ISAI 19:2 - Bawm Common Language Bible Version

² LALPA nih, “Aigupta ram sungah donâk ka siam lai le, u leh nau karah donâk leh zâwlbâwm leh zâwlbâwm kar lakah donâk ka lêngtir lai. Helnâk khuapi tla chu anmah leh anmah anna do lai, lalchem hel tla khawm thiltikhonâk ah zuam hen anna do lai.

ISAI 19:2 ပူးပေါင်းရင်းမြစ်များ

1 Lal 16:21

Israel tla lakah ṭhennâk a hawng um le, mi zeimaw mi nih Ginath fapa Tibni chu lal ah an duh, a dang nih Omri an duh.

2 CHRONICLES 15:6

Pathian nih hamhnâk leh nawknâk a tlungtir ruangah phun leh phun, khuapi leh khuapi anna do.

ISAI 3:5

Khatlei khatlei a nâuneh tawnh hen an um lai. Seino tla nih anmah ngâk upa an zah lai lo le, zeikhawm chawhchân lo mi tla khawm nih an hotu an zah lai loh.

ISAI 9:21

Manaseh leh Efraim mi tla anna do le, an panih bawp hen Juda rangah an do. Chu hâwi tluk khawm ah LALPA thinthawknâk chu a reh lo le; a kut chu rêp ding hen a zangh nget rih.

JEREMIA 46:12

Phun tla nih na mualphonâk an theih hen; mikip nih na ṭap hâu an theih rawh. Kawrsen pakhat nih pakhat rangah a nam le, an panih hen tual ah an tlû vevê.

JEREMIA 51:46

Thâwng ṭihnungkâi nan theih ruangah dâwk hen lâu lah u. Kum siar hen thâwng ṭhalo dang dang a hawng um lai le, ram lakah siatnâk thâwngthâng tla, lal leh lal anna do mi thu tla.

EZEKIEL 38:21

Vânduainâk chikip hen Gog chu ka lauh lai. Kei, LALPA Zahkâi nih ka sim asi. A mi tla chu an nâmsâu hen anmah anna thah lai.

ZEKARIA 8:10

Chubang hun lân chun minung mawh ran mawh âukhawm nih tikho ding hen an nei lo le, âukhawm an mêlma lakah mi him hen an um kho lo. Anmah leh anmah ka dotir na.

MATHAI 10:21

“Chun, thah ding hen unaupa leh unaupa anna tleihtir lai le, pa khawm nih a fa a tleihtir ber lai; fa tla khawm nih an nu leh pa tla an do lai le, an thahtir na lai.

MATHAI 10:36

Mi a mêlma tla chu amah dâwngsungkhur lakah mi ngelchel an si lai.

MATHAI 12:25

Chun, Jisu nih an ruât mi tla chu a theih le, an sinah, “Zei ram khawm ah mah leh mah anna do mi zawng an vei tawn; zei khua khawm ah dawngkhat khawm mah leh mah anna do mi zawng an um khuasuak lai lo.

MATHAI 24:7

Phun dang leh phun dang anna do lai le, ram dang leh ram dang anna do lai. Mun dang dang ah pâm a tlung lai le, lî tla â nîn lai.

MARK 3:24

Ram khawm mah leh mah a do chun, chu ram chu a dîr kho lai lo.

LÂIRÊL 7:22

Gideon mi tla nih tâwtawrâwt an tum liau chun LALPA nih an mêlma kawrsen tla chu anmah leh anmah nâmsâu hen a dotir na. Zarethan leiah Bath Sittah tiang hen, Tabath kiang mi Abel Meholah khuapi tleng khet hen an tek.

LÂIRÊL 9:23

Abimelek leh Sekem mi karah Pathian nih remlonâk a siam le, a lakah an hel.

1 SAMUEL 14:16

Saul minung vêngtu tla nih chun Benjamin ram Gibeah ah Philistia tla an tek mi chu an muh na rawh.

1 SAMUEL 14:20

Churawhchun, a minung tla hen Philistia do ding hen an kal rawh, chu chu nawknâk a zual liau chir asi.