ISAI 22:6 - Bawm Common Language Bible Version

⁶ Elam ram ah mi kawrsen tla chu rang tlûnah chuan hen an hawng le, chanhtiang leh a thalzum tla anna put. Kir ram ah mi kawrsen tla chu an phaw tla hen tîm chia zet hen an um.

ISAI 22:6 ပူးပေါင်းရင်းမြစ်များ

GENESIS 10:22

Sem fapa tla chu: Elam, Asur, Arpaksad, Lud leh Aram an ti. Chu tla chu thlâktu min puttu tla chu an si.

2 Lal 16:9

Tiglath Pileser nih Ahaz ngiarnâk a sâng le, Damaska chu a kawrsen rual hen a va kal le, a do rawh, a lâk le, lal Rezin chu a thah le, a minung tla chu a tleih na le, Kir khua leiah a kalpi na.

ISAI 11:11

Chu ni a hawng tlung tikah chun Lalpa nih Asiria ram ah leh Aigupta ram ah um rih mi tla, Pathros, Sudan, Elam, Babulon, Hamat ram ah um mi leh tiva kapah um mi leh tikulh lakah um mi tla, kîrpi nawlh na ding hen a thiltikhonâk veikhat a mang nawlh lai.

ISAI 15:1

Hi hi Moab thu ah thuchah chu asi: Zân khat ko ah Ar leh Kir khuapi chu veih asi le, Moab ram chu a dâi dep.

ISAI 21:2

Thil ṭhalo tak a hawng tlung ding mi langhnâk ka muh le, tleihnâk leh siat leh râwknâk ding mi asi. Elam kawrsen tla, do u! Media kawrsen tla, khuapi tla chu hual u! Babulon nih tuarnâk a tlungtir mi chu Pathian nih a dawnghnâk a siam awt rawh.

ISAI 22:7

Juda ram tivakuam ningno tak tla chu kari hen a khat; rang tlûnah to mi kawrsen tla chu Jerusalem kulh kawtkâ tla ah an dîr.

AMOS 1:5

Damaska kulh kawt tla chu ka râwk lai le, Aven Kuam ah um mi tla leh Betheden lâirêltu chu ka ṭhial ving awt. Siria mi tla chu Kir ram leiah sal ah put hen an um lai,” a ti.

AMOS 9:7

LALPA nih, “Israel mi tla, Sudan mi tla chu nanmah hâwi ber hen ka thinlung ah ka ruat na. Aigupta ah mi ka nan kalpi na hâwi hen Philistia tla chu Kret thawk hen ka kalpi na le, Siria mi tla khawm Kir thawk hen ka kalpi na.