ISAI 2:17 - Bawm Common Language Bible Version

^17-18 Minung khâwngnâk tla chu a dawng lai le, minung zumhnâk tla chu veih asi lai rawh. Milem tla chu veih phin asi lai le, LALPA amah cho chu, chu ni ah chungnungtir hen a um lai.

ISAI 2:17 ပူးပေါင်းရင်းမြစ်များ

SAM 20:8

Chu hâwi mi zapi tla chu anna suih lai le, an tlû lai, kannih lam chu kan thawk lai le, bir tak hen kan dîr lai.

SAM 46:10

“Nanna tuknâk bâng ule, Pathian kasi mi hi theih u, laikulh leh phun zawzawng lâirêltu kasi ti theih u,” a ti.

SAM 46:11

Pathian zeizawng tikho kan sinah a um; Jakob Pathian chu kan himnâk asi.

ISAI 13:11

LALPA nih, “Tual tlûnah siatnâk ka hawng tlungtir lai le, an sual ruangah mi sual tla zawzawng ka rêp na awt. Mi zûm tla chu ka nâutir lai le, zauhnawmh mang tla leh mi ṭhalo tla chu ka rêp na lai.

ISAI 2:11

Minung khâwngnâk dawnghnâk, minung zûmnâk veihnâk a hawng tlung awt. Churawhchun, LALPA amah cho chu chungnungtir hen a um lai.

ISAI 2:16

Lawnglian chem leh â dawh chem mi tla khawm a piltir lai.

ISAI 30:18

Chu hâwi asi khawm ah LALPA lam chu nan lakah khua a ruat nget rih. Thil dik a ti kumza mi asi ruangah nan lakah lungkhamnâk a nei kumza. LALPA ngauhsantu tla chu an thaw a suak.

ISAI 5:16

Sikhawmsele LALPA Zeizawng tikho nih chun a rokualnâk chu a thilti dik hen a zauhtir le, a thenhlimh zia chu a mi le tla lakah lâirêlnâk hen a langhtir.