ISAI 22:22 - Bawm Common Language Bible Version

²² David thlâk lalchem tangah thuneihnâk rangtling ka pêk lai. Rianṭuannâk in renh a nei lai le; â awng rawh mi chu âukhawm nih a khâr lai lo rawh le, â khâr rawh mi chu âukhawm nih a awng lai lo rawh.

ISAI 22:22 ပူးပေါင်းရင်းမြစ်များ

JOB LASUIBU 12:14

Pathian nih a siat rawh mi chu âunih dirhnawlh kho lai? Pathian nih rêng a thlâk mi âunih suah kho lai?

JOB LASUIBU 31:36

ka liang tlûnah zumh bû hen ka put lai le, lallukhuh hâwi hen ka lû ah ka khuh lai.

ISAI 7:13

Chu lakah chun Isai nih a sâng le, “Lalchem David thlâk, tuah ngâi rawh. Minung na hamhtir mi men na rangah a ṭhalo tuktarâi rawh mi lakah Pathian khawm na hamhtir awt nget rih na maw?

ISAI 7:2

Israel ram ah Siria kawrsen tla an um ti hen Juda lalchem sinah thu a hawng tlung le, amah leh a mi tla chu an ningṭih tuktarâi le, thing tla thli nih a ninh mi hâwi hen an thir.

ISAI 9:6

Kan lakah ngâksia a hawng suak! Fapa pêk hen kan um! Anih chu kan lâirêltu asi lai. “Remruattu Che,” “Pathian chak,” “Zungzâl Pa,” “Remnâk Lal” an ti lai.

THUPHUANG 1:18

a nung mi chu kasi, ka thi le, sikhawmsele, ngâinik, zungzâl rangah ka nung nawlh rawh asi. Thihnâk leh mithi khua tlûnah thuneihnâk chu ka nei ber asi.

THUPHUANG 3:7

“Chun, Philadelphia khua kawhmi vânmifial sinah chun rîn rawh: “Mi thenhlimh mi dik tak, David renh nei hen, âukhawm khâr lo ding hen awngtu leh âukhawm awng lo ding hen khârtu nih khan hi thu hi a sim asi.