ISAI 22:5 - Bawm Common Language Bible Version

⁵ Tu hi ningṭih tik, neh tik leh tivakuam ah langhnâk lakah nawknâk LALPA Zeizawng tikho nih kan lakah a hawng fial mi tik chu asi. Kan khuapi kulh tla chu chim rel hen an dêng le, ṭangpi duh hen âu hâu nih tlâng tla a râwng.

ISAI 22:5 ပူးပေါင်းရင်းမြစ်များ

2 Lal 19:3

Hi hi Isai sinah sim ding mi thuchah chu asi: “Tusûn ni hi tuar ni asi, rêp leh ningzak saih hen kan um. Nunau faring awt liauah a nganfâk le, sikhawmsele ring ding hen a chelh lo thlo mi hâwi kan si.

2 Lal 25:10

a kawrsen tla nih kulh vâm tla an râwk.

ESTHER 3:15

Lal thupêk hen chu thu chu Susa khuapi ah siam asi, lasui ṭhentu tla nih ram ṭhen kip ah an kalpi rawh. Susa khuapi a lawksawng liau chun lal leh Haman chu din leh ei hen an um.

ISAI 10:6

Asiria chu Pathian nei lo mi phun ka thinthawktirtu tla do ding hen ka fial. Khualâi ah nâwmtâm hâwi hen lamh bêk na ding hen leh anmah râwk leh lâk piak na ding hen ka fial na.

ISAI 22:1

Hi hi Tivakuam ah Muhnâk thu ah thuchah asi. Zei a hawng tlung? Zei rangah khuapi minung tla nih in tlûnah zei lâwmnâk me an mang?

ISAI 25:10

LALPA nih Zion Tlâng chu a hum lai le, sikhawmsele Moab mi tla lam chu tual ṭha lakah mi fapawn hâwi hen lamh dep an si lai.

ISAI 37:3

Isai sinah sim ding hen thuchah chu hi hi asi: “Tusûn chu tuarnâk ni asi; rêp hen leh ningzak saih hen kan um asi. Nunau nih fa a ring awt le, sikhawmsele tha rerêng a nei lo rawh mi hâwi kan si.

ISAI 5:5

“Hi hâwi hen ka grep dûm hi ka ti nik kher lai; a kiangah mi dâi ka awnh ver lai le, a kulh vâm tla ka râwk hep lai le, ramsa tla ka eitir na lai le, ka chîltir dip na lai.

ISAI 63:3

LALPA nih a sâng le, “Keimah nih phun tla chu grep hâwi hen ka chîl na le, pakhat khawm hawng ka ṭangpi ding hen an hawng lo. Ka thinthawknâk hen ka chîl na le, ka nipuan lakah an thî â buaih ver asi.

ISAI 63:6

Ka thinthawknâk hen phun tla chu ka lamh na le, ka râwk na. An nungnâk thisen chu tual tlûnah ka thlêt,” a ti.

JEREMIA 30:7

Ni ṭihnungkâi tak; ni dang hen tahkhiat kho lo rê mi ka mi le tla rangah hamhnâk tik a hawng tlung rawh, sikhawmsele, a thibang chu an um lai,” a ti.

LUNGFÂKNÂK 1:5

A mêlma tla chu anna dingchang le, An thiltikhonâk hen an tleih thlir. LALPA nih a sual tam tak ruangah a tuartir le; A fa tla chu an tleih le, an kalpi ving na.

LUNGFÂKNÂK 2:2

LALPA nih khuaruatnâk nei lo thlo hen Juda ram khua kip chu a râwk le, An vêng mi ram lakah kulh tla chu siat hen a um. Lalram tlûnah leh a lâirêltu tlûnah mualphonâk a tlungtir.

LUNGFÂKNÂK 2:8

LALPA nih Zion kulh chu râwk ding a tum rerêng; Râwk dep ding hen a tahtimh zet mi rawh. A kulh leh a insâng tla khawm tu chun râwk dep hen a um rawh.

EZEKIEL 7:7

Ram sungah nan um mi tla rangah dawnghnâk a tlung rawh. Tlâng tlûnah sawnh leh biaknâk umlo hen nawknâk karo tlung ding tik a nâi rawh.

HOSEA 10:8

Aven tlâng tlûnah Israel mi tla nih milem an sawnhnâk mun khawm râwk asi lai. An mâichâm chu bualingnei leh belh nih a khuh dep lai. Mi tla nih tlâng sâng tla sinah, “Hawng kan thuh! ” an ti lai le, tlâng tênâu sinah, “Hawng kan khuh!” an ti lai.

MIKAH 7:4

An lakah mi ṭha chem leh zumhkâi chem ti mi khawm belh hâwi hen zeirang khawm an tlâklo. Khuavâng tla mang hen Pathian nih rêp ding hen a simhkan mi ni chu a tlung rawh. Tuah chun anna nawk rawh.

ZEPHANIAH 1:15

Chu ni chu thinthawknâk ni, lawksawngnâk leh hamhnâk, siatnâk leh râwknâk ni, mûinâk leh thimnâk ni, vândâwm thim pang ni,

MATHAI 24:16

Judai ram ah um tla chu tlâng ah tek na seh.

LUK 23:30

Chu tikah chun mi tla nih tlâng tla sinah, ‘Hawng kan denh!’ an ti teh lai; mual tla sinah, ‘Hawng kan khuh,’ an ti teh lai.