ISAI 2:10 - Bawm Common Language Bible Version

¹⁰ LALPA thinthawknâk leh a thiltikhonâk leh rokualnâk thawk hen ruangsuak ding hen tlângah lungpûk ah mawh khur an chawh mi sungah anna thup lai.

ISAI 2:10 ပူးပေါင်းရင်းမြစ်များ

JOB LASUIBU 31:23

Pathian rêpnâk ka ṭih ruangah chu hâwi thil chu ka ti dahlo.

JOB LASUIBU 40:13

Tual ah vûi hep na le, laikulh thihnâk ah phuar na,

SAM 145:12

Churawhchun, na thilti chak zia an theih lai le, na lalram rokual zia khawm an theih lai.

SAM 90:11

Na thinthawknâk thiltikho zia âunih theih? Na thinrunhnâk nih zei ṭihnungkâi a hawng tlungtir kho mi âunih theih?

ISAI 10:3

Pathian nih an rêp na tikah zeitin nan ti awt? Ram lât tak thawk hen nan siatnâk a hawng tlungtir tikah zeitin nan ti awt? Ṭangpitu hâwl hen zeiah nan tek awt? Nan neih zeiah nan thuh awt?

ISAI 25:11

Liau ding anna tum mi hâwi hen an bân an zangh lai le, sikhawmsele Pathian nih a nâutir na lai le, ṭangpitu nei lo hen an pil lai.

ISAI 42:22

Sikhawmsele tuah a mi le tla chu râwk hep hen an um le, khur sungah an renh pang na le, rêngin ah an thuh na ving; râwk leh rûn hen an um le, anmah ruangsuah ding hen pakhat khawm an hawng lo.

JEREMIA 10:10

Sikhawmsele, LALPA, nang lam chu Pathian dik tak, Pathian nung, Zungzâl lalchem na si. Na thin a thawk liauah laikulh a thir, phun tla nih na thinthawknâk an tuar lo.

JEREMIA 10:7

Phun zawzawng tla lalchem, âunih a nan zah lo lai? Nang chu zah tlâk na si. Phun tla lakah mifing zawzawng leh an lalchem tla lak khawm ah nang hâwi pakhat khawm an um lo.

JEREMIA 13:9

“Hi hi Juda leh Jerusalem an a zûmnâk rokual tak ka veih ding mi dân chu asi.

HOSEA 10:8

Aven tlâng tlûnah Israel mi tla nih milem an sawnhnâk mun khawm râwk asi lai. An mâichâm chu bualingnei leh belh nih a khuh dep lai. Mi tla nih tlâng sâng tla sinah, “Hawng kan thuh! ” an ti lai le, tlâng tênâu sinah, “Hawng kan khuh!” an ti lai.

NAHUM 3:11

Ninevi, zurî lungfîmlo hâwi hen na tlû lai! Nang khawm nih na mêlma lakah mi suak ding na tum lai.

LUK 12:5

Sikhawmsele, nan ṭih ding mi chu âu me si ka nan simh na lai; thah nûn khawm ah Gehena ah lawnh khonâk thuneitu Pathian chu ṭih u; asi, ka nan simh na, amah tak chu ṭih u.

LUK 23:30

Chu tikah chun mi tla nih tlâng tla sinah, ‘Hawng kan denh!’ an ti teh lai; mual tla sinah, ‘Hawng kan khuh,’ an ti teh lai.

2 THESALONIKA 1:9

Chu ni ah chun, a mi thenhlimh tla lakah chawnglawmh a um ding leh lungtu zawzawng tla lakah chun chu thu kan theihtir na mi kha nan lung ruangah chê ti ding hen a hawng kal tik chun chubang Pathian theihlo mi leh kan Lalpa Jisu Thâwngthâng Ṭha lunglo mi tla nih chun rêp an tuar lai, Lalpa sin thawk leh a chaknâk rokualnâk thawk hen zungzâl veihnâk chu.