ISAI 2:8 - Bawm Common Language Bible Version

⁸ An ram chu milem hen a khat le, anmah kut ngelchel hen an siam mi thil tla chu an sawnh.

ISAI 2:8 ပူးပေါင်းရင်းမြစ်များ

1 Lal 16:7

Baasha leh a dâwngsung thu khuavâng Jehu nih a sim mi chu Baasha nih LALPA lakah a thilsual ti ruangah asi. LALPA thin a thawktir mi chu Jeroboam nih a lânah thilsual a ti mi hâwi hen a ti ruang lâwng khawm asi lo. Jeroboam dâwngsungkhur a thah hep ruang khawm asi.

2 Lal 17:10

Tlâng tlûn leh thing dâidul kip ah pathiannu Aserah lem lungphun an phun le,

2 Lal 17:16

LALPA, an Pathian dân tla an râwk ver le; sawnh ding hen chawchal ruk panih tla, Aserah pathiannu lem tla, ârfi tla leh Baal pathian an sawnh.

2 CHRONICLES 27:2

A pa hâwi hen LALPA duhzia hen thil a ti le, sikhawmsele, a pa hâwi hen rimthâw lam chu a duah lo. Mi tla lam chu an sual nget rih.

ISAI 17:8

Anmah kut hen an siam mi leh anmah kutsuak pathiannu Aserah lem leh rimthâw duahnâk mâichâm an rinhsanh lai lo rawh.

ISAI 26:13

LALPA kan Pathian, midang tla nih kan lakah lâi an rêl le, sikhawmsele nangmah cho kan LALPA na si.

ISAI 37:19

thing leh lung hen an kut hen an siam mi pathian lem tla chu a duah piak ti khawm kan theih.

ISAI 40:19

Milem siamtu nih thîr ngûn hen an luanh mi a tohnâk ah tangkasa an siam mi khawm nih a bangh lo.

ISAI 41:29

Hi bang pathian zawzawng tla hi mang tlâk an si lo; zei thil khawm an ti kho lo, hi bang milem tla hi an chak lo hen thiltikhonâk khawm an nei lo.

ISAI 57:5

Ram ningnotirtu pathian tla chu nan thing thenhlimh tangah pung bû hen nan sawnh. Tiva mi tili kiangah lungpûk ah nan fa tla chu bâwlnâk ah nan mang.

JEREMIA 1:16

Ka mi tla chu an sual hen an ka kaltâk le, pathian dang tla sinah bâwlnâk ap hen milem tla an siam le, an sawnh ruangah ka rêp na awt.

JEREMIA 11:13

Juda mi tla nih khuapi tla an nei hâwi hen pathian tam tak an nei le, Jerusalem ah um mi tla nih chun khuapi ah zâwllâi tla ah um mi hâwi hen Baal pathian fihnungkâi sinah bâwlnâk ding hen mâichâm tam tak an siam.

JEREMIA 2:28

“Nan rangah nan siam mi pathian tla zeiah an um? An tikho mi asi chun, nan lawksawng liauah ruang a nan suah na seh! Juda, khuapi tam tak na nei mi hâwi hen pathian tam tak na nei.

HOSEA 12:11

Sikhawmsele, Gilead ah milem tla an sawnh le, chubang sawnhtu tla chu an thi ding asi. Chawchal tla chu bâwlnâk ah Gilead ah an mang le, chu phâisen ah mi mâichâm tla chu lung pawng salam ah â chang lai,” a ti.

HOSEA 13:2

Thîr milem tla leh tangka milem tla, minung thinlung ruatnâk leh kut hen siam mi sawnh hen an sual vima nget rih, “An sinah bâwlnâk pêk u,” ti hen thu an sim. Zeitin minung nih chawchal lem a bangh mi an châwchawk kho zia!

HOSEA 14:3

Asiria nih hawng kan hum kho dah ding asi lo, râltuknâk rang tla khawm nih hawng kan hum kho lai lo, kan milem tla sinah kan pathian na si kan ti lai lo rawh. LALPA âu sin khawm pial lotu tla sinah khua na ruat,” a ti.

HOSEA 8:6

Israel lakah mi zungthiam tla milem an siam mi chu pathian asi lêm lo! Samaria ah ngûn chawchal lem chu mântir dip asi lai.

MIKAH 5:12

Dâwithiam na mang na mi tla chu ka veih na lai le, chamchawh thiam tla umlo hen kan siah lai rawh.

THILTI 17:16

Chun, Pawl nih Athen khua ah annih chu a ngâk na liauah chun khua chu pathian lem tla khat hen a muh le, a thinrun rawh.

DEUTERONOMY 4:28

Chunah chun minung kut hen siam mi pathian tla, thing pathian, lung pathian muh kho lo mi, theih kho lo mi, ei kho lo mi leh rim khawm theih kho lo mi nan sawnh lai.

THUPHUANG 9:20

Chun, chubang rêpnâk nih a thah bang minung tla nih chun, an thil siam sawnhnâk tla chu bângtâk lo hen, khuri tla leh ngûn milem tla, tangka milem tla, dâr milem tla, lung milem tla, thing milem tla, zeikhawm muh kho lo, theih kho lo, kal kho lo tla chu an sawnh le an rim lêm lo.