ISAI 19:5 - Bawm Common Language Bible Version

⁵ Nile tiva mi tî tla chu â zûk lai le, chu tiva chu tâwm tâwm hen a hawng kang vima lai.

ISAI 19:5 ပူးပေါင်းရင်းမြစ်များ

JOB LASUIBU 14:11

Tî luang â dîn mi hâwi hen leh, tili a kang mi hâwi hen,

ISAI 15:6

Nimrim Tivatê khawm a kang, a vakap mi bua tla khawm a uai ver le, a ring mi zeikhawm a um lo.

ISAI 23:11

LALPA nih tipi tlûnah a bân a phar le, lalram tla chu a neh rawh. Sawlehnâk munpi chem Phoinikia râwk ding hen thu a pêk rawh.

ISAI 37:25

Ramdang ah tikhur tla ka chawh le, ka din, ka kawrsen tla nih Nile tiva tla kang tep hen an lamh ti hen na khâwng.

ISAI 50:2

“Zei rangah anmah ruangsuah ding hen ka kal liauah ka mi le tla nih an hawng ka sunhsak lo? Ka auh na liauah zei rangah an sâng lo? Anmah ruangsuah kho lo ding ma kasi? Tipi tla kang ding hen thu ka pêk kho hen tiva tla khawm tî umlo ruangah ngâ thi ver ding hen ka tuah kho.

JEREMIA 51:36

Churawhchun, LALPA nih Jerusalem mi tla sinah, “Na mêlma nih a nan ti ziatê hen keimah nih a lakah nangmah ruangrûl ah lehrûl ka sam awt. Babulon tî chu a nâ ka kangtir lai le, a tiva tla ka chârtir lai.

EZEKIEL 30:12

Nile tiva ka kangtir lai le, Aigupta chu misual tla thu thu hen ka siah lai. Ramdang mi nih ram pumpi an râwk dep lai. Kei, LALPA nih ka sim asi,” a ti.

ZEKARIA 10:11

Lawksawngnâk tipi an tan tikah, kei, LALPA nih tî chu ka vuak lai le, Nile tiva thûk tak chu a kang lai. Asiria mizûm tla chu an nâu lai le, Aigupta mi chak tla nih a thiltikhonâk an thlâu lai rawh.

ZEKARIA 14:18

Aigupta mi nih chu Bâsâ Kût chu mang ding a duh lo chun kal ding duh lo phun kip tlûnah râi LALPA nih a tlungtir mi hâwi an tawng lai.