ISAI 22:4 - Bawm Common Language Bible Version

⁴ Ka mi le thi mi zawzawng tla ngaihsia tak hen ṭappi na ding hen tuah keimah lâwng hen hawngka kaltâk ko. Thla hawng ka ngamh ding a tum lah.

ISAI 22:4 ပူးပေါင်းရင်းမြစ်များ

ESTHER 4:1

Mordekai nih thil zeizawng an ti ver rawh mi a theih rawh chun a lawksawng tukah a nipuan a thlêk. Salâpuan â aih le, a lû ah vachâm a phulh le, ngaihsia tak hen a ṭap bû hen khuapi a ṭawl le,

SAM 77:2

Lawksawng ni ah LALPA sinah thla ka cham, thlacham hen khuadei ver hen ka kut ka phar le, khawmsele thlangamnâk ka tawng lo.

ISAI 15:3

Tual lâi ah zapi tla nih salâpuan anna aih le; khuapi kulh leh in tlûnah mi zapi tla chu an lungfâk le an ṭap.

ISAI 33:7

Mi râlṭha tla chu ṭangpi ding hen an ṭap. Ram ruangrûl ah ruat mi tla chu lungfâk tak hen an ṭap.

JEREMIA 13:17

Nan ngâilo mi asi chun, nanna zûm mi ruangah a thuptê hen ka ṭap lai le; LALPA mi tla sal ah kalpi hep an si ruangah lungfâk tak hen ka ṭap lai le, ka mitthli a luang lai.

JEREMIA 31:15

LALPA nih, “Ramah ah lungfâk tak hen ṭap hâu theih hen a um. Rakil chu a fa tla an um lo rawh ruangah a ṭap le, a thla a ngam kho lo.

JEREMIA 4:19

A fâk a! A fâk ka tuar kho lo. Ka lung a fâk a! Ka thinlung a fâk chiam e! Tâwtawrâwt hâu leh râltuk hâu ka theih le, ka dâisip kho lo.

JEREMIA 6:26

LALPA nih a mi le sinah, “Salâpuan aih ule, vachâm nâwngah rîl u. Minung pakhat nanmah veih ding hen hawng kal mi nih an do sâwm na awt ruangah, fapa pakhat tek ruangah nan lung a fâk ding mi hâwi hen mitthli tlâ rê hen lungfâk u.

JEREMIA 8:18

Ka lungfâknâk chu damh kho asi lo; ka thinlung ah ka ngawr.

JEREMIA 9:1

Ka lû hi tikhurchawh si sele, ka mit hi mitthli tinungva si sele ka duh, churawhchun ka mi le thah hen an um rawh ruangah a sûn a zân hen ka ṭap kho lai rawh.

JEREMIA 9:18

Mi tla nih “Kan mitthli tla ding leh kan mit vun tla chîn dep rê ṭap ding hen mithi vûinâk la hawng kan sak piak ding hen khulrang hen simh na u,” an ti.

LUNGFÂKNÂK 2:11

Ka ṭapnâk ah ka mit khawm a dî le, Ka thinlung khawm a nawk, Ka mi tla siat leh râwknâk ruangah ngaihsia hen ka dî, Ngâksia leh fasêm tla chu khuapi zâwllâi ah an uai tep.

EZEKIEL 21:11

Nâmsâu chu tlêu kil hen mang sek ding hen timhtuah ding asi. Thahtu kut ah tât siar leh tlêu vak hen pêk ding asi.

EZEKIEL 27:31

Nangmah ruangah an lû tla an mêt le, Salâpuan anna aih. An lung a fâk tuktarâi ruangah thungâi an ṭap.

MIKAH 1:8

Churawhchun, Mikah nih, “Hi bang ruangah hin ka lung a fâk hen ka ngaih a sia. Ka ngaihsia mi langhnâk ding hen kê karo leh takkaro hen ka kal awt. Kâwlui hâwi hen ka âu lai le, vachâ hâwi hen ka lung a fâk lai.

MATHAI 2:18

“Ram khua ah hâu an theih, ṭap tla, mithi ngâi hen rûm leh âi tla, Rakel nih chun a fa tla a ṭapnawh na le, an umlo rawh ruangah lungngamh kho asi lo,” ti hen a sim mi kha a dik asi.

MATHAI 26:75

Chun, Peter nih chun, Jisu nih, “Âr a khuang lânah nangnih veithum na ka pheh lai,” a ti mi thu kha a hawng theih nawlh rawh. Chun, a suak le, ngaihsia tak hen a ṭap rawh.

LUK 1:2

a tîr thawk hen muhtu tla leh thu rianṭuantu tla nih kanmah hawng kan simh hâwi khan an rîn asi.

LUK 19:41

Chun, a tlung bâi tem ah, khua chu a muh le, a ṭapnawh le,