ISAI 2:12 - Bawm Common Language Bible Version

¹² Chu ni ah chun LALPA zeizawng tikho nih mikip thiltikho tla, mi puar tla, mi zûm tla a nâutir na lai.

ISAI 2:12 ပူးပေါင်းရင်းမြစ်များ

2 SAMUEL 22:28

Anna nâutir mi chu na hum na, sikhawmsele anna zûm mi chu na nâutir.

JOB LASUIBU 24:1

Amah rianṭuantu tla rangah lâirêlnâk ni rangah zei rangah Pathian nih tik a ruat lo.

SAM 131:1

LALPA, ka thinlung zûmnâk chu ka lawnh le, zauhnawmh ka mangnâk chu ka lêt. Nawknâk tla mawh ka rangah thil har tuk mi chu ka duhkâng asi lo.

SAM 18:28

LALPA, nangnih chêu na ka pêk le, ka mûinâk chu na kiangtir.

SAM 37:13

LALPA nih misual chu a nihsanh lai le, sâwtlotê ah an vei awt ti a theih ruangah.

SAM 94:2

Mi zawzawng lâirêltu na si; thawk le, mi zûm tla chu anmah dêng vima hen pêk na!

THUFING LASUIBU 16:5

LALPA nih â zûm mi zawzawng chu a hua le, rêp lo hen a zuah na lai lo.

ISAI 10:12

Sikhawmsele, Lalpa nih, “Zion Tlângah leh Jerusalem ah thil ka ti mi ka lîm tikah, Asiria lal lianchem zûm hen â khâwng mi chu ka rêp lai ” a ti.

ISAI 10:33

LALPA Zeizawng tikho nih thing ṭeng hâwi hen a thlangh na lai. Anna zûmnâk leh sâng chem ah anna ruat mi tla chu hâu ving hen nâutir an si lai.

ISAI 13:11

LALPA nih, “Tual tlûnah siatnâk ka hawng tlungtir lai le, an sual ruangah mi sual tla zawzawng ka rêp na awt. Mi zûm tla chu ka nâutir lai le, zauhnawmh mang tla leh mi ṭhalo tla chu ka rêp na lai.

ISAI 13:6

Nganfâk ruangah râk u! Zeizawng tikho nih siat leh râwknâk a hawng tlungtir awt mi ni LALPA ni chu a nâi rawh.

ISAI 13:9

LALPA thinthawknâk ṭihnungkâi tak leh a thinrunhnâk ni chu a nâi rawh. Tual chu ramkaro hâwi hen siam asi lai le, misual zawzawng chu veih an si lai.

ISAI 14:15

Sikhawmsele, chu hâwi ding ngâk hen, laikulh thihnâk thûk chemnâk ah put hen na um.

ISAI 23:9

LALPA Zeizawng tikho nih a ruat mi asi. An thilti lakah anna zûm mi dawnghtir ding leh an mi zahkâi tla nâutir a tum mi asi.

ISAI 24:21

LALPA nih tlûnlei mi thiltikhonâk leh tual tlûnah lâirêltu tla a rêp na ding mi tik a tlung awt rawh.

ISAI 24:4

Tual chu a hul le, a uai; laikulh pumpi khawm a dî le; tual leh vân khawm a kuai vevê.

ISAI 40:23

Lâirêltu thiltikho tla chu a niamh na le, zeikhawm silo hen a siam na.

ISAI 42:15

Tlâng tênâu leh tlâng sâng tla ka veih lai le, thing leh belh tla ka chârtir lai. Tivakuam tla chu ramkaro ah ka changtir lai, tili mi tî tla ka kangtir lai.

ISAI 5:15

Mikip ningzak hen an um lai le, â zûm mi zawzawng tla khawm an nâu lai rawh.

ISAI 61:2

LALPA nih a mi tla ruang a suah na ding mi leh Mêlma tla a neh piak ding mi tik a tlung rawh Ti sim ding hen hawng ka fial. Mi ngaihsia tla sinah thlangamh ding hen hawng ka fial.

JEREMIA 12:9

Ka mi thîm tla chu munkip ah mû nih va tla a râl na mi hâwi an si. Puai eipi na ding hen ramsa tla kawh na u!

JEREMIA 13:9

“Hi hi Juda leh Jerusalem an a zûmnâk rokual tak ka veih ding mi dân chu asi.

JEREMIA 30:7

Ni ṭihnungkâi tak; ni dang hen tahkhiat kho lo rê mi ka mi le tla rangah hamhnâk tik a hawng tlung rawh, sikhawmsele, a thibang chu an um lai,” a ti.

JEREMIA 46:10

Tusûn ni hi LALPA, Zeizawng tikho zahkâi tak ni chu asi: Tusûn ah phû a lam lai le, tusûn ah a mêlma tla a rêp na lai. A nâmsâu nih a khim pang tiang a ei na lai, an thî tla chu a khawp pang tiang hen a din lai. Tusûn hin Zeizawng tikho nih a mi thah tla chu marlei kângah Eufretis kiangah bâwlnâk ah a mang lai.

JEREMIA 50:31

“Babulon mi tla, thungâi nanna zûm le, churuang chun, Kei, LALPA Zahkâi, Zeizawng tikho nih ka nan do asi! Ka nan rêp ding mi tik a tlung rawh.

EZEKIEL 13:5

Kulh a râwknâk tla khawm an zauhkhenh hen an remh lo, churuangah LALPA ni ah râltuknâk a hawng um khawm ah Israel chu anna vêng kho ding asi lo rawh.

DANIAL 4:37

“Tu chun, kei Nebukadnezar nih Vân Lalchem chu ka sawr hen ka zah hen ka chawnglawmh rawh. Thil a ti mi zawng chu a dik hen a rep, zûm tak hen thil titu tla chu âuzawng a nâutir kho,” a ti.

AMOS 5:18

LALPA ni mawhlahtu tla rangah ṭihnung a kâi awt chiam e! Chu ni chu nan rangah zei a ṭhatnâk a um awt? Nan rangah chu ni chu chêu ni silo hen mûinâk ni asi lai.

MIKAH 2:3

Churuang chun LALPA nih, “Nan lakah siatnâk tlungtir ding ka tum, chu lakah mi chu nan âwl rêng lai lo, nanmah lawksawngnâk ding hen siat leh râwknâk hâwltu nan si, hi nûn chun zûm tak hen nan kal lai lo rawh.

MIKAH 5:11

Na ram ah khuapi tla ka râwk lai le, a vêngtu tla khawm ka veih phin lai.

ZEPHANIAH 1:16

râltuknâk tâwtawrâwt tum hâu hen khat mi leh kawrsen tla nih khua kulh leh in sâng tla an do liau a mi âu hâu tla a um lai.

ZEPHANIAH 3:11

Chu tik chun, ka mi tla, ka lakah nan hel mi kha ningzakkâi tak hen nan um lai lo rawh. Mi â zûm mi leh â khâwng mi tla chu ka veih ver na lai le, ka tlâng thenhlimh ah âukhawm ka lakah nan hel lai lo rawh.

MALAKI 4:1

LALPA Zeizawng tikho nih, “Mi zûm tla leh misual tla fabû hâwi hen an kâng ding ni a hawng tlung awt rawh. Chu ni ah chun pakhat khawm âklo hen an kâng hep lai.

MALAKI 4:5

Sikhawmsele LALPA ni ṭihnungkâi leh rokual tak a hawng tlung lânah nan sinah khuavâng Elija ka hawng fial lai.

MATHAI 23:12

Âuzawng â sung-û tir mi vial an nâu lai le, âuzawng â nâutir mi vial chawnglawmh hen an um lai.

LUK 14:11

 sung-û tir mi zawng an nâu lai le, â nâutir mi chu chawnglawmh hen an um lai,” an sinah a ti.

1 KORIN 5:5

mi chu hâwi chu a thlarau Lalpa Ni ah chun ruangsuah hen a um khonâk ding hen a taksa tlâutir hen Setan sinah pêk sele ka ti asi.

1 THESALONIKA 5:2

Lalpa Ni chu zân ah mifîr hâwi hen a hawng tlung awt ti nanmah ngelchel nih fiang tak hen nan theih ruangah.

JEM 4:6

Sikhawmsele, zângfahnâk tam khun Pathian nih a pêk tâwn, churuangah Pathian lasui thu nih, “Pathian nih mi â zûm mi tla a do le, â nâutir mi chu zângfahnâk a pêk,” a ti asi.