ISAI 2:3 - Bawm Common Language Bible Version

³ Chu tla nih chun, “Israel Pathian Biakin leiah LALPA tlângah kan kâi lai. A duhzia thil ti ding hen hawng kan sîntir lai; amah lampi thîm lakah kan kal lai. LALPA sîntirnâk chu Jerusalem ah a um lai le; Zion ah a mi tla sinah thu a sim lai,” an ti lai.

ISAI 2:3 ပူးပေါင်းရင်းမြစ်များ

ESTHER 9:27

Juda tla nih an rangah leh an thlâk tla leh Juda hawng si mi âu rang zawng ah chu kum lakah chu ni nih kar chu Mordekai nih a simh na mi hâwi hen khuah tak hen mang vima ding hen an ruat.

SAM 102:23

LALPA nih chun ngâksia kasi liauah chaklo tak hen hawng ka siam le; ka san a tâwitir.

SAM 110:2

Zion thawk hen na lal thiltikhonâk chu a kauh lai, na mêlma tlûnah lâi rêl rawh,” a ti.

SAM 119:171

Na dân na ka sîntir ruangah ka nan sawr kumza lai.

SAM 122:1

“LALPA in ah kan kal lai,” an ti liauah thungâi ka lâwm.

SAM 48:1

LALPA chu thungâi a rokual le, a tlâng thenhlimh ah mi kan Pathian khuapi ah fâk tak hen chawnglawmh ding asi.

ISAI 1:26

A lânah mi hâwi hen simhtu leh lâirêltu ka nan pêk lai. Churawhchun, Jerusalem chu khuapi rep leh zumhkâi asi, an ti lai,” ti hen.

ISAI 11:10

Phun tla zauhtirnâk ding ah David lal chi lakah mi lalchem thar a hawng um ding mi a nâi rawh. Lal khuapi ah anna pûm lai le, amah chu an zah lai.

ISAI 19:23

Chu tik chun, Aigupta leh Asiria karah lam lian a um lai. Chu ram panih tla chu khatlei khatlei ah anna vel tawnh lai le, an phun nih hen munkhat hen Pathian an sawnh lai.

ISAI 28:9

Ka lakah an chipchiar. “Mi nih sîntir hen ka um a ti theih hen âunih zûl? A thuchah chu âunih herh hen a theih? Fasêm nûk tlei rawh mi rang lâwng ah a ṭha asi!

ISAI 44:5

“Pakhat khat hen mi tla nih LALPA tâ kasi’ an ti lai le, Israel mi tla sinah a fawnh ding hen an hawng lai. Mikip nih an bân ah LALPA min singsiahnâk an siam lai le, LALPA mi tla lakah pakhat kasi an ti lai,” a ti.

ISAI 56:5

churawhchun na min chu ka Biakin ah leh ka mi tla sinah fapa leh fanu na nei mi ngâk hen theihkumza asi lai. Zeiliau khawm ah philh na si lai lo,” a ti.

ISAI 56:7

“Ka tlâng thenhlimh Zion ah ka nan kalpi na lai le, ka in ah thlachamnâk ah lâwmnâk ka nan pêk lai le, ka mâichâm ah bâwlnâk nan hawng ap mi chu ka pawm lai. Ka Biakin chu phun zawzawng thlachamnâk in ti asi lai,” a ti.

ISAI 60:3

Phun tla nih na chêu chu an hawng naih lai le, Lalchem tla nih na ni thar khuadei chu an hawng fûk lai.

ISAI 65:11

“Sikhawmsele, keimah hawng ka kaltâktu, Zion siarlotu, ka tlâng thenhlimh siarlotu, vân ṭhat leh thihnâk pathian tla, Gad leh Meni sawnhtu tla chu nannih rang chun anna dang ving lai.

ISAI 66:20

Chubang phun tla thawk hen nan ram mi minung tla ka rangah thilpêk hâwi hen an hawng kîrpi lai. Ka tlâng thenhlimh Jerusalem ah rang tlûnah leh sanatung tlûnah to hen sangâwngsâu tla leh rang kari leh chawpê kari tla hen Israel tla nih fâng thil ap Biakin ah a siahnâk thenhlimh ah an hawng put mi hâwi hen an hawng put na lai.

JEREMIA 12:16

An thinlung zawzawng hen ka mi tla phung an pawm awt hen ‘LALPA a nung kar vial chu’ ti hen thu anna tiam chun Baal sinah thutiam ding hen ka mi tla veikhat an sîntir na hâwi hen ka mi tla lakah mi an si bâk lai le, an sul-le-lam a tluang lai.

JEREMIA 26:18

“Hezekiah Juda lalchem asi liauah, Moreseth ah mi khuavâng Mikah nih LALPA Zeizawng tikho thusim chu zapi tla sinah a sim, ‘Zion chu phâisen nâwn mi hâwi asi lai le, Jerusalem chu thilsia pawng mi asi lai le, Biakin tlâng chu thingmun asi lai,’ a ti.

JEREMIA 31:6

Asi, vêngtu nih Efraim tlângah, ‘LALPA, kan Pathian sinah Zion tlângah kan kâi lai, ti hen âu ding mi tik chu a tlung rawh,’ ” a ti.

EZEKIEL 40:2

Muhtirnâk ah chun Pathian nih Israel ram ah hawng ka put ving le, tlâng sâng tlûnah hawng ka siah. Ka mâika ah khuapi hâwi hen in sak dul mi ka muh.

HOSEA 3:5

Sikhawmsele Israel mi tla chu LALPA an Pathian leiah David thlâk lakah mi an lal hawng tik a um teh lai. Churawhchun, LALPA an ṭih lai le, a thil ṭha pêk tla anna ting lai rawh.

HOSEA 6:3

LALPA theih kanna tum lai. Ni tla a hawng suak mi hâwi hen, tifûr tla nih tual a chîntir mi hâwi hen kan sinah a hawng lai,” an ti.

MIKAH 4:2

Chu tla nih chun “LALPA tlângah mi, Israel Pathian Biakin ah kan kal lai. Anih nih ti ding hawng kan duh mi chu hawng kan sîntir awt ruangah; a thîm mi lampi ah chun kan kal lai rawh. LALPA sîntirnâk chu Jerusalem thawk hen a hawng um lai le, a mi tla sinah Zion thawk hen thu a sim lai,” an ti.

MATHAI 7:24

“Chuvachun, mikip hi bang ka thu theih hen zâwttu zawng chu, mi fing lungpi tlûnah in saktu hen tahṭhimh ding asi.

LUK 11:28

Sikhawmsele, anih lam nih chun, “Pathian thu theih hen zâwttu tla hi mi vânṭha an si dauh, ti sim a ṭha dauh,” a ti.

LUK 24:47

amah min hen rimnâk thu leh sual ngaihdamnâk thu Jerusalem thawk hen phun kip sinah an sim lai,’ ti hen.

JOHAN 4:22

Nannih nih nan theihlo mi nan sawnh tâwn; kannih nih kan theih mi kan sawnh tâwn. Ruangsuaknâk Juda tla sin thawk hen a hawng suak awt asi.

JOHAN 7:17

âuzawng amah duhzia ti duh nih chun, thu sîntir hi Pathian lakah mi ma si, keimah phuak sawm hen ka sim mi ma, a theih lai.

THILTI 1:8

Sikhawmsele, Thlarau Thenhlimh chu nan tlûnah a hawng tlung tikah thiltikhonâk nan nei lai. Chun, Jerusalem ah, Juda leh Samaria ram khua kip ah leh kâwlkil tiang khawm hen ka thu theihpitu tla nan si lai,” a ti.

THILTI 10:33

Churuangah na sinah mi ka hawng fial sawm asi; na hawng kal hi a ṭha. Chun Lalpa nih thu a nan pêk mi vial chu theih ding hen tuah Pathiân mitmuh hen kan ektê hen hinah kan um asi hi,” a ti

ROM 10:18

Sikhawmsele, ka deih le: Thu an theih lo mi hi a dik tak ma? Theih ta a, Pathian lasui thu nih a sim hâwi khan: “An hâu chu ram kip ah a thang le, an thu kâwlkil tiang hen a thang rawh,” ti hen.

DEUTERONOMY 33:19

An tlângah ramdang mi tla an sâwm na hen chunah chun bâwlnâk dik tak an ap. Neihnâk tla chu tipi thawk hen leh tiva kap mi sep thawk hen an tawng,” a ti.

DEUTERONOMY 6:1

“Hi bang dân tla zawzawng hi LALPA nan Pathian nih a nan sîntir na ding hen thu hawng ka pêk mi chu asi. Chu ram ah nan va lût hen nan luah tikah zûl u.

JEM 1:25

Sikhawmsele, ruangsuahnâk dân rangtling minung tla suahtu chu zauh hen, zâwttu si hen, ngâi salam leh philhtu silo hen, zûltu chu a thilti Pathian nih mal a sâwm lai.