ISAI 22:11 - Bawm Common Language Bible Version

¹¹ Tî khawng ding hen khuapi sungah tî pang na siam le, tili a li mi thawk hen tî chu na luangtir. Sikhawmsele, Pathian a lân thawk hen hi hâwi hawng um ding hen ruattu thu chu na ngâi duh lo.

ISAI 22:11 ပူးပေါင်းရင်းမြစ်များ

2 Lal 20:20

Lalchem Hezekiah thilti dang zawzawng râlṭha tak hen a ti mi leh tî khawngnâk in a siam le, khuapi ah luang ding hen tî lampi a chawh mi tla chu Juda lal tla thâwngthâng bu rînnâk ah rîn asi.

2 Lal 25:4

Sikhawmsele, Babulon mi tla nih khuapi chu an kulh hep le, Juda kawrsen tla chu zân ah an suak hep, lal dûm lampi lei hen vâm a tawnhnâk kawtkâ lei hen an kal le, Jordan Vakuam leiah an tek hep.

2 CHRONICLES 6:6

Sikhawmsele tuah Jerusalem mun chu keimah sawnhnâk mun ding ah ka thîm le, David chu ka mi le lakah lâirêltu ah ka thîm asi.’ ”

NEHEMIAH 3:16

Azbuk fapa Nehemiah, Bethzur ram khingkhuai lâirêltu nih chu sangtu chu a siam le, David thlân, tili leh kawrsen umnâk tiang hen.

ISAI 17:7

Chu ni a hawng tlung tik chun, mi nih anmah siamtu Israel Pathian Thenhlimh sinah ṭangpi duh hen an hawng a hawi lai.

ISAI 31:1

Aigupta ah ṭangpi ding sâwm hen va kaltu tla chu an vân a duai! Aigupta râltuk kawrsen tam tak chaknâk rang tla, kari tla leh, kawrsen lakah anna ngauh. LALPA, Israel Pathian thenhlimh lakah a ngauh hen a sinah ṭangpi an deih lo.

ISAI 37:26

“Hi bang tla hi keimah nih a lân thawk hen ka ruat mi asi ti na theih dahlo ma? Tuah chun ka langh rawh. Kulhnei khua tla chu nâwmtâm pawng ah siam ding hen thiltikhonâk kan pêk rawh.

ISAI 7:3

LALPA nih Isai sinah, “Na fapa Sear Jasub put le, lalchem Ahaz hen tawng ding hen va kal. Puan siamtu umnâk mun ah mi lampi ah, a tlûnlei mi tili thawk hen tî luangnâk chawh mi dawng ah na va muh lai.

ISAI 8:17

LALPA chu a mi tla lakah mi â thup le, sikhawmsele amah chu ka zumh hen a sinah lungumnâk ka siah.

JEREMIA 39:4

Zedekiah leh a kawrsen tla nih chu hâwi thil a um mi an muh rawh chun zân ah khuapi mi chu suaktâk ding an tum. Lal dûm lei mi lampi hen an kal le, kulh tawnhnâk kawtkâ ah an suak le, Jordan vakuam leiah an kal.

MIKAH 7:7

Sikhawmsele, LALPA lei ka zauh kumza lai le, Pathian ruang hawng ka suahtu chu ka rinhsanh. Ka Pathian nih hawng ka ngâi lai.