ISAI 20:5 - Bawm Common Language Bible Version

⁵ Sudan rinhsanhtu leh Aigupta zumhtu chu an lung a fiang lai rawh le, an lungumnâk chu a vei lai rawh.

ISAI 20:5 ပူးပေါင်းရင်းမြစ်များ

2 Lal 18:21

Aigupta khawm nangmah ṭangpitu ding ah na ruat khawm asi kho, sikhawmsele lâiluang kûng ṭhianṭhunh ah mang hen a kiak le, kut a sunh mi hâwi cho asi lai, Aigupta lalchem tlûnah ngauhtu vial chu, chu hâwi chu an si,” ti hen a simh.

ISAI 2:22

Thikho mi minung tla chu zumh lah rawh. Zei me an chawhchânnâk um?

ISAI 30:3

Sikhawmsele lalchem chu anmah ṭangpi ding hen thiltikhonâk a nei lai lo le, Aigupta nih a humnâk chu siatnâk hen a dawng lai.

ISAI 30:5

Juda mi zapi tla nih phun zumhtlâklo tla chu anmah ṭangpi ding hen an zumh mi nih a ṭangpi na kho lo tikah anna sîr lai,” a ti.

ISAI 30:7

Aigupta nih a ṭangpi na mi chu zeikhawm asi lo. Churuangah Aigupta chu ‘Rûlpi Tûr nei lo’ ti hen min telê ka phuah,” a ti.

ISAI 31:1

Aigupta ah ṭangpi ding sâwm hen va kaltu tla chu an vân a duai! Aigupta râltuk kawrsen tam tak chaknâk rang tla, kari tla leh, kawrsen lakah anna ngauh. LALPA, Israel Pathian thenhlimh lakah a ngauh hen a sinah ṭangpi an deih lo.

ISAI 36:6

Aigupta chu nangmah ṭangpitu siding na ruat le, sikhawmsele, anih chu ṭhianṭhunh rangah lâiluang kung mang hen a kiak le, kut lakah a sunh mi hâwi asi lai. Âuzawng Aigupta lal ngauhsanhtu chu, chu hâwi an si lai,” a ti.

ISAI 36:9

Asiria milian dîrmun niam chem khawm nan tluk kho lo mi, Aigupta mi tla nih kari leh rang tlûnah chuan mi tla an pêk na ding nan lungum nget rih.

ISAI 37:9

Aigupta kawrsen tla chu Sudan mi lalchem Tirhakah nih anmah do ding hen a hawng kalpi na mi thu Asiria mi tla nih an theih rawh. Chu chu lal lianchem nih a theih rawh chun,

JEREMIA 17:5

LALPA nih, “Ka lakah mi hawng ka hawitâk hen minung a thi kho mi chaknâk ah â ngauh mi chu ka mawhtir awt.

JEREMIA 46:25

LALPA Zeizawng tikho, Israel Pathian nih ka sim asi, “Amon leh Thebes tla pathian chu Aigupta leh a pathian leh lalchem tla hen ka rêp na awt. Aigupta lalchem leh anmah zumhtu tla chu,

EZEKIEL 29:16

Israel tla nih anmah ṭangpitu ding hen an lakah anna ngauh lai lo rawh. Aigupta thihnâk nih Israel tla chu an lakah anna ngauh mi a diklo zia a theihtir na lai rawh. Churawhchun, Israel tla nih kei, LALPA Zahkâi kasi ti an theih lai rawh,” a ti.

NAHUM 3:9

Sudan leh Aigupta tlûnah lâi a rêl le, a thiltikhonâk nih dawngh a nei lo; Libia chu amah bawptu asi.

ZEPHANIAH 2:12

LALPA nih Sudan mi tla khawm chu a thah bâk na lai.

1 KORIN 3:21

Churuangah, âukhawm nih minung tla putso lah seh. Zeizawng hi nan tâ asi ver asi.