ISAI 2:20 - Bawm Common Language Bible Version

²⁰ Chu ni a hawng tlung tik chun, an siam mi ngûn leh tangka milem tla chu an lawnh ving lai le, zabui leh balâk tla sinah an mâk lai.

ISAI 2:20 ပူးပေါင်းရင်းမြစ်များ

GENESIS 35:4

Churawhchun, ramdang pathian an nei mi zawzawng leh an nabeh anna beh mi tla Jakob sinah an pêk hep le, Sekem kiang mi Oak thing tangah a phûm rawh.

THUSIMTU 3:6

Tawng tik a ruat, thlâu tik a ruat, hum tik leh lawnh tik a ruat.

ISAI 10:3

Pathian nih an rêp na tikah zeitin nan ti awt? Ram lât tak thawk hen nan siatnâk a hawng tlungtir tikah zeitin nan ti awt? Ṭangpitu hâwl hen zeiah nan tek awt? Nan neih zeiah nan thuh awt?

ISAI 17:8

Anmah kut hen an siam mi leh anmah kutsuak pathiannu Aserah lem leh rimthâw duahnâk mâichâm an rinhsanh lai lo rawh.

ISAI 30:22

Nan milem tla tangka hen nan luanh mi leh ngûn hen nan luanh mi chu nâwmtâm hâwi hen nan lawnh ving lai le, “Ka mitmuh ah um lah!” nan ti lai.

ISAI 31:7

Tangka leh ngûn hen milem sual tak nan siam mi lawnh hep ding tik a hawng tlung awt rawh.

ISAI 40:19

Milem siamtu nih thîr ngûn hen an luanh mi a tohnâk ah tangkasa an siam mi khawm nih a bangh lo.

ISAI 46:1

“Hi hi Babulon pathian tla rangah a dawnghnâk chu asi! Bel leh Nebo chu veikhat chu sawnh hen an um le, sikhawmsele tu lam chun ran dî tak tla, sanatung kêng tlûnah phurhtir hen an um rawh.

ISAI 46:6

Mi tla nih an tangka sâwngkhâwi an awng le, ngûn an thlêt le tangkasa tla khing hen an khingh. Ngûn dêngtu tla chu pathian lem siam ding hen an lâk, churawhchun an mâimûk le an sawnh!

EZEKIEL 14:6

“Tuah Israel mi tla chu kei, LALPA Zahkâi nih ka sim mi chu simh na: Na milem fihnungkâi chu mâk le, kîr.

EZEKIEL 36:25

Tî thiang ka nan theh na lai le, nan milem zawzawng leh thil dang a nan nawmhtir natu zawzawng lakah mi ka nan thiangtir na awt.

EZEKIEL 7:19

LALPA nih a thinthawknâk an tlûnah a tawih tik chun ngûn leh tangka nih ruang a suah na kho lo ruangah, an ngûn leh tangka tla chu nâwmtâm hâwi hen khua lâi ah an lawnh lai. An duhnâk lakah leh an paw khimnâk khawm ah an mang kho lo rawh. Ngûn leh tangka nih sualnâk ah a kalpi na.

HOSEA 14:8

Israel mi tla chu milem hen tlâinâk an nei lai lo rawh; An thlachamnâk ka sâng lai le, keimah nih ka zauhkhenh lai; Thing a ring kumza mi hâwi hen ka dawrtir na lai le, Kei chu an rangah malsâwmnâk bul kasi lai,” a ti.

ZEPHANIAH 2:11

LALPA nih annih tla chu a lauh na lai, tual a mi pathian tla chu zeikhawm lo ah a siam lai le, amah Pathian tak chu phun kip nih mah ram chiau ah an sawnh lai.

LUK 23:30

Chu tikah chun mi tla nih tlâng tla sinah, ‘Hawng kan denh!’ an ti teh lai; mual tla sinah, ‘Hawng kan khuh,’ an ti teh lai.