ISAI 18:2 - Bawm Common Language Bible Version

² Chu ram thawk hen ram ruangrûl ah fial mi tla chu Nile va ah lailuang pûm ah an hawng a lawngh. Mifial chak tak tla, in leiah kîr u! Nan ram tiva nih a ṭhen mi leiah, nan phun chak tak leh thiltikho tak, mi taksa sâng tak leh tlawr tak tla, laikulh pumpi nih an ṭih mi sinah thuchah kîrpi u.

ISAI 18:2 ပူးပေါင်းရင်းမြစ်များ

2 CHRONICLES 14:9

Sudan mi a min Zerah nih kawrsen nuai khat leh kari zathum hen Juda ram a rûn le, Maresah tiang a râwng.

2 CHRONICLES 16:8

Sudan mi leh Libia mi nih kari leh kawrsen tam tak an nei asi lo ma? Sikhawmsele LALPA lakah na ngauh ruangah anmah nehtu sinâk an pêk khateh.

JOB LASUIBU 9:26

Ka nungnâk chu lawng a chak chem mi hâwi hen a kal le, zungnampi châwi ding hen mupi â thlûr mi hâwi hen a chak.

EXODUS 2:3

Sikhawmsele, a thuh châwklo rawh le, lâiluang hen bâwm a siam le, tî a lût lonâk ding hen lâwngthlîng hen a châr. Tiva kap bua nâwngah nausêm chu a siah.

ISAI 18:7

LALPA Zeizawng tikho nih hi bang tiva tla nih a ṭhen mi ram, phun chak tak leh thiltikho tak, mi sâng leh taksa tlawr tla, laikulh pumpi nih an ṭih na mi thawk hen thil ap a tawng ding mi tik chu a tlung awt rawh. LALPA Zeizawng tikho sawnhnâk, Zion Tlângah an hawng lai.

JEREMIA 49:14

Kei nih, “Edom, LALPA thawk hen thuchah ka tawng. Anih nih chun phun tla sinah nangmah do ding hen an kawrsen tla pumh ding hen simhtu ding ah mi a fial.

EZEKIEL 30:9

“Chu ni chu a hawng tlung tikah leh Aigupta chu a vei tikah, Sudan mi zumhkâi tla thawktir na ding hen lawng hen mi ka fial lai le, annih tla chu an lâu lai. Chu ni chu a hawng tlung awt rawh!” a ti.

OBADIAH 1:1

Hi hi Obadiah thusim chu asi– LALPA Zahkâi nih Edom phun tla thu a sim mi asi. LALPA nih phun tla sinah thu a chah mi chu kan theih: “Edom tla do ding hen, kan kal lai a tîm u!”

HABAKUK 1:7

Ningṭihnâk leh lâunâk an khattir le, anna zûmnâk ruangah dân chu anmah an si chawlh.

LUK 10:19

Rûl tla, tlâng cha-âi tla sirh khonâk thu leh mêlma thuneihnâk zawzawng neh khonâk thuneihnâk ka nan pêk na; zeikhawm nih nganfâk an pêk kho na lai loh.