khap awt,” a ti.

ISAI 6:11

Kei nih, “Chu hâwi hen zeitiang asi awt, Lalpa?” ka ti. Anih nih a sâng le, “Khuapi â râwk hen a karo asi hen, in tla luahtu umlo hen ram chu râwk dep hen kaltâk asi tiang hen.

JEREMIA 13:15

Israel mi tla, LALPA nih thu a sim! Nâu tak hen um ule, a thu ngâi u.

EZEKIEL 36:4

Churuangah kei, LALPA Zahkâi nih, tlâng sâng tla leh tlâng tênâu tla sinah tivatê leh tivakuam tla sinah, mun tla râwk hen kaltâk rawh mi leh khuapi an rûn le a karo hen mâk rawh mi, a kiangkam ah phun tla zawzawng nih an nihsanh mi sinah thu ka sim mi chu tuah ngâi u.

MIKAH 2:4

Chu chu a hawng tlung tik chun mi nih a sia leikâng hen nan thâwng an sim lai le, nan thinlung lungdawngh kâi tak chu la hen an sak lai: Kanna râwk dep rawh! Kan ram chu LALPA nih a lâk le, Sal ah hawng kan puttu tla sinah a pêk ving rawh, ti mi hi an sak lai,” a ti.

MIKAH 4:4

Mikip rem tak hen an grep leh an theipi nâwngah an um lai le, an lâutir na lai lo rawh. LALPA Zeizawng tikho nih hi hi a tiamh mi asi.

DEUTERONOMY 29:23

Phâisen tla chu a karo hen a um lai le, kât leh chitê nih a tuam lai; zeikhawm chîng asi lai lo le, belh tiang a kho lai lo. Nan khuapi tla chu Sodom leh Gomorah, Admah leh Zeboim a thinthawk fâk liauah LALPA nih a râwk mi hâwi asi lai.

DEUTERONOMY 29:28

LALPA chu thungâi a thin a thawk le, a thinthawknâk rokual tak hen an ram ah mi chu a ṭhial zek na le, ramdang ah a siah ving na, chunahchun tu liauah an um rawh.’