ISAI 2:2 - Bawm Common Language Bible Version

² Ni a hawng tlung ding mi lakah Biakin umnâk tlâng chu tlâng dang zawzawng ngâk hen a sâng chem mi asi lai le, tlâng zawzawng tlûn leiah a fawng lai. Phun tam tak tla chu tî luang hâwi hen an hawng lût lai.

ISAI 2:2 ပူးပေါင်းရင်းမြစ်များ

GENESIS 49:1

Jakob nih a fapa tla a kawh na le, “Ka mâika ah hawng a pûm ver u, mâilei ah thil a hawng um ding mi kan simh na lai:

JOB LASUIBU 19:25

Sikhawmsele, vân ah mi âumawh a dawnghnâk ah chun ka himnâk ah a hawng kal awt ti ka theih.

SAM 102:23

LALPA nih chun ngâksia kasi liauah chaklo tak hen hawng ka siam le; ka san a tâwitir.

SAM 2:8

Hawng ka deih le, phun zawzawng ka nan pêk lai, tual pumpi na tâ asi lai.

SAM 22:27

Phun zawzawng nih LALPA chu an theihkumza lai. Laikulh mun kip ah mi chu amah leiah an hawng a hawi lai. Chi kip nih amah an sawnh lai.

SAM 22:28

LALPA chu lalchem asi, phun tla lâi a rêl.

SAM 48:2

Zion, Pathian tlâng chu a sâng hen â dawh le, Lal rokual khuapi nih chun laikulh zawzawngah lâwmnâk a tlungtir.

SAM 68:17

LALPA chu a rang kari chak sâng tam tak hen Sinai thawk hen mun thenhlimh ah a hawng kal.

SAM 72:8

A lalram chu tipi thawk hen khatlei tipi tiang si seh, Eufretis thawk hen tual dawnghnâk tiang si seh.

SAM 86:9

Phun zawzawng na siam na mi chu an hawng lai le, na sinah kûn hen na rokualnâk an sawr lai.

SAM 87:1

LALPA nih a khuapi chu tlâng thenhlimh tlûnah a tuah;

SAM 87:2

Israel ram ah mun dang zawzawng ngâk hen Jerusalem khuapi chu a duh dauh.

ISAI 11:10

Phun tla zauhtirnâk ding ah David lal chi lakah mi lalchem thar a hawng um ding mi a nâi rawh. Lal khuapi ah anna pûm lai le, amah chu an zah lai.

ISAI 25:6

LALPA Zeizawng tikho nih hi Zion Tlâng tlûnah hin laikulh phun zawzawng rangah puai, buh ei ding mi ṭha chem leh uain ṭha chem mi hen puai a tuah awt.

ISAI 27:13

Chu ni chu a hawng tlung tik chun, Asiria leh Aigupta ah Israel mi tla sal ah tâng hen um mi ruangah kîr ding hen kawhnâk tâwtawrâwt an tum lai. An hawng lai le, LALPA chu Jerusalem ah mi a tlâng thenhlimh ah an sawnh lai rawh.

ISAI 30:29

Sikhawmsele, nannih Pathian mi tla, zân puai thenhlimh ah nanna lâwm hen la nan sak mi hâwi hen nan lâwptlo lai. Israel Vêngtu LALPA Biakin leiah tumphung theikhang tla hen lâwm tak a kal mi hâwi hen nan um lai.

ISAI 49:6

LALPA nih ka sinah, “Ka to-aw na rang ding ah ti ding rokual tak ka nei. Israel thibang tla rangah rokualtir natu cho na si lai lo le, phun tla rang khawm ah chêu ah ka nan siam lai, laikulh zawzawng ruangsuah an si khonâk ding hen,” a ti.

ISAI 56:5

churawhchun na min chu ka Biakin ah leh ka mi tla sinah fapa leh fanu na nei mi ngâk hen theihkumza asi lai. Zeiliau khawm ah philh na si lai lo,” a ti.

ISAI 56:7

“Ka tlâng thenhlimh Zion ah ka nan kalpi na lai le, ka in ah thlachamnâk ah lâwmnâk ka nan pêk lai le, ka mâichâm ah bâwlnâk nan hawng ap mi chu ka pawm lai. Ka Biakin chu phun zawzawng thlachamnâk in ti asi lai,” a ti.

ISAI 60:3

Phun tla nih na chêu chu an hawng naih lai le, Lalchem tla nih na ni thar khuadei chu an hawng fûk lai.

ISAI 65:11

“Sikhawmsele, keimah hawng ka kaltâktu, Zion siarlotu, ka tlâng thenhlimh siarlotu, vân ṭhat leh thihnâk pathian tla, Gad leh Meni sawnhtu tla chu nannih rang chun anna dang ving lai.

ISAI 66:20

Chubang phun tla thawk hen nan ram mi minung tla ka rangah thilpêk hâwi hen an hawng kîrpi lai. Ka tlâng thenhlimh Jerusalem ah rang tlûnah leh sanatung tlûnah to hen sangâwngsâu tla leh rang kari leh chawpê kari tla hen Israel tla nih fâng thil ap Biakin ah a siahnâk thenhlimh ah an hawng put mi hâwi hen an hawng put na lai.

ISAI 66:23

Thla Thar Kût ni leh Dinhni kip ah phun kip mi tla Jerusalem ah keimah sawnh ding hen an hawng lai,” LALPA nih a ti.

JEREMIA 16:19

LALPA, nang chu hawng ka humtu leh chaknâk hawng ka pêktu na si; lawksawng liauah na hawng ka ṭangpi. Tual dawnghnâk thawk hen phun tla chu na sinah an hawng kal lai le, “Hawng kan thlâktu tla nih chun pathian diklo tla leh zeikhawm mang tlâklo mi milem cho lo chu zeikhawm an nei lo.

JEREMIA 23:20

ti ding hen a tum mi a lîm lânlo chu a bâng lai lo. Ni a hawng tlung ding mi lakah a mi tla nih fiang tak hen hi hi an theih lai rawh,” ka ti.

JEREMIA 26:18

“Hezekiah Juda lalchem asi liauah, Moreseth ah mi khuavâng Mikah nih LALPA Zeizawng tikho thusim chu zapi tla sinah a sim, ‘Zion chu phâisen nâwn mi hâwi asi lai le, Jerusalem chu thilsia pawng mi asi lai le, Biakin tlâng chu thingmun asi lai,’ a ti.

JEREMIA 3:17

Chu tik chu a hawng tlung chun, Jerusalem chu, ‘LALPA laltophah’ an ti lai le, chunah chun phun zawzawng tla hawng ka sawnh ding hen anna pûm lai. An lungkhung thil an ti lai lo rawh le, thinlung sual thu an sim lai lo rawh.

JEREMIA 31:12

Zion tlângah an hawng kal lai le, lâwm hen la an sak lai, ka thilpêk fâng leh uain, oliv sariak, dawrâ rual leh ranrual tla lakah anna lâwm lai. Dûm tikhurchawh hen châwm mi hâwi an si lai le, an herh mi zawzawng an nei lai.

JEREMIA 48:47

Sikhawmsele, tik a hawng ding mi lakah, Moab chu LALPA nih sul-le-lam tluang hen a siam nawlh lai. Hi bang zawzawng LALPA nih a sim rawh mi tla chu Moab tlûnah a hawng tlung lai.

JEREMIA 49:39

Sikhawmsele, chu nûn chun Elam mi tla chu sul-le-lam tluang tak hen ka siam nawlh na lai. Kei, LALPA nih ka sim asi,” a ti.

JEREMIA 51:44

Babulon mi tla pathian Bel an ti mi chu ka rêp lai le, a thil fîr tla chu ka mâktir rel lai le; phun tla nih amah an sawnh lai lo rawh. “Babulon khua kulh chu a chim rawh.

EZEKIEL 38:16

Ram kanh dak hen ka mi Israel tla chu thlipi hâwi hen na do na lai. Chu chu a tlung tikah phun tla chu âu kasi ti theih ding leh nangmah mang hen ka thenhlimhnâk muhtir ding hen ka ram rûn ding hen ka nan fial awt.

EZEKIEL 40:2

Muhtirnâk ah chun Pathian nih Israel ram ah hawng ka put ving le, tlâng sâng tlûnah hawng ka siah. Ka mâika ah khuapi hâwi hen in sak dul mi ka muh.

DANIAL 10:14

Hi nûnthâi ah na mi le tla lakah thil a hawng tlung ding mi an theihthiam tir ding hen hawng kal mi kasi, hi hi mâilei a hawng um ding mi thu ah langhnâk asi,” a ti.

DANIAL 2:28

Sikhawmsele lal rangah muhtirtu vân Pathian a um, hi nûn mâilei thil a hawng um ding mi lal nangmah rangah a nan theihtir mi asi, tuah langhnâk na muh mi leh mang na it liauah na manh mi chu kan simh lai.

DANIAL 2:35

thîr leh valei, dâr, tangkasa, ngûn tla chu a mân le, ṭhalpini ah fâng zâpnâk mun ah mi vûisadip hâwi hen an um hep, thli nih a sêm phin, sikhawmsele chu lung chu a hawng lian le, tual pumpi a luah hep.

DANIAL 2:45

Âu tawngh tham lo hen lung a beuh le, a hawng rîl mi nih milem, thîr, dâr, valei, tangkasa, ngûn hen siam mi a denh mi na muh. Pathian rokual nih hi nûnthâi ah thil a hawng tlung ding mi nang lal rangah a nan simh mi asi. Na mang na manh mi tak leh a simfiangnâk chu ka nan simh hen ka nan pêk rawh asi,” a ti.

HOSEA 3:5

Sikhawmsele Israel mi tla chu LALPA an Pathian leiah David thlâk lakah mi an lal hawng tik a um teh lai. Churawhchun, LALPA an ṭih lai le, a thil ṭha pêk tla anna ting lai rawh.

ZEKARIA 14:10

Marlei mi Geba thawk hen simlei mi Rimon tiang hen chu ram bial zawzawng chu râwn dep hen siam asi lai. Jerusalem chu a kiangkam ah mi ram zawzawng tlûnlei sâng takah a um lai. Chu khuapi nih chun Benjamin kulh kawtkâ thawk hen a lânah mi kulh kawtkâ umnâk leh Hananel in sâng thawk hen lal uain sûrnâk ram ah kulh ki ram mi kawtkâ tiang a luah lai.

ZEKARIA 14:9

Churawhchun, LALPA chu tual pumpi tlûnah lal asi lai le, mikip nih amah chu an sawnh lai le, a min an theih dân â bang rang lai.

ZEKARIA 8:22

Kan sinah hawng bâk u! Mi tam tak leh phun thiltikho tla chu Jerusalem ah LALPA Zeizawng tikho sawnh ding leh a sinah malsâwmnâk deih ding hen an hawng awt.

ZEKARIA 8:3

Ka khuapi thenhlimh Jerusalem ah ka kîr nawlh lai le, chunah chun ka um lai. Khuapi zumhkâi tak ti hen theih asi lai. LALPA Zeizawng tikho tlâng chu tlâng thenhlimh ti asi lai.

MALAKI 3:12

Nan ram chu umnâk ṭha tak asi awt ruangah phun tla zawzawng nih mi lâwptlo tla an ti na lai.

NUMBER 24:14

Balaam nih Balak sinah, “Tuah ka in leiah ka mi le sinah ka kîr awt rawh le, sikhawmsele ka kal lânah Israel mi tla nih na mi le tla mâilei ah an ti na ding mi dân zei asi, ka nan simh lai,” a ti.

THILTI 2:17

‘Pathian nih ni madung tla ah chun, mi zawzawng tlûnah ka Thlarau ka tawih lai le, nan fapa tla leh nan fanu tla nih ka thu an sim lai, nan tlangvâl tla nih muhtirnâk an muh lai, chun tar tla nih mang tla an manh lai.

2 TIMOTHE 3:1

Chun, hi hi theih u, ni madung tla ah chun tik har tak tla a hawng um lai.

HEBRAI 1:2

sikhawmsele ni dawngh lei tla ah chun a Fapa mang hen kan sinah thu a sim. Chu a Fapa chu zeizawng ah rotingtu ah a siam; chu nih chun laikulh khawm hi a siam.

2 PETER 3:3

Hi hi a masa hen theih ule, ni dawnghlei ah chun, anmah duhnâk hâwi vima a um hen, mi mah kawngkâ cho ruattu tla an hawng um lai.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.

THUPHUANG 20:4

Chun, laltophah tla ka muh le, a tlûnah mi an to le, an sinah lâirêlnâk an pêk na le, chun, Jisu theihtirnâk thu ruangah leh Pathian thu ruangah lû tan hen an thi mi thlarau tla leh sarâng leh a lem mâimûk lo hen, an chal ah mawh, an kut ah mawh singsiahnâk neilotu tla thlarau khawm ka muh le, chubang tla chu an nung le, Jisu Krist hen kum sâng khat lâi an rêl.