ISAI 21:5 - Bawm Common Language Bible Version

⁵ Langhnâk ah chun, puai chu timhtuah zet hen a um le, pher chu mi sâwm tla rangah phah asi rawh. Chunah chun an ei hen an din. Mawhsareh hen thupêk hâu a hawng um chawlh: “Hotu tla! Nan phaw tla timhtuah u!” ti hen.

ISAI 21:5 ပူးပေါင်းရင်းမြစ်များ

2 SAMUEL 1:21

“Gilboa tlângah chun ruah sûr lah sele, Dâmtî khawm tlâ lah sele, a phâisen tla khawm nih rah suah lah seh! Chunah chun mi râlṭha phaw mualpho tak hen a um ruangah, Saul phaw chu sariak hen chulh asi lai lo rawh.

ISAI 13:2

Tlâng karo tlûnah râltuknâk puanzâr thlâi hen a um! Kawrsen tla sinah chun khuapi zûm kulh kawtkâ do ding hen theihtirnâk ding ah nan bân zangh u, ti hen auh na u.

JEREMIA 46:3

“Aigupta mi hotu tla âu ule, ‘Nan phaw tla lâk ule, râltuknâk leiah kal u!

JEREMIA 51:11

LALPA nih Babulon mi tla chu veih a tum ruangah Media lalchem tla chu a thawktir na. Chu chu asi, a Biakin râwk ruangah lehrûl a sam mi chu.

JEREMIA 51:39

An hamkah mi ma? Puai ka tuah piak na lai le, ka rîttir na lai le, lâwptlo tak hen ka tuah na lai. An it lai le, anna ṭhang lai lo rawh.

JEREMIA 51:57

Lâirêltu tla, mifing tla, ruitu tla leh kawrsen tla chu rî nek hen ka siam na lai. An it lai le, anna ṭhang lai lo rawh. Kei, lalchem nih ka sim le, Kei chu LALPA Zeizawng tikho kasi.

1 KORIN 15:32

Minung nih ti kho salam hâwi hen Ephesi khua ah sa râng tla ka sualpi asi chun ka rangah zei me a ṭhavak lai? Mithi thawh hen an um awtlo chun kan din hen kan ei ko lai ma? Thai ko ah kan thi awt hi teh.