Khuavâng Jeremia nih lalchem Josiah lakah lungfâknâk thu a phuah. Nunau khawm mipa khawm Josiah rangah lungfâknâk la an sak mi chu Israel ram ah dân hâwi hen an nei. Hi la hi sûnnâk la phuah mi tla lakah a um.
Thil zeizawng rangah tik dik tak a ruat. Anih nih chun mâilei thu theih duhnâk hawng kan pêk le, sikhawmsele a thilti tla theihthiam ver hen lâwmnâk hawng kan pêk dahlo.
Dibon mi tla chu tlâng mi, mi thenhlimh thlân leiah ṭap ding hen an kâi. Moab mi tla chu Nebo leh Medeba khua ruangah thungâi an lung a fâk; an lungfâk ruangah an lû leh an khamul tla an mêt hep.
Misual sin khawm ah vêl na nei le, thil dik ti lam chu an tum dahlo. Hi mirep umnâk ram khawm ah hin thil diklo an ti nget rih; na rokualnâk theih ding an duh lo.
Pathian mâichâm, Jerusalem tak chu a vânduai rawh! David umnâk khuapi chu a vânduai! Kum dang mawh kum nih mawh hawng tlung hen ral seh, a puai leh a kût ni tla ral sele,
Rimthâw mang ding ngâk hen an rim lam a sia lai; tâisâwm ṭha sâwm ding ngâk hen rirual hen tâi anna sâwm lai; sam dawh nei ngâk hen an lû lam a kâwng lai; puan ṭha aih ngâk hen salâpuan anna aih lai. Anna dawhnâk chu ningzakkâi hen a hawng um lai.
Zapi tla nih, “LALPA nih â theihtir lêm lo hen zei rangah buh kan ngei lai? Kan thu ngâilo pet hen zei rangah buh lo hen kan kal lai?” an ti. LALPA nih an sinah, “A san dik tak chu, buh nan ngei liauah nanmah nuam tinâk leikâng nan zûl le, nan rianṭuantu rangah nan nehsawh na.
A nei mi leh a pâm mi hi ram ah hin an thi lai le, âukhawm nih an vûi na lai lo le, anmah ruangah lungfâktu khawm an um lai lo. Âukhawm a lungfâk ti theihnâk ah mah a ât hen a lû a mêt lai lo.
“Jerusalem mi tla, ngaihsia tak hen um u; nan sam tan ule, lawnh ving u. Kei, LALPA, ka thinthawk le, ka mi tla ka nawng na ruangah tlâng tlûnah mithi vûinâk la sak u.
Israel mi tla, lunglotu hâwi hen na kût ni khua na ulh mi chu bâng rawh, na Pathian chu na pialtâk le, zumhkâilo hen na um. Ram pumpi ah Baal pathian sinah na zuar le, a sinah pêk ding hen fâng tla na ruat ruangah thungâi hen na lawmh!
Bâwlpu tla nih mâichâm leh LALPA Biakin kawtkâ karah LALPA rianṭuan na sele, ṭap hen thlacham na seh: “LALPA, na mi tla hi lungkham na rawh. Phundang tla nih zauhnawmh ding leh nehsawh hen, ‘Nan Pathian zeiah?’ hawng kan ti ding hen hawng kan siang lah,” ti na seh.
Nan kût ni tla chu mithi vûi ni ah ka changtir lai le, nanna lâwmnâk la chu ngaihsia hen âunâk ah ka changtir lai. Nan lû ka mêt lai le, salâpuan kan aihtir na lai. Nu leh pa nih an fapa an neihlem mi thihnâk ruangah an lungfâk mi hâwi asi lai. Chu ni chu khâtîk hen a dawng lai.
Juda mi tla nan fa nan dâwt mi tla sal ah put an si awt ruangah nan lung a fâk zauhtirnâk ah nan sam mêt u. Mulukawlh hâwi hen nan lû kâwng tleng ziat u.