ISAI 2:19 - Bawm Common Language Bible Version

¹⁹ LALPA chu tual ninh ding hen a hawng kal tikah chun a thiltikhonâk leh a rokualnâk leh a thinthawknâk lakah mi ruangsuak ding hen, mi tla chu tlângah mi lungpûk ah leh khur an chawh mi sungah anna thup lai.

ISAI 2:19 ပူးပေါင်းရင်းမြစ်များ

2 SAMUEL 22:46

Râlṭhatnâk an thlâu le, an kulh thawk hen thir bû hen an hawng.

JOB LASUIBU 9:6

Pathian nih lî a nîntir le, tual tla â nîn; tual dirhkalhtu ding ah lungpi tla a siah.

SAM 7:6

LALPA, thinrun hen thawk le, ka mêlma tla thinthawknâk ah hin hawng dîr; nangmah ngelchel thawk le, hawng ka ṭangpi! Diknâk chu na duhzia asi.

ISAI 13:13

Kei, LALPA Zeizawng tikho nih ka thinthawknâk ka langh ni ah chun, vân ka thirtir lai le, tual chu a um mun ah mi chu ṭhial rê ka ninh lai.

ISAI 2:10

LALPA thinthawknâk leh a thiltikhonâk leh rokualnâk thawk hen ruangsuak ding hen tlângah lungpûk ah mawh khur an chawh mi sungah anna thup lai.

ISAI 2:21

LALPA chu tual ninh ding hen a hawng tik chun, a thinthawknâk leh a rokualnâk leh a thiltikhonâk lakah mi chu ruangsuak ding hen tlângah mi pûk ah leh khur lakah anna thup lai.

ISAI 24:1

LALPA nih tual a râwk lai le, a karo hen a siah awt. Tual chu a rual tel lai le, mi tla a rek phin na lai.

ISAI 24:18

Ṭihnungkâi lakah mi suak tumtu chu khur lakah a tlâ lai le, khur thawk hen suak mi chu thang nih a awh na lai. Ruah tukpi vân thawk hen tî tla hâwi hen a hawng sûr lai le, tual ram â nin lai.

ISAI 24:19

Tual chu a kuai hen a mân hen a kak lai.

ISAI 30:32

LALPA nih anmah a vuak lemang na liauah a mi tla chu tumphung khuang leh ṭingṭang tum hen an um lai. Pathian amah tak nih Asiria mi tla a do na awt.

ISAI 33:10

LALPA nih phun tla sinah, “Tuah thil ka ti awt. Thil ka ti kho zia ka langhtir awt.

ISAI 7:19

A tumhupi hen tivakuam leh lungpûk tla an khat ver lai le, ling leh bua nâwng tla khawm an khat phak lai.

JEREMIA 16:16

LALPA nih, “Hi minung tla tleih na ding hen ngarâltu tam tak hawng ding hen ka chah na. Tlâng sâng kip tlûnah mi leh tlâng tênâu ah mi, lung pûk ah mi kah na ding hen kahtu tam tak ka chah na.

JEREMIA 4:29

Rang tlûnah â chuan mi leh chanhtiang kahtu tla hâu ah mikip an tek hep lai. A zeimaw mi chu thing mun ah an tek lai le, midang tla chu lungpi lakah an kâi lai. Khuapi tla chu a karo hen mâk asi lai le, a sungah âukhawm an um nawlh lai lo rawh.

JEREMIA 48:28

“Moab ram ah um mi tla, nan khuapi tla mâk u! Kal ule, kham tlûnah va um u! Vaṭhu nih tiva hawr thûk kiaknâk kiangah bû a khuar mi hâwi si u.

EZEKIEL 33:27

“Kei, LALPA Zahkâi Pathian nung kasi sung chu khuapi a râwk mi lakah um mi vial chu thah hen an um lai ti hen ka simhkan na mi thu chu simh na. Ram lakah um mi tla chu ramsa tla nih an ei na lai.

HOSEA 10:8

Aven tlâng tlûnah Israel mi tla nih milem an sawnhnâk mun khawm râwk asi lai. An mâichâm chu bualingnei leh belh nih a khuh dep lai. Mi tla nih tlâng sâng tla sinah, “Hawng kan thuh! ” an ti lai le, tlâng tênâu sinah, “Hawng kan khuh!” an ti lai.

MIKAH 7:17

Rûl hâwi hen valeidip ah an lâwn lai, an kulh thawk hen lâu leh thir bû hen an hawng suak lai, LALPA kan Pathian an ṭih lai rawh.

NAHUM 3:11

Ninevi, zurî lungfîmlo hâwi hen na tlû lai! Nang khawm nih na mêlma lakah mi suak ding na tum lai.

HAGAI LASUIBU 2:6

“Sâwtlotê ah tual leh vân, ram leh tipi ka ninh lai.

HAGAI LASUIBU 2:7

Phun tla chu ka lawnh phin na lai le, an neih tla chu hinah hawng put hen a um lai le, Biakin chu thil-le-rî hen a khat lai.

LUK 23:30

Chu tikah chun mi tla nih tlâng tla sinah, ‘Hawng kan denh!’ an ti teh lai; mual tla sinah, ‘Hawng kan khuh,’ an ti teh lai.

2 THESALONIKA 1:9

Chu ni ah chun, a mi thenhlimh tla lakah chawnglawmh a um ding leh lungtu zawzawng tla lakah chun chu thu kan theihtir na mi kha nan lung ruangah chê ti ding hen a hawng kal tik chun chubang Pathian theihlo mi leh kan Lalpa Jisu Thâwngthâng Ṭha lunglo mi tla nih chun rêp an tuar lai, Lalpa sin thawk leh a chaknâk rokualnâk thawk hen zungzâl veihnâk chu.

HEBRAI 11:38

chubang tla rangah chun laikulh hi umnâk tlâk asi loh! Ramkaro leh tlâng tla ah tek le zâm mi hâwi hen anna sawk le, pûk tla, khur tla ah an um.

HEBRAI 12:26

Chu liau chun a aw-hâu nih tual hi a ninh, sikhawmsele tu ah hin, “Veikhat chu tual lâwng silo hen vân khawm ka ninh teh lai,” ti hen a tiamh.

THUPHUANG 11:13

Chun, chu liau tak chun, lî thungâi thlâk â nîn le, khua chu munrâ ṭhen hen mun khat a chim rawh, lînîn lak chun mi sâng sarih an thi le, an thibang tla chu thungâi an lâu le, Pathian vân ah a um mi chu an chawnglawmh rawh.

THUPHUANG 11:19

Chun, vân ah Pathian biakin chu â awng le, chun, a biakin sungah Thudântuk Bâwm chu a hawng lang rawh; chun, mîmthlalek tla, aw-hâu tla, khuarît tla, lînîn tla, rial chawp tak tla thungâi a hawng um rawh.

THUPHUANG 16:18

Chun, mîmthlalek tla, aw-hâu tla, khuari tla, lî fâk tak â nîn le, tual ah minung siam tîr thawk hen chu hâwi hen lînîn fâk chu a um dahlo.

THUPHUANG 20:11

Chun, laltophah lianpi vâr tak leh a tlûnah a to mi ka muh le, a mâika mi tual leh vân an tek ving le, muh kho an si lo rawh.

THUPHUANG 9:6

Chun, chu thla nga sung chun mi nih thihnâk an hâwl khawm ah an tawng lai lo, thih an duh lai le, thihnâk nih a tekkhalh na lai.

1 SAMUEL 13:6

Churawhchun, Israel tla hen donâk fâk tak an nei le, lungdawng kâi tak hen an siah na. Israel tla chu khur leh pûk ah anna thup, a zeimaw mi chu lungpi leh khursaduap leh tikhurchawh lakah anna thup,

1 SAMUEL 14:11

Churawhchun, Philistia mi tla anna muhtir le, Philistia mi tla nih, “Zauhnik u! Hebrai tla anna thupnâk pûk thawk hen an hawng suak le, an hawng khi!” an ti.