ISAI 20:2 - Bawm Common Language Bible Version

² Kum thum lântê ah LALPA nih Amoz fapa Isai chu a pheikawk leh salâpuan â aih mi lît ding hen a simh. A êt le, takkaro leh kê karo hen a kal rawh.

ISAI 20:2 ပူးပေါင်းရင်းမြစ်များ

2 SAMUEL 15:30

David chu kê karo leh ngaihsia zauhtirnâk lû khuh bû leh ṭap bû hen Oliv Tlâng chu a kâi. A zûltu tla khawm lukhuh hep leh ṭap bû hen an zûl.

2 SAMUEL 6:20

Churawhchun, David chu a dâwngsung chibai bûk ding hen a va kal le, Mikal chu amah dawng ding hen a hawng suak le, “Tusûn chu Israel lal nih a min a rokual tir, amah murui a to-aw nungak sinah mi â hâwi â langh!” a ti.

2 Lal 1:8

Annih nih an sâng le, “Amah chu savun kawrfual â ruk le, savun tâisâwm hen â sâwm,” an ti. Lalchem nih, “Elija ma chu a!” a ti.

SAM 30:11

Ka ngaihsiatnâk chu lâwm hen lâwmnâk ah na changtir; ka lawksawngnâk chu na lâk ving le, lâwmnâk hen na kulh.

EXODUS 3:5

Pathian nih, “Hawng ka naih lah rawh. Na umnâk kha mun thenhlimh asi ruangah na pheikawk kha lît rawh.

ISAI 1:1

Hi lasuibu lakah hin, Uziah, Jotham, Ahaz leh Hezekiah Juda lalchem an si liauah Amoz fapa Isai sinah Pathian nih Juda tla leh Jerusalem thu a sim mi rîn asi.

ISAI 13:1

Hi hi Babulon thu Amoz fapa Isai nih Pathian sin thawk hen a theih mi chu asi.

ISAI 37:2

Eliakim lal in ah mi hotu, Sebna, lâirêlnâk in ah lasuirîntu leh bâwlpu theihthiam dauh mi tla chu Amoz fapa Isai sinah a fial na. Annih khawm nih salâpuan anna aih bâk.

JEREMIA 48:37

An ektê hen an lû leh an khamul an mêt hep. An kut tla an ât le, mikip nih salâpuan anna aih.

EZEKIEL 24:17

Na phu-ûk hâu khawm theih hen um lah seh. Na lungfâknâk zauhtir ding hen na lû karo leh kê karo hen kal lah. Na mêl khuh lah le, mi lungfâk tla nih an ei mi buh khawm ei lah,” a ti.

EZEKIEL 24:23

Lû karo mawh kê karo hen mawh kal hen lungfâk hen nan ṭap lai lo. Nan sualnâk ruangah veih hen nan um lai le, nanna rûm tawnh lai.

EZEKIEL 4:1

Pathian nih, “Thikho mi minung, tual rawh tlang lâk le, na mâika ah siah le, a tlûnah Jerusalem khuapi lem rîn rawh.

MIKAH 1:11

Nannih Saphir mi tla, takkaro leh ningzak bû hen sal ah kal u. Zaanan ah um mi tla chu an khuapi thawk hen an hawng suak ngam lo. Bethezel ah um mi tla an lungfâk mi nan theih tik chun chunah himnâk a um lo rawh ti nan theih lai.

MIKAH 1:8

Churawhchun, Mikah nih, “Hi bang ruangah hin ka lung a fâk hen ka ngaih a sia. Ka ngaihsia mi langhnâk ding hen kê karo leh takkaro hen ka kal awt. Kâwlui hâwi hen ka âu lai le, vachâ hâwi hen ka lung a fâk lai.

ZEKARIA 13:4

Chu tikah chun khuavâng âukhawm langhnâk muh ruangah anna zûm lai lo rawh le, mi tla hum ding hen khuavâng thuam hen khawm anna thuam lai lo.

MATHAI 16:24

Chun, Jisu nih a ṭhiruai tla sinah, “Âuzawng hawng ka zûl a duh mi nih chun mah hamhnâk siarlo hen, a kraws put hen hawng ka zûl seh.

MATHAI 3:4

Chun, Johan nih chun sangâwngsâu mul puan â aih le, a tâi chu savun tâisâwm hen â sâwm le, a buh chu khâubawk leh ram khuaitizû asi.

JOHAN 21:7

Chuvachun, ṭhiruai, Jisu nih a dâwt mi nih khan, Peter sinah, “Lalpa asi,” a ti. Chuvachun, Lalpa asi ti Simon Peter nih a theih kâ hen, a kawrdawh â menh le, takkaro hen um asi ruangah, rilî ah â khâwk rawh.

THILTI 19:16

Chun, khuri nei nih chun a per nawh na le, an ektê hen a neh na le, chun chu in thawk hen chun takkaro leh liam hen an tek.

THILTI 21:11

Chun, kan sinah a hawng kal le, a kê tla, a kut tla amah nih â phuar le, chun “ ‘Jerusalem khua ah Juda tla nih hi hâwi hen hi tâisâwm neitu hi an phuar lai le, Phundang tla kut ah an pêk lai,’ Thlarau Thenhlimh nih a ti,” a ti.

JOSUA 5:15

LALPA kawrsen thupêktu nih hi hâwi hen a simh, “Na pheikawk lît, mun thenhlimh ah dîr na si,” a ti. A simh mi hâwi hen Josua nih a ti rawh.

THUPHUANG 11:3

Chun, ka thu theihpitu mi panih chu ka fial lai le, salâpuan aih hen ni sâng khat zanih leh sâwmruk Pathian thu an sim lai,” a ti.

1 SAMUEL 19:24

Churawhchun, a nipuan a lît hep le, Samuel mâika ah a lâm le, a âu, chu ni, ni khat leh chu zân, zân khat chu takkaro hen a um ko. (churuang chun “Saul khawm khuavâng asi bâk rawh na maw?” an ti tâwn.)