ISAI 21:2 - Bawm Common Language Bible Version

² Thil ṭhalo tak a hawng tlung ding mi langhnâk ka muh le, tleihnâk leh siat leh râwknâk ding mi asi. Elam kawrsen tla, do u! Media kawrsen tla, khuapi tla chu hual u! Babulon nih tuarnâk a tlungtir mi chu Pathian nih a dawnghnâk a siam awt rawh.

ISAI 21:2 ပူးပေါင်းရင်းမြစ်များ

GENESIS 10:22

Sem fapa tla chu: Elam, Asur, Arpaksad, Lud leh Aram an ti. Chu tla chu thlâktu min puttu tla chu an si.

2 Lal 17:6

chu chu Hoshea lâirêl kum kuanâk asi. Asiria lal lianchem nih Samaria a lâk le, Israel tla chu a tleih na le, Asiria leiah a put na, a zeimaw mi chu Halah khuapi ah an um, a zeimaw mi chu Gozan ram Habor Tiva kiangah an um, a zeimaw mi chu Media khuapi tla ah an um.

SAM 119:158

Mi tleihtu tla chu ka zauh na chun ka fih na, na dân thupêk tla an zûl duh lo ruangah.

SAM 12:5

Sikhawmsele LALPA nih chun, “Ṭangpi ngâi tla nehsawh an si mi leh nehsawh si mi tla nganfâk tuar hen an rûm mi ruangah tuah ka hawng lai le, an duhzia hen himnâk ka pêk na lai,” a ti.

SAM 25:3

Nangmah zumhtu tla tlûnah chun nehnâk na tlungtir lo, sikhawmsele, nangmah lakah heltu tla sin cho a tlung.

SAM 60:3

Na mi tla chu fâk tak hen na tuartir na le; kan rî ruangah khatlei khatlei kan hâwr.

SAM 79:11

Rêngtlâ rûm hâu chu ngâi le, thi ding hen an mawhtir na mi chu na thiltikhonâk hen suah na.

THUFING LASUIBU 13:15

Mifing nih zahnâk a lawh le, sikhawmsele, zumh an kâi lo mi chu veihnâk lampi ah an um.

ISAI 11:11

Chu ni a hawng tlung tikah chun Lalpa nih Asiria ram ah leh Aigupta ram ah um rih mi tla, Pathros, Sudan, Elam, Babulon, Hamat ram ah um mi leh tiva kapah um mi leh tikulh lakah um mi tla, kîrpi nawlh na ding hen a thiltikhonâk veikhat a mang nawlh lai.

ISAI 14:4

Chu hâwi hen a ti tikah chun, Babulon lal chu an zauhnawmh lai rawh le: “Lalchem sual chu a tlû rawh! Âukhawm a nehsawh na lai lo rawh!

ISAI 14:7

Tu lam chun a dawnghnâk ah laikulh pumpi lâwmnâk leh lungngamnâk a um le, mikip lâwm hen la an sak.

ISAI 22:6

Elam ram ah mi kawrsen tla chu rang tlûnah chuan hen an hawng le, chanhtiang leh a thalzum tla anna put. Kir ram ah mi kawrsen tla chu an phaw tla hen tîm chia zet hen an um.

ISAI 24:16

Laikulh mun lât chem thawk hen Israel mi phun rep tak tla nih sawrnâk la an sak mi kan theih lai. Sikhawmsele, kei rang lam chun lungumnâk a um lo! Ka vei thlo rawh! Phehtu nih chun tleih a tum nget rih, zumh an kâi lo dadauh.

ISAI 33:1

Kan mêlma tla chu an vânduai rawh! Âukhawm nih anmah rangah tleih na hen rawk na lo khawmsele, mi rangah an rawk na. Mi an rawknâk leh an tleihnâk chu a dawng lai le, anmah ngelchel chu mi rawkmang leh mi zumhkâilo an si lai.

ISAI 35:10

Jerusalem chu lâwm bû hen an va tleng lai le, la an sak lai le, lâwm ruangah an âu lai. Anna lâwm kumza lai le, ngaihsiat leh lungzûrnâk kumleza hen an nei lai lo rawh.

ISAI 47:6

Ka mi tla lakah ka ro a thawk le; ka tâ silo rawh mi hâwi hen ka ti na. Na thu thu hen ka siah na le, an lakah khuaruatnâk na langhtir lo le; upa tiang khawm fâk tak hen na ti na.

JEREMIA 31:20

“Israel, nang chu ka fapa duh chem, ka nan dâwt chem mi na si. Na min ka sim kip ah ka nan dâwt mi ka dawn tâwn. Na sinah ka thinlung a um le; khua ka ruat lai.

JEREMIA 31:25

A dî mi tla leh a sungvâng hen a uai mi tla chu buh hen ka khimtir hen ka panhlâutir na lai.

JEREMIA 45:3

“Baruk, ka neng rawh! LALPA nih ka lawksawngnâk hawng ka sap piak. Rûm ka neng rawh, dinhnâk khawm ka tawng kho lo!’ na ti.

JEREMIA 49:34

Zedekiah Juda lalchem asi nehnûntê ah LALPA, Zeizawng tikho nih Elam ram thu ka sinah a sim.

JEREMIA 49:35

“Elam thiltikho tak hen umtirtu chanhtiang mangtu zawzawng chu ka thah na lai.

JEREMIA 50:14

“Chanhtiang kahtu tla, Babulon do ding hen a tlâr ule, hual u. Kei, LALPA lakah thilsual a ti ruangah nan chanhtiang thalzum hen Babulon kah u.

JEREMIA 50:34

Sikhawmsele, anmah tla ruangsuahtu chu a chak asi, a min chu LALPA Zeizawng tikhotu asi. Amah nih an tuar ding mi chu tuar hen tual ah thlangamnâk a tlungtir lai le, sikhawmsele Babulon mi tla rang chun lawksawngnâk asi lai,” a ti.

JEREMIA 51:11

LALPA nih Babulon mi tla chu veih a tum ruangah Media lalchem tla chu a thawktir na. Chu chu asi, a Biakin râwk ruangah lehrûl a sam mi chu.

JEREMIA 51:44

Babulon mi tla pathian Bel an ti mi chu ka rêp lai le, a thil fîr tla chu ka mâktir rel lai le; phun tla nih amah an sawnh lai lo rawh. “Babulon khua kulh chu a chim rawh.

JEREMIA 51:53

Babulon chu vân ah kâi hen chunah kulh bir tak tuah khawmsele amah veih ding hen mi ka fial awt nget. Kei, LALPA nih ka sim asi,” a ti.

LUNGFÂKNÂK 1:22

“An thilsual ti ruangah mawhtir na le; Ka sual ruangah na ka rêp mi hâwi hen rêp na. Hamhtuar hen ka rûm le, ka thinlung a fâk,” a ti.

DANIAL 5:28

Upharsin (ṭhenkhuainâk) na lalram chu ṭhen hen Medes leh Persia sinah pêk âsi rawh,” a ti.

DANIAL 5:9

A lawksawng tuk ah lal Belsazar chu a dâng dadauh, a milian tla khawm nih a ti zia an theih lo.

DANIAL 8:2

Keimah khawm Elam ram ṭhen Susa khuapi kulh mi khuapi sungah um hen ka theih sawm. Ulai Tiva kapah ka dîr le,

DANIAL 8:20

“Dawrâ chal ki panih nei na muh mi chu Media leh Persia ram lal zauhtirnâk asi.

THUPHUANG 13:10

Âuzawng tleih tumtu chu tleih hen an um lai le, nâmsâu hen thah tumtu chu nâmsâu hen thah hen a um bâk lai. Chu chu mi thenhlimh tla felfênâk leh zumhkâinâk chu asi.

1 SAMUEL 24:13

A lânah mi thufing nih, “Sualnâk thil chu misual cho nih a ti,” ti mi hâwi hen, churuang chun tâwm khawm nganfâk kan pêk awtlo.