ISAI 2:11 - Bawm Common Language Bible Version

¹¹ Minung khâwngnâk dawnghnâk, minung zûmnâk veihnâk a hawng tlung awt. Churawhchun, LALPA amah cho chu chungnungtir hen a um lai.

ISAI 2:11 ပူးပေါင်းရင်းမြစ်များ

2 SAMUEL 22:28

Anna nâutir mi chu na hum na, sikhawmsele anna zûm mi chu na nâutir.

SAM 18:27

 nâutir mi tla chu ruang na suah le, anna zûm mi na nâutir.

SAM 18:28

LALPA, nangnih chêu na ka pêk le, ka mûinâk chu na kiangtir.

SAM 20:8

Chu hâwi mi zapi tla chu anna suih lai le, an tlû lai, kannih lam chu kan thawk lai le, bir tak hen kan dîr lai.

SAM 46:10

“Nanna tuknâk bâng ule, Pathian kasi mi hi theih u, laikulh leh phun zawzawng lâirêltu kasi ti theih u,” a ti.

SAM 46:11

Pathian zeizawng tikho kan sinah a um; Jakob Pathian chu kan himnâk asi.

SAM 94:2

Mi zawzawng lâirêltu na si; thawk le, mi zûm tla chu anmah dêng vima hen pêk na!

THUFING LASUIBU 16:5

LALPA nih â zûm mi zawzawng chu a hua le, rêp lo hen a zuah na lai lo.

THUFING LASUIBU 30:13

A zeimaw mi chu ṭha thlo hen anna ruat, ṭha thlo hen anna ruat châwk a!

ISAI 10:12

Sikhawmsele, Lalpa nih, “Zion Tlângah leh Jerusalem ah thil ka ti mi ka lîm tikah, Asiria lal lianchem zûm hen â khâwng mi chu ka rêp lai ” a ti.

ISAI 12:1

Mi zapi tla la sak ding mi ni a hawng tlung awt rawh. “LALPA ka lakah na thin a run le, Sikhawmsele, tu lam chun na thinthawk lo rawh le, thla na ka ngamh ruangah ka nan sawr lai.

ISAI 12:4

Mi zapi tla la sak ding mi ni a hawng tlung awt rawh, “LALPA sinah lâwmthu sim ule! A nan ṭangpi na ding hen kawh u! A thilti chu phun tla zawzawng simh ule, a rokual zia khawm simh na u!

ISAI 13:11

LALPA nih, “Tual tlûnah siatnâk ka hawng tlungtir lai le, an sual ruangah mi sual tla zawzawng ka rêp na awt. Mi zûm tla chu ka nâutir lai le, zauhnawmh mang tla leh mi ṭhalo tla chu ka rêp na lai.

ISAI 14:15

Sikhawmsele, chu hâwi ding ngâk hen, laikulh thihnâk thûk chemnâk ah put hen na um.

ISAI 2:17

Minung khâwngnâk tla chu a dawng lai le, minung zumhnâk tla chu veih asi lai rawh. Milem tla chu veih phin asi lai le, LALPA amah cho chu, chu ni ah chungnungtir hen a um lai.

ISAI 23:9

LALPA Zeizawng tikho nih a ruat mi asi. An thilti lakah anna zûm mi dawnghtir ding leh an mi zahkâi tla nâutir a tum mi asi.

ISAI 24:21

LALPA nih tlûnlei mi thiltikhonâk leh tual tlûnah lâirêltu tla a rêp na ding mi tik a tlung awt rawh.

ISAI 25:9

Chu chu a hawng tlung tik chun, mikip nih, “Kan Pathian asi! Amah chu kan rinhsan le, ruang hawng kan suah rawh. Amah chu LALPA asi! Amah chu kan rinhsan le, tu chun ruang hawng kan suah ruangah kan lâwptlo hen kanna lâwm rawh,” an ti.

ISAI 26:1

Juda ram ah mi zapi tla nih hi la hi an sak ni ding a tlung awt rawh: Kan khuapi chu a bir! Pathian amah tak nih kulh chu a vêng!

ISAI 28:5

LALPA Zeizawng tikho chu chawmpâr lallukhuh rokual tak hâwi hen a mi le tla thibang rangah a hawng kalnâk ni chu a nâi rawh.

ISAI 29:18

Chu ni a hawng tlung tik chun, mi nasêt tla nih hâu fâk tak hen lasuibu an rêl mi chu an theih kho lai le, mitchâw mûi nâwngah a um mi tla nih an mitdei hen an muh lai.

ISAI 30:18

Chu hâwi asi khawm ah LALPA lam chu nan lakah khua a ruat nget rih. Thil dik a ti kumza mi asi ruangah nan lakah lungkhamnâk a nei kumza. LALPA ngauhsantu tla chu an thaw a suak.

ISAI 30:23

Zeiliau khawm ah nan thlâi chî tuh lakah LALPA nih kho ding hen ruah a sûrtir lai le, fângzûn liauah neih leh siahnâk an pêk na lai le, nan ranrual tla khawm nih ram nah ningno tam tak an nei lai.

ISAI 37:23

Na zauhnawmh leh na nihsanh mi hi âu si hen na ruat? Kei Israel Pathian thenhlimh na hawng ka zah lo mi asi.

ISAI 4:1

Chu ni a hawng tlung tik chun nunau pasarih nih mipa pakhat an tleih lai le, a sinah, “Mah a châwm kho hen nipuan khawm kanna vurh kho le, sikhawmsele, zângfahtê hen kan pasal kan ti lai le, churawhchun pasal nei lo hen ningzakkâi tak hen kan um lai lo rawh,” an ti.

ISAI 40:23

Lâirêltu thiltikho tla chu a niamh na le, zeikhawm silo hen a siam na.

ISAI 52:6

Tik a hawng tlung ding mi lakah Pathian kasi ti ka sim mi chu nan theih lai,” a ti.

JEREMIA 12:9

Ka mi thîm tla chu munkip ah mû nih va tla a râl na mi hâwi an si. Puai eipi na ding hen ramsa tla kawh na u!

JEREMIA 9:24

Mi nih putso ding mi a duh chun, keimah hawng ka theih mi leh hawng ka theihthiamnâk putso seh, ka dâwtnâk chu a dawnglo hen repnâk leh diknâk ka ti ruangah. Chubang tla nih hawng ka lawmhtir. Kei, LALPA nih ka sim asi,” a ti.

EZEKIEL 38:14

Churawhchun, LALPA Zahkâi nih Gog sinah thu a sim mi tla chu va simh ding hen hawng ka fial:

EZEKIEL 38:19

Chu ni ah chun ka thinthawknâk fâk tak hen Israel ram ah lînîn fâk tak a um lai ti ka phuang asi.

EZEKIEL 39:11

LALPA nih, “Hi bang zawzawng tla a hawng tlung tikah Gog chu Israel ram ah vûinâk mun, ‘Khualtlâwng tla Tivakuam’ Tipi Thi saklei ah ka pêk lai. Churawhchun, Gog leh a kawrsen zawzawng an vûi na lai le, chu vakuam chu “Hamon-gog’’ (Gog kawrsen tla Vakuam) ti asi lai.

EZEKIEL 39:22

Israel tla nih chu thawk chun kei LALPA an Pathian kasi mi an theih vima lai rawh.

DANIAL 4:34

Lal nih, “Kum sarih a hawng vei rawh chun, vân lei ka zauh le, ka thinlung ah theihnâk a hawng kîr nawlh. Pathian rokual chu ka sawr le, zungzâl um kumza mi sinah zahnâk leh rokualnâk ka pêk. “Anih nih lâi a rêl kumza lai le, a lalram chu zeiliau zawng ah a um kumza lai.

HOSEA 2:16

Churawhchun, ka pasal hawng ka ti nawlh lai rawh le, a Baal hâwi hen hawng ka ruat lai lo rawh.

HOSEA 2:18

Chu tikah chun ramsa leh va zawzawng tla hen thudântuknâk ka siam lai le, churawhchun, ka mi tla rangah nganfâk an pêk lai lo rawh. Tuknâk râlthuam tla ram lakah mi chu ka lawnh phin lai rawh le, nâmsâu leh chanhtiang tla khawm, ka mi tla chu thlangam leh him tak hen ka umtir na lai rawh.

HOSEA 2:21

Chu tikah ka mi Israel tla thlachamnâk chu ka sâng lai rawh.” Tual tlûnah ruah ka sûrtir lai le, tual nih fâng tla, grep tla leh oliv a suah lai.

JOEL 3:18

Chu tikah chun tlâng sâng tla chu grep zûn nih a khuh lai le, tlâng kip ah ranrual tla muh asi lai. Juda ram zawzawngah tî tam tak a um lai. Tiva chu LALPA Biakin thawk hen a hawng luang lai le, Akasia tivakuam tla ah a luang lai.

AMOS 9:11

LALPA nih, “David lalram, in a tlû le, â râwk mi hâwi chu dirhnawlhnâk ding ni chu a hawng tlung awt rawh. A kulh vâm tla chu ka remh nawlh lai le, a lânah mi hâwitê hen ka dirh nawlh lai. A lânah mi hâwitê hen ka sak hen ka siam nawlh lai.

OBADIAH 1:8

Edom ka rêp ni ah chun an mifing tla chu ka veih lai le, an finghnâk zawzawng ka veih dep lai.

MIKAH 2:3

Churuang chun LALPA nih, “Nan lakah siatnâk tlungtir ding ka tum, chu lakah mi chu nan âwl rêng lai lo, nanmah lawksawngnâk ding hen siat leh râwknâk hâwltu nan si, hi nûn chun zûm tak hen nan kal lai lo rawh.

MIKAH 4:6

LALPA nih, “Sal tângnâk ah ka rêp na hen hamhnâk tuartu tla munkhat ka pumh na ding mi tik chu a tlung awt rawh.

MIKAH 5:10

LALPA nih, “Chu tikah chun na rang tla ka lâk lai le, na kari tla khawm ka râwk hep awt.

ZEPHANIAH 3:11

Chu tik chun, ka mi tla, ka lakah nan hel mi kha ningzakkâi tak hen nan um lai lo rawh. Mi â zûm mi leh â khâwng mi tla chu ka veih ver na lai le, ka tlâng thenhlimh ah âukhawm ka lakah nan hel lai lo rawh.

ZEPHANIAH 3:16

Jerusalem sinah, “Zion khuapi, ṭih lah! Na kut kha thlâi thlo lah! Nan ti ding mi tik chu a tlung rawh.

ZEKARIA 9:16

Chu ni chu a hawng tlung tik chun LALPA nih a mi tla chu dawrâpu nih ṭihnungkâi lakah a dawrâ tla ruang a suah mi hâwi hen ruang a suah na lai. Lallukhuh lakah mi lungsung hâwi hen a ram lakah an chêu teh lai.

MALAKI 4:1

LALPA Zeizawng tikho nih, “Mi zûm tla leh misual tla fabû hâwi hen an kâng ding ni a hawng tlung awt rawh. Chu ni ah chun pakhat khawm âklo hen an kâng hep lai.

LUK 18:14

Ka nan simh na, a masa ngâk hen chu minung chu mawh lo dauh hen a in ah a lâwi rawh. A sung-û tir mi zawng an nâu lai le, â nâutir mi chu chawnglawmh hen an um lai,” a ti.

2 KORIN 10:17

Sikhawmsele, “A putso mi zawng nih Lalpa chu putso seh,” ti hen, Pathian lasui thu nih a sim hâwi khan.

2 KORIN 10:5

êlnâk tla leh thil sâng kip Pathian theihnâk kham ding hen sâng tak a siam mi tla chu siat hen, ruatnâk kip Krist thu ngâinâk sal ah kan rui le;

1 PETER 5:5

Chu hâwi ber hen, nannih seino tla, upa tla thu ngâi u. Nan ektê hen rian a ṭuan piak tawnh ule, thinlung nâunâk hen a thuam u. Pathian nih mizûm tla a do le, â nâutir mi tla lam chu zângfahnâk a pêk tâwn ruangah.