ISAI 18:6 - Bawm Common Language Bible Version

⁶ Kawrsen ruak tla chu va leh ramsa tla rangah mâk hen a um lai. ṭhâlpini ah va tla nih râwl rangah an tlanh lai le, busik ah ramsa tla nih an tlanh na lai,” a ti.

ISAI 18:6 ပူးပေါင်းရင်းမြစ်များ

ISAI 14:19

Sikhawmsele nang lam chu thlân nei lo hen na ruak chu thu ding hen lawnh asi. Râltuknâk ah kawrsen a thi mi tla ruak nih an khuh dep le, an sinah lungkhur sungah lawnh hen na um le, pil ving hen na um.

ISAI 23:13

(Tura khua tlûnah ramsa chêltirtu chu Asiria mi tla an si lo le, Babulon mi tla an si. Insâng tla hual hen Tura khua kulh tla siat hen khuapi râwk deptu chu Babulon mi tla an si.)

ISAI 46:11

Saklei thawk hen minung pakhat hawng ding hen ka kawh le; mû hâwi hen a hawng a thlûr lai le, thilti ding ka tum mi chu a hawng lîm lai. Ka sim mi chu ti hen a um lai.

ISAI 56:9

LALPA nih ramdang mi phun tla chu ramsa hâwi a hawng hen a mi tla veih na ding hen a simh na.

JEREMIA 15:3

Kei, LALPA nih, thil ṭihnungkâi pali an sinah hawng tlung ding hen ka ruat rawh: tuknâk ah an thi lai le, ui nih an ruak a thiar lai le; va tla nih an ei na lai, an eibang chu ramsa tla nih an ei hep lai.

JEREMIA 16:4

Râi ṭihnungkâi tak hen an thi lai le, âukhawm anmah lungfâk hen vûi natu an um lai lo. An ruak tla chu tual churtirtu pawng mi hâwi hen tual ah an rîl phut lai. Râltuknâk ah leh sungvâng hen an thi lai le, an ruak tla chu va tla leh ramsa tla râwl asi lai.

JEREMIA 7:33

Ruak tla chu va leh ramsa tla râwl asi lai le, âukhawm nih an âwva na lai lo.

EZEKIEL 31:13

Va tla an hawng lai le, thing a tlû mi lakah an fû lai le, ramsa tla nih a ṭeng tla an kanh lai.