ISAI 24:16 - Bawm Common Language Bible Version

¹⁶ Laikulh mun lât chem thawk hen Israel mi phun rep tak tla nih sawrnâk la an sak mi kan theih lai. Sikhawmsele, kei rang lam chun lungumnâk a um lo! Ka vei thlo rawh! Phehtu nih chun tleih a tum nget rih, zumh an kâi lo dadauh.

ISAI 24:16 ပူးပေါင်းရင်းမြစ်များ

SAM 106:15

Churawhchun, an deih mi chu a pêk na le, sikhawmsele râi ṭihnungkâi khawm an sinah a fial.

SAM 119:158

Mi tleihtu tla chu ka zauh na chun ka fih na, na dân thupêk tla an zûl duh lo ruangah.

SAM 2:8

Hawng ka deih le, phun zawzawng ka nan pêk lai, tual pumpi na tâ asi lai.

SAM 58:10

Mirep tla nih misual rêp hen a um mi an muh tikah anna lâwm lai, misual tla thisen hen a kê chu a ṭâwl lai.

SAM 65:8

Thil rokual tak na ti mi ruangah laikulh pumpi chu a lâu. Na thilti nih tual khatlei dawnghnâk thawk hen khatlei dawngh tiang lâwm hen a âutir.

SAM 67:7

Pathian nih mal hawng kan sâwm le, mun kip mi nih amah chu zah seh.

SAM 98:3

A diknâk leh a dâwtnâk dawnglo hen Israel mi zapi le tla sinah a thutiam chu a kil thlir. Kan Pathian nehnâk chu munkip mi zawng nih an muh.

EXODUS 15:11

LALPA, pathian tla lakah nang hâwi âu me um? Thenhlimhnâk leikângah chê tak mi nang hâwi âu me um? ‘Nangmah hâwi hen mi chak leh thilchê tikho âu me um?

ISAI 10:16

Awrkâ thaw tak hen anna châwm mi tla sinah LALPA zeizawng tikho nih anmah rêp ding hen râi a fial awt. An tak lakah mei mâ hâwi a durh vima lai.

ISAI 11:12

LALPA nih phun tla theihtirnâk ding puanzâr, Juda leh Israel anna rekrâwi mi tla, tual kil li thawk hen a pumh nawlh na awt ti theihnâk a thlâi awt.

ISAI 17:4

LALPA nih, Israel tla rokualnâk dawng ding ni chu a nâi rawh, a neihnâk chu pâmnâk nih a luah lai.

ISAI 21:2

Thil ṭhalo tak a hawng tlung ding mi langhnâk ka muh le, tleihnâk leh siat leh râwknâk ding mi asi. Elam kawrsen tla, do u! Media kawrsen tla, khuapi tla chu hual u! Babulon nih tuarnâk a tlungtir mi chu Pathian nih a dawnghnâk a siam awt rawh.

ISAI 26:15

LALPA, kan phun tla na ṭhangtir le, zei leikâng zawng ah a ram chu na kauh le, chu nih chun na rangah zahkâi tak hen a nan siam.

ISAI 28:5

LALPA Zeizawng tikho chu chawmpâr lallukhuh rokual tak hâwi hen a mi le tla thibang rangah a hawng kalnâk ni chu a nâi rawh.

ISAI 33:1

Kan mêlma tla chu an vânduai rawh! Âukhawm nih anmah rangah tleih na hen rawk na lo khawmsele, mi rangah an rawk na. Mi an rawknâk leh an tleihnâk chu a dawng lai le, anmah ngelchel chu mi rawkmang leh mi zumhkâilo an si lai.

ISAI 42:10

LALPA sinah la thar sak u; laikulh zawzawng nih a sawrnâk la sak u! Tipi dung zawhtu tla, amah chu sawr u: Tipi ah thilsiam zawzawng tla, amah chu sawr u! Ram lât takah um mi tla, la sak u!

ISAI 48:8

Hel hâwi kumza hen theih nan si ruangah, zumh nan kâi kho awtlo ti ka theih. Chu chu asi, hi hi nan theih dahlo mi chu, zei rangah nan nâ ah thu a lût lo thlo.

ISAI 52:10

LALPA nih a thiltikhonâk thenhlimh a mang lai le; a mi tla ruang a suah na lai le, laikulh ah mi zawzawng nih an muh lai.

ISAI 6:5

Kei nih, “Kei rangah lungumnâk a um lo rawh! Thu sual ka simnâk mûr ruangah mi vânduai kasi, thu sual simtu nâwngah um mi kasi. Sikhawmsele, ka mit ngelchel nih Lalchem, LALPA Zeizawng tikho chu ka muh rawh,” ka ti

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

JEREMIA 12:1

LALPA, ka thunawk hi na sinah ka sim chun Nangnih a dik ti na theih lai. Sikhawmsele, a dik dân thu ka nan deih awt. Zei rangah misual hi an sul-le-lam a tluang zia? Zei rangah mi zumhkâilo tla anna dingchang?

JEREMIA 12:6

Na dâwngsungkhur lakah mi na unau tla men nih a nan perpet hen nangmah do ding hen anna bawp. Kawmh tak hen thu sim na khawmsele zumh lah na,” a ti.

JEREMIA 3:20

Sikhawmsele, nupi zumhkâilo hâwi hen, ka lakah zumhkâilo hen na um. Kei, LALPA nih ka sim asi,” a ti.

JEREMIA 5:11

Israel leh Juda mi tla nih an hawng ka tleihtir tatak rawh. Kei, LALPA nih, ka sim asi,” a ti.

LUNGFÂKNÂK 1:2

Zân khuavâr hen a ṭap le; a mitthli chu a thinmakâ ah a luang. A lânah a hâwikawmh tla zawzawng anih rangah Thlangamhtu pakhat khawm an umlo. Amah lei ṭângṭawmtu nih an tleih le, amah dotu an si ver rawh.

HOSEA 5:7

LALPA lakah zumh an kâi lo le; an fa tla khawm anih tâ an si lo. Churuangah tuah anmah leh an ram chu a vei sawm lai.

HOSEA 6:7

“Adam ram ah an lût kâ hen anmah hen thudântuk ka siam mi chu an buar.

LEVITICUS 26:39

Nanmah leh nan thlâktu tla sual ruangah nan mêlma tla ram ah nan vei dadauh lai.

MIKAH 5:4

A hawng tikah chun LALPA sinah mi chaknâk leh LALPA Pathian amah lalnâk hen a mi tla lâi a rêl piak na lai; laikulh ah mi zawzawng nih a rokualnâk an theih awt ruangah leh thlangamnâk a pêk na awt ruangah a mi tla chu

HABAKUK 1:13

Sikhawmsele hi bang hâwi misual leh nehsawhtu tla hi zeitin na zuah kho na zia? Misual tla zauh ding hen chun na mit a thenhlimh tuk, mi nih thil diklo an ti mi khawm na zauh ziar kho lo. Churuang chun mi diklo nih mi dik rangah an veih liauah zeitin na dâisip zia?

HABAKUK 1:3

Hi hâwi lawksawngnâk muh ding hen zei rangah na hawng ka siam, hi bang hâwi thil diklo ti hi zeitin na zauh kho zia? Siatnâk leh râwknâk nih hawng ka kulh dak le, mun kip ah a sualnâk leh donâk a um.

MARK 13:27

Chu tikah chun vânmifial tla chu a fial lai le, a thîm mi tla chu kâwlkil li ah mi tual dawngh thawk hen vân dawngh tiang hen a lâwr hen a pumh lai.”

THILTI 13:47

Chu hâwi hen chun Lalpa nih thu hawng kan pêk asi: ‘Phundang tla chêutirtu ah ka nan ruat kâwlkil tiang hen Ruangsuahtu ah na um khonâk ding hen,’ ti rîn hâwi khan,’ an ti.

THUPHUANG 15:3

Chun, Pathian to-aw Mosi la leh Dawrâ Fa la chu an sak le, Lalpa Pathian zeizawng tikho, na thilti tla chu a rokual hen a chê le! Nang phun kip Lalchem, na lampi tla chu a dik hen â rep asi!