ISAI 24:10 - Bawm Common Language Bible Version

¹⁰ Khuapi ah mi thil zeizawng chu a nawk, him ding duh hen mi tla chu an in anna renh khumh.

ISAI 24:10 ပူးပေါင်းရင်းမြစ်များ

GENESIS 11:9

Chu khuapi chu Babel (Babulon) an ti. Chunah chun LALPA nih an hawlh tla a dang piak na hen, chu thawk ber chun tual tlûn mun kip ah a rek na ruangah.

2 Lal 25:4

Sikhawmsele, Babulon mi tla nih khuapi chu an kulh hep le, Juda kawrsen tla chu zân ah an suak hep, lal dûm lampi lei hen vâm a tawnhnâk kawtkâ lei hen an kal le, Jordan Vakuam leiah an tek hep.

ISAI 23:1

Hi hi Tura thu ah thuchah asi. Nang tisumsumriat ah lawng khalhtupa, ngaihsia hen âu rawh! Na dînnâk lawng mun Tura chu râwk asi rawh; a in leh a lawng dinhnâk khawm râwk asi rawh. Kupra thawk hen na lawng a hawng kîr liauah thâwng na theih rawh.

ISAI 24:12

Khuapi chu râwk hen a um le, a kulh kawtkâ tla a chim.

ISAI 25:2

Khuapi tla chu râwk dep hen na tuah le, an kulh tla khawm na râwk ver. Kan mêlma tla nih lal in an sak mi chu a vei pawt rawh.

ISAI 26:5

 zûm mi minung tla chu a nâutir na le; an umnâk khuapi bir tla chu a râwk piak hen a kulh tla a chimtir le, valeidip ah a mântir.

ISAI 27:10

Kulhnei khuapi chu râwk hen a um rawh. Ramkaro hâwi hen a karo hen siah hen a um. Ranrual dînnâk leh tlawngnâk rang ding ah belh ningno mun lam asi rawh.

ISAI 32:14

Lal in tla chu kaltâk hen a um lai le, khuapi chu an roh thlo lai. In tla leh kulh vêng hen a um mi tla chu â râwk pawt lai rawh. Ram sanatung tla chunah chun an tlawng lai le, dawrâ rual nih chunah chun râwl tlatnâk an tawng lai.

ISAI 32:19

(Sikhawmsele thing mun ah rial a tlâ lai le, khuapi chu a chim lai.)

ISAI 34:11

Sûmbuh leh langâk tla nih ram chu an luah lai. LALPA nih lâwngtleng hen a siam nawlh lai le, thilsiam um lân mi hâwi hen.

JEREMIA 39:4

Zedekiah leh a kawrsen tla nih chu hâwi thil a um mi an muh rawh chun zân ah khuapi mi chu suaktâk ding an tum. Lal dûm lei mi lampi hen an kal le, kulh tawnhnâk kawtkâ ah an suak le, Jordan vakuam leiah an kal.

JEREMIA 39:8

Chu kar chun lal in chu Babulon mi tla nih an duah le, mi zapi tla in khawm an duah le, Jerusalem kulh tla an chimh ver.

JEREMIA 52:7

Babulon mi tla nih khuapi chu hual dak na khawmsele kawrsen tla chu zân ah an suak hep. Lal dûm leikâng a mi lampi hen an kal le, kulh vâm panih â tawnhnâk ram kawtkâ lakah an suak le, Jordan vakuam leiah an tek.

MIKAH 2:13

Pathian nih an rangah lampi a awng lai le, sal ah tâng mi chu a suah na lai. Khuapi kulh thawk hen an suak lai, an lal LALPA ngelchel nih a rui na lai.

MIKAH 3:12

Churuang chun Zion chu nangmah ruangah phâisen hâwi hen nâwn asi lai le, Jerusalem chu nâwm pawngnâk asi lai, Biakin tlâng chu tumun asi lai.

LUK 19:43

Na mêlma nih na kiang hêl dak hen tual kulh an siam lai le, a nan hual lai le, na kiang hêl dak hen suak kho lo hen a nan um nawh lai.

LUK 21:24

Chun, nâmsâu ah an thi lai le, phun kip sinah sal ah put hen an um lai; chun Phundang tla tik a dawng lânlo chu Jerusalem chu lamhbêk hen a um lai.

THUPHUANG 18:2

Vânmifial nih chun hâu fâk tak hen, “Babulon khua rokual tak, khuri tla, thlarau nâwmtâm tla, nâwmtâm kip leh vâ nâwmtâm tla umnâk chu a tlû rawh;