ISAI 19:1 - Bawm Common Language Bible Version

¹ Hi hi Aigupta thu ah thuchah asi. LALPA chu sûm tlûnah chuan hen Aigupta ah a hawng kal. Aigupta ram ah milem tla chu a mâika ah an thir le, Aigupta minung tla chu an zer rawh.

ISAI 19:1 ပူးပေါင်းရင်းမြစ်များ

SAM 104:3

tî tlûnah na in chu na sak. Sûm tla chu kari hâwi hen na mang. Thli thla tlûnah na chuan.

SAM 104:34

Ka la sak lakah a lâwm sele, amah thawk hen ka lâwm mi asi ruangah.

SAM 18:9

Vân a ṭhen phawk le, a kâ tangah sûm mûi pang hen a hawng ṭum.

SAM 68:4

Pathian sinah la sak u, a min sawr hen la sak u, sûm tlûnah a to mi rangah lampi timhtuah u. A min chu LALPA asi, a mâika ah chun a lâwm u!

EXODUS 12:12

“Chu zân ah chun Aigupta ram pumpiluk ka ṭawl awt, fapa tîr, minung leh ran lakah mi ka thah na lai le, Aigupta pathian zawzawng ka rêp awt. Kei hi LALPA chu kasi.

ISAI 13:1

Hi hi Babulon thu Amoz fapa Isai nih Pathian sin thawk hen a theih mi chu asi.

ISAI 13:7

Mikip kut chu a uai lai le, mikip râlṭhatnâk khawm a vei lai.

ISAI 19:16

Aigupta mi tla chu nunau hâwi hen an zer tik ni ding a hawng tlung awt rawh. LALPA Zeizawng tikho nih anmah rêp ding hen a kut a lirh mi an muh tik chun lâu hen an thir lai.

ISAI 21:9

Mawhsareh hen hinah rang tlûnah chuan hen minung panih vima hen an hawng. Râl vêngtu nih, “Babulon chu a tlû rawh! Milem an sawnh mi zawzawng tla chu tual ah an tlû ver rawh,” ti hen thâwng a hawng thanh.

JEREMIA 25:19

Hi hi hâi lakah mi dintu ding tla dang zawzawng rîn mi chu an si: Aigupta lalchem, a rianṭuantu tla leh ruitu tla; Aigupta mi zawzawng leh ramdang mi zawzawng Aigupta ah um mi; Uz ram ah mi lalchem zawzawng; Philistia khuapi, Askelon, Gaza, Ekron leh Asdod ah mi lalchem zawzawng; Edom, Moab leh Amon mi zawzawng tla; Tura leh Sidon lalchem tla zawzawng; Mediteranian ram ah mi, Dedan, Tema leh Buz khuapi mi lalchem zawzawng; an sam tan mi tla zawzawng; Arabia lalchem zawzawng; Ramkaro mi phun lalchem zawzawng; Zimri, Elam leh Media lalchem zawzawng; Marlei mi lalchem tla a lâ leh a nâinâk ah mi, a sang vima hen. Phunkip tual tlûnah mi nih chu lakah mi chu din ding asi. A dawnghchemnâk ah chu lakah mi chu Babulon lal nih a din lai.

JEREMIA 4:13

Zauhnik, sûm hâwi hen mêlma tla an hawng. A râltuknâk kari tla chu thli â hêl mi hâwi asi, a rang tla chu mupi ngâk hen an chak. Kan vei mi rawh! Kan vânduai rawh!

JEREMIA 44:8

Um ding hen nan hawngnâk Aigupta ram ah hin milem tla sawnh hen pathian dang tla sinah a bâwl hen zei rangah ka thin nan ka thawktir? Tual tlûnah mi phun kip nih a nan zauhnawmh na ding leh siatphurh min nan put ding hen nanmah siat leh râwknâk ding ah hi hi nan ti mi asi lo ma?

JEREMIA 50:2

“Phun tla chu thâwngthâng simh na u! Phuang u! Singsiahnâk pêk ule, thâwngthâng phuang u! A thuptê hen kil ko lah u! Babulon chu a tlû rawh! A pathian Marduk khawm râwk dep asi rawh! Babulon milem chu ningzak saih asi le, a milem fihnungkâi tla khawm â râwk rawh.

JEREMIA 51:44

Babulon mi tla pathian Bel an ti mi chu ka rêp lai le, a thil fîr tla chu ka mâktir rel lai le; phun tla nih amah an sawnh lai lo rawh. “Babulon khua kulh chu a chim rawh.

EZEKIEL 30:13

LALPA Zahkâi nih, “Memphis mi milem tla leh pathian diklo tla ka veih lai. Aigupta tlûnah âukhawm lâirêltu an um lai lo, zapi tla chu keimah nih lâunâk ka pêk awt.

JOEL 3:19

Aigupta chu ramkaro ah â chang lai le, Edom ram chu mang tlâklo hen â râwk lai, Juda ram a do hen a mi thilsual tilo mi tla a thah na ruangah.

NAHUM 1:1

Hi hi Ninevi khua thu ah thuchah Nahum, Elkos ah a um mi nih langhnâk ah a muh mi chu asi.

NAHUM 1:3

LALPA chu a thinthawk sawm lo le, sikhawmsele thil a ti kho hen misual chu rêp lo hen a siah na lo. LALPA kalnâk ah chun thlipi a râng le, a kê hen valeidip chu sûm hâwi hen a zâmtir!

ZEKARIA 10:11

Lawksawngnâk tipi an tan tikah, kei, LALPA nih tî chu ka vuak lai le, Nile tiva thûk tak chu a kang lai. Asiria mizûm tla chu an nâu lai le, Aigupta mi chak tla nih a thiltikhonâk an thlâu lai rawh.

ZEKARIA 14:18

Aigupta mi nih chu Bâsâ Kût chu mang ding a duh lo chun kal ding duh lo phun kip tlûnah râi LALPA nih a tlungtir mi hâwi an tawng lai.

NUMBER 33:4

LALPA nih a thah na mi vûitu tla mitmuh hen Rameses khuapi chu an suaktâk rawh. Hi lakah hin LALPA chu Aigupta pathian ngâk hen thil a ti kho dauh asi ti a langh.

DEUTERONOMY 33:26

Israel mi tla, nan Pathian hâwi hi zei pathian khawm a um lo. Rokual tak hen vân ah â chuan le, Nanmah ṭangpi ding hen sûm lakah chuan hen a hawng kal.

JOSUA 2:11

Chu chu kan theih kâ hen thungâi kan ningṭih, nanmah ruangah kan thinlung thungâi kan lâu. LALPA nan Pathian chu tual leh vân Pathian asi.

JOSUA 2:24

a sinah, “LALPA nih ram pumpi chu hawng kan pêk rawh ti kan theihfiang rawh. Chunah mi tla nih chun hawng kan ṭih hep,” an ti.

JOSUA 2:9

“LALPA nih hi ram hi an pêk na rawh ti ka theih. Ram sungah mikip nih an ṭih na ti ka theih rawh.

THUPHUANG 1:7

Ngâinik u, anih chu sûm tla hen a hawng awt, mikip nih an muh lai le, a sunhtu tla khawm nih, laikulh ah phun zawzawng nih amah ruangah an thinlung a fâk lai. Chu hâwi asi! Amen.