ISAI 20:3 - Bawm Common Language Bible Version

³ Asdod chu lâk asi rawh chun LALPA nih, “Ka to-aw Isai chu takkaro leh kê karo hen kum thum kar a kal rawh. Chu chu Aigupta leh Sudan lakah thil a hawng tlung ding mi singsiahnâk asi.

ISAI 20:3 ပူးပေါင်းရင်းမြစ်များ

ISAI 19:4

Aigupta mi tla chu lal sual tak leh ṭhalo tak an tlûnah lâirêltu sinah ka pêk na lai. Kei, LALPA Zeizawng tikhotu nih chu chu ka sim asi.”

ISAI 37:9

Aigupta kawrsen tla chu Sudan mi lalchem Tirhakah nih anmah do ding hen a hawng kalpi na mi thu Asiria mi tla nih an theih rawh. Chu chu lal lianchem nih a theih rawh chun,

ISAI 43:3

Kei chu Israel Pathian thenhlimh, a nan humtu LALPA na Pathian kasi. Aigupta chu a nan suah ding hen ka nâutir lai; Sudan leh Seba khawm ka nâutir lai.

ISAI 8:18

Hinah hin LALPA nih hawng ka pêk mi fa tla hen kan um. LALPA Zeizawng tikho, Zion Tlâng tlûnah a laltophah um mi nih chun thuchah nung hâwi hen Israel mi tla sinah hawng ka fial.

JEREMIA 13:1

LALPA nih kal hen puannêm tâwi tla menh ding ah keimah nih châwk ding hen hawng ka simh le, sikhawmsele tî lak lam chun siah lah hawng ka ti.

EZEKIEL 12:6

An mitmuh ah na thil têl chu na liangah thâng le, na mit tuam bû hen mûi lakah suak le, zei leikângah kal ding asi na muh kho lo ding hen. Chu na thilti chu Israel tla simhkannâk asi lai,” a ti.

EZEKIEL 30:4

Aigupta ah râltuknâk a um lai le, Sudan ah hamhnâk rokual tak a um lai. Aigupta ram ah mi tam tak thah hen an um lai le; Ram chu an rûn lai le, Râwk dep hen a um lai.

EZEKIEL 30:6

LALPA Zahkâi nih, “Marlei ah mi Migdol thawk hen simlei kângah mi Asuan tiang hen Aigupta vêngtu zawzawng tla chu râltuknâk ah thah hen an um lai. Aigupta ram ah kawrsen zumhkâi tla chu veih an si lai. Kei, LALPA Zahkâi nih ka sim asi.

EZEKIEL 4:1

Pathian nih, “Thikho mi minung, tual rawh tlang lâk le, na mâika ah siah le, a tlûnah Jerusalem khuapi lem rîn rawh.

EZEKIEL 4:3

Thîr khêng lâk le, chu khuapi lem leh nangmah karah vâm hâwi hen sawng rawh. Khuapi lei hawih hen siah. Hual hen a um le, a hualtu chu nangmah na si. Hi hi Israel phun rangah singsiahnâk ding asi lai.

ZEPHANIAH 2:12

LALPA nih Sudan mi tla khawm chu a thah bâk na lai.

ZEKARIA 3:8

Nang Bâwlpu Lian Josua ngâi rawh, a hâwi bâwlpu tla, mâilei ṭhatnâk ding hen ruat mi tla ngâi u: Ka to-aw ṭeng ti hen min sak mi chu ka hawng langh awt!

NUMBER 14:34

Ram nan va zauh liauah ni sâwmli nan râu mi chu nikhat chu kum khat ah ngaih hen kum sâwmli nan sual ruangah nan tuar lai. Ka duh lo zia hen um hi zei hâwi asi ti nan theih lai!