ISAI 19:3 - Bawm Common Language Bible Version

³ Aigupta thiltum chu ka râwk lai le, an thinlung ah an dawn mi khawm ka râwk lai. Ṭangpi ding hen an milem tla an ngiar lai le, an va kal lai le, mithi thlarau kawhtu an simh lai le, mithi thlarau rangah thu an deih lai.

ISAI 19:3 ပူးပေါင်းရင်းမြစ်များ

2 SAMUEL 15:31

Ahithophel chu Absalom helnâk ah â tel rawh ti David rangah theihtir asi rawh chun, “Zângfahtê hen LALPA, Ahithophel krai hi zeikhawm silo ding hen ka nan ngiar asi,” ti hen thla a cham.

2 SAMUEL 17:14

Absalom leh Israel mi zawzawng nih, “Husai krai chu Ahithophel krai ngâk hen a ṭha dauh,” an ti. Ahithophel krai ṭha zûl lo ding leh Absalom râwknâk ding hen LALPA nih a ruatkanh rawh asi.

2 SAMUEL 17:23

Ahithophel nih a krai a pêk mi an zûl lo ti a theih rawh chun, a sanatung a timhtuah le, amah khua leiah a kîr rawh. A thilti ding a ti thluh rawh chun â âwk le, a dâwngsung le thlân ah an vûi rawh.

2 Lal 1:2

Israel lalchem Ahaziah chu Samaria ah a lal in tlûn varanda chuanh kardang thawk hen a tlâ le, â liam zia a fâk thlo. Churawhchun, Ekron ah mi Philistia khuapi pathian Baal Zebub sinah krai khâi ding hen mi a fial le, dam kho ding asi awt ma awtlo ti theih ding a duh ruangah.

1 CHRONICLES 10:13

LALPA lakah zumhkâi tak hen a um lo ruangah Saul chu a thi rawh. LALPA thupêk a ngâilo le; LALPA in ah thu deih ngâk hen mithi thlarau kawh khotu thu a ngâi dauh ruangah.

SAM 107:27

Zurî hâwi hen an tlû le, khatlei khatlei ah an hâwr, an krai tla chu zeikhawm asi lo rawh.

SAM 33:10

Phun tla thiltum chu LALPA nih a veih, an thiltum tikho lo ding hen a khap na.

SAM 76:12

anna zûm mi lal fapa tla a nâutir na le, lal rokual tla a ṭhih na.

THUFING LASUIBU 21:30

Minung finghnâk leh chaknâk leh muh khonâk hi LALPA a um lo chun zeikhawm asi lo.

ISAI 14:27

LALPA, Zeizawng tikhotu nih hi hi ti a tum asi; rêp ding hen a bân a phar mi chu âukhawm nih an khap kho lo.

ISAI 15:2

Dibon mi tla chu tlâng mi, mi thenhlimh thlân leiah ṭap ding hen an kâi. Moab mi tla chu Nebo leh Medeba khua ruangah thungâi an lung a fâk; an lungfâk ruangah an lû leh an khamul tla an mêt hep.

ISAI 19:1

Hi hi Aigupta thu ah thuchah asi. LALPA chu sûm tlûnah chuan hen Aigupta ah a hawng kal. Aigupta ram ah milem tla chu a mâika ah an thir le, Aigupta minung tla chu an zer rawh.

ISAI 44:25

Chamchawh thiam tla chu mi mâwl ah ka siam na le, ârfi leikângah simkantu tla ka mualphoh na. Mifing thu chu ka lawnh le, an finghnâk chu âtnâk asi ti ka langh.

ISAI 47:12

Na mêt liau thawk hen na dâwi simnâk leh tamh tla zawzawng kha kil. Nangmah rangah an ṭangpi hen, na mêlma tla rangah na lâutir na kho lai dahmawh.

ISAI 57:16

Ka mi tla chu nungnâk ka pêk tâwn le, an lakah phiarnâk leh thinthawknâk ka umtir kumza awtlo.

ISAI 8:19

Sikhawmsele, mi nih chamchawh thiam leh mithi sawnhtu, chamchawh hen âwn salamtu rangah thu deih ding hen a nan simh lai. Annih nih, “Zeizawng nûnah mi tla nih a nung mi ruangrûl ah thlarau leh mithi sawnhtu rangah thu an deih ding asi,” an ti lai.

JEREMIA 46:15

Zei rangah nan Pathian chak Apis chu a tlû êu? LALPA nih a thlûk mi asi!’ ti hen.

EZEKIEL 21:7

Zei rangah ti ti na rûm ti hen an deih chun, thâwngthâng a hawng tlung mi ruangah ti hen simh na. A hawng tlung tikah chun, an thinlung chu lâunâk hen a khat lai le, an kut tla khêng hen an thlâi lai le, an râlṭhatnâk khawm a vei lai le, an khûp khawm a thir lai. A hun a tlung taktê rawh; hi hi asi rawh,” a ti. LALPA Zahkâi nih a sim asi.

EZEKIEL 22:14

Na lakah thilti ka lîm tikah na kut lek ding hen chaknâk leh râlṭhatnâk nei ding hen ma na ruat? Kei LALPA nih thu ka sim le, ka thu chu ka zulh.

DANIAL 1:20

Lal nih thu a deih na mi mawh thil theih har tak a siam mi chu hi minung pali tla nih a lalram pumpi ah thu simkantu tla mawh dâwithiam tla mawh ngâk hen a let râ hen an theih dauh.

DANIAL 2:2

churawhchun chamchawh thiam tla, mitdâwi thiam tla, dâwi thiam tla, thilchê thiam mi tla chu a mang simhfiangtu ding hen a kawh na. An hawng le, lal mâika ah an dîr rawh chun,

DANIAL 5:7

Dâwithiam tla, mitdâwi thiam tla, vân lei theihtu tla kawh na ding hen mi a fial chawlh na, an hawng lût rawh chun lal nih an sinah, “Âuzawng hi lasuirîn rêl khotu leh simhfiang khotu chu lal thuam puan senduk mi hen thuamh asi lai le, zahkâinâk ngûn chikchîn a ngâwng ah awih hen lalram sungah thuneih lakah pathumnâk asi lai,” a ti.

1 SAMUEL 25:37

Churawhchun, a hawng fîm nûnah thil zeizawng a simh rawh. Nabal chu veikhat ko ah a mawlh thlo le, châng khawm a châng kho lo.