ISAI 22:23 - Bawm Common Language Bible Version

²³ Bir tak hen khenh mi hâwi hen a mun ah ka siam lai le, a dâwngsungkhur zawzawng lakah zahkâinâk bulpi asi lai.

ISAI 22:23 ပူးပေါင်းရင်းမြစ်များ

Ezra lasuibu 9:8

Tuah sâwtlotê rang ding ah LALPA kan Pathian kan lakah vêl na nei le, mi zeimaw zat chu sal ah mi hawng kan suah le, hi mun thenhlimh ah na hawng kan umtir rawh. Sal si rawh menza khawmsele nunchan thar na hawng kan pêk rawh.

ESTHER 10:3

Juda mi Mordekai chu lal Zerzes sangtu mun ah siah asi. Juda tla nih Mordekai chu an zah ver. A mi tla rangah ṭhatnâk leh himnâk ding hen rian a ṭuan.

ESTHER 4:14

Tu na umdân hen, dâisip na um chun, vân lei thawk hen Juda tla rangah ṭangpinâk a hawng um lai le, him hen an um lai le, sikhawmsele, nang leh na pa dâwngsungkhur chu a dawnghnâk asi lai rawh, lalnu na sinâk hi tuhun rangah na si mi khawm asi kho,” a ti.

JOB LASUIBU 36:7

Mirep tla rangah chun a hum na le, lal tla hâwi hen lâirêltu ah a siam na hen, zahkâi tak hen a siam kumza na.

THUSIMTU 12:11

Mifing thusim chu fung zum dawrâpu nih a dawrâ an khalhnâk hâwi asi le, thufing a pumh mi chu thîrling khenh mi hâwi hen a bir hen a tlo. Kan ektê rangah Dawrâpu pakhat Pathian nih a pêk na mi asi.

ISAI 22:24

Sikhawmsele a rualsia tla leh a dang hen a thlei mi tla chu a rangah thilrit an si lai. Bêl leh khêng thîrling khenh lakah an thlâi mi hâwi hen an thlâi lai!

ISAI 22:25

Chu chu a hawng um tik chun, chu thîr khenh bir tak a khenh mi chu a hawng tlawng lai le, a tlâ lai. Chu chu thil zeizawng thlâi mi dawnghnâk asi lai rawh. LALPA nih a sim mi asi,” a ti.

ZEKARIA 10:4

Ka mi tla tlûnah lâirêltu, ruitu ah leh thupêktu ding hen an lakah thawk hen an hawng lai.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.

1 SAMUEL 2:8

Mipâm tla chu valeidip ah mi a châwi le, ṭangpi herh tla chu anna hamhnâk lakah mi a thawh na. Lal fa tla chu hawikawmh ah a siam na le, mi zahkâi dîrmun ah a umtir na. Tual hi Lalpa tâ asi; chunahchun laikulh hi a dirh.