ISAI 18:4 - Bawm Common Language Bible Version

⁴ LALPA nih ka sinah, “Fângzûn nî sa lum liauah zân ah mi dâmtî hâwi hen leh sûn nî linh liauah nî chêu hâwi hen vân thawk hen ka hawng chuanh lai.

ISAI 18:4 ပူးပေါင်းရင်းမြစ်များ

2 SAMUEL 23:4

Vândâwm lo hen khuadei lakah nî a chêu mi hâwi asi. Ruah nûnah nî nih belh tla a tlektir mi hâwi asi,” ti hen.

2 CHRONICLES 6:21

Ka thlachamnâk leh Israel mi tla thlachamnâk khawm, hi leikâng hawi mi vial chu ngâi rawh. Na vân in thawk hen hawng kan ngâi le, hawng kan ngaihdam rawh.

SAM 72:6

Lal chu a lo lakah ruah a sûr mi hâwi leh ram lakah chî vawrh a tlâ mi hâwi si seh.

THUFING LASUIBU 19:12

Lal thinthawknâk chu chakeibaknei hûk hâwi asi. Sikhawmsele a mi sunhsaknâk chu ruah lawmhkâi tak hâwi asi.

ISAI 12:6

Zion ah um mi zawzawng chu âu hen la sak na seh! Israel Pathian thenhlimh chu a rokual le, a mi tla sinah a um,” ti hen.

ISAI 14:32

Philistia ram thawk hen mifial a hawng mi chu zeitin kan sâng na lai? LALPA nih Zion chu a birhtir le, tuartu a mi le tla nih chun chunah chun himnâk an tawng lai ti hen kan simh na lai.

ISAI 18:7

LALPA Zeizawng tikho nih hi bang tiva tla nih a ṭhen mi ram, phun chak tak leh thiltikho tak, mi sâng leh taksa tlawr tla, laikulh pumpi nih an ṭih na mi thawk hen thil ap a tawng ding mi tik chu a tlung awt rawh. LALPA Zeizawng tikho sawnhnâk, Zion Tlângah an hawng lai.

ISAI 26:19

Kan minung thi rawh mi tla chu an hawng nung nawlh lai! An taksa nungnâk nei hen an hawng kîr nawlh lai. An thlân ah it rawh mi zawzawng tla chu an hawng a ṭhang lai le, lâwm hen la an sak lai. Dâmtî nih tual a thartir mi hâwi hen sâwt tak a thi rawh mi tla chu LALPA nih a nungtir nawlh lai.

ISAI 26:21

LALPA chu vân ah a umnâk thawk hen tual ah mi tla an sual ruangah rêp ding hen a hawng kal. A thuptê hen tual tlûnah mi thahtu tla khawm a puang lai le, thah hen a um rawh mi tla khawm tual nih a thuh lai lo rawh.

ISAI 31:9

An ram lal lianchem chu ningṭih hen a tek lai le, an hotu tla chu an lâu tuk ruangah an râltuk puanzâr tla an tektâk lai,” a ti. Chu chu LALPA Jerusalem ah an sawnh mi leh chunah bâwlnâk ah a mei alh kumza mi nih a sim mi asi.

ISAI 46:13

Nehnâk ni ka tlungtir ding mi chu a nâi rawh, a lât rîlmâl lo. Ka neh ding mi chu a sâwt lai lo rawh. Jerusalem chu ka hum lai le, Israel lakah zahnâk ka tlungtir lai,” a ti.

ISAI 57:15

“Kei chu Pathian thenhlimh leh sâng tak um kumza mi chu kasi. Mun sâng leh mun thenhlimh ah ka um le, sikhawmsele an lungnâk leh lungumnâk ka neitir nawlh kho na ding hen mi â nautir mi leh sual rim mi sinah khawm ka um ber.

HOSEA 14:5

Israel mi tla sinah, ram châr lakah ruah sûr mi hâwi kasi lai. Chawmpâr hâwi hen an ên lai, Lebanon ah thing tla hâwi hen ram bir tak an thlâk lai.

HOSEA 5:15

“Ka mi tla chu an sual ruangah fâk ual an tuar hen an ka hâwl rê tiang hen ka kaltâk na awt. An tuar ruangah an hawng ka hâwl lai mawh,” a ti.

JOEL 3:17

Churawhchun, Israel, na Pathian kasi zia na hawng ka theih lai rawh. Ka tlâng thenhlimh ah ka um lai le, Jerusalem chu khuapi thenhlimh asi lai. Ramdang mi tla nih an neh na lai lo rawh.

AMOS 3:7

LALPA Zahkâi nih a thiltum a to-aw khuavâng sinah langh tâ lo hen zei thil khawm a ti dahlo.