ISAI 17:8 - Bawm Common Language Bible Version

⁸ Anmah kut hen an siam mi leh anmah kutsuak pathiannu Aserah lem leh rimthâw duahnâk mâichâm an rinhsanh lai lo rawh.

ISAI 17:8 ပူးပေါင်းရင်းမြစ်များ

2 SAMUEL 22:42

Ṭangpinâk an hâwl le, âukhawm nih a hum na lo. LALPA an auh le, khawmsele a sâng na lo.

2 CHRONICLES 14:5

Lunglo tla pathian sawnhnâk leh rimthâw duahnâk mâichâm Juda khuapi mi zawzawng a veih ruangah a ram chu a lâirêlnâk tangah thlangam tak hen a um.

2 CHRONICLES 31:1

Chu Kût chu â lîm rawh chun Israel zapi tla chu Juda khuapi kip ah an kal le, lungphun tla an râwk le, Aserah pathiannu lem tla chu an thlûk, lunglo tla pathian sawnhnâk mun ah mâichâm tla an râwk. Chu hâwi hen Juda ram Benjamin leh Efraim leh Manaseh ram ah mi khawm an râwk le, an in leiah an kîr rawh.

2 CHRONICLES 34:4

Amah thupêk hen a mi tla nih Baal sawnhnâk mâichâm leh a kiangah mi rimthâw duahnâk tla khawm an râwk hep. Aserah lem leh milem dang tla chu an rial dip le, milem sawnhtu tla thlân ah an vawrh.

EXODUS 34:13

Chu hâwi ti ngâk hen an mâichâm tla siat ule, an lungphun thenhlimh tla râwk u, an pathiannu Aserah ruk tla hâu u.

ISAI 1:29

Thing nan sawnh mi leh dûm thenhlimh nan siam mi tla chu nanna sîr lai rawh.

ISAI 10:20

Israel thibang tla chu a vei ding mi phun lakah anna ngauh lo ding mi tik a hawng tlung awt. LALPA, Israel Pathian thenhlimh chu anna rinhsan tatak lai rawh.

ISAI 17:9

Chu ni a hawng tlung tik chun, ṭha tak hen vêng hen a um mi khuapi tla chu Hiv mi leh Amor mi tla nih Israel lakah mi an tek le, an khuapi chu siat leh râwk hen an mâk mi hâwi asi lai.

ISAI 2:8

An ram chu milem hen a khat le, anmah kut ngelchel hen an siam mi thil tla chu an sawnh.

ISAI 27:9

Sikhawmsele Israel sualnâk chu lunglo tla mâichâm sangvut hâwi hen rial dip asi tik leh rimthâw mâichâm mawh pathiannu Aserah lem pakhat khawm zuah lo asi tikah ngaihdam asi lai.

ISAI 30:22

Nan milem tla tangka hen nan luanh mi leh ngûn hen nan luanh mi chu nâwmtâm hâwi hen nan lawnh ving lai le, “Ka mitmuh ah um lah!” nan ti lai.

ISAI 37:19

thing leh lung hen an kut hen an siam mi pathian lem tla chu a duah piak ti khawm kan theih.

ISAI 41:29

Hi bang pathian zawzawng tla hi mang tlâk an si lo; zei thil khawm an ti kho lo, hi bang milem tla hi an chak lo hen thiltikhonâk khawm an nei lo.

ISAI 44:15

Mi nih a tan chu tih ding ah a mang le, a dang chu milem rangah a mang. A khingkhuai chu amah lumtir ding hen mei tihnâk ah a mang le, sang a em; a dang tan hen pathian a siam le, a sawnh.

JEREMIA 17:2

Nan mi tla nih chun pathiannu Aserah chu tlâng tlûnah mi thing ring kip ah leh mâng ah mi tlâng tlûnah an siah le, mâichâm ah an sawnh.

EZEKIEL 36:25

Tî thiang ka nan theh na lai le, nan milem zawzawng leh thil dang a nan nawmhtir natu zawzawng lakah mi ka nan thiangtir na awt.

HOSEA 14:8

Israel mi tla chu milem hen tlâinâk an nei lai lo rawh; An thlachamnâk ka sâng lai le, keimah nih ka zauhkhenh lai; Thing a ring kumza mi hâwi hen ka dawrtir na lai le, Kei chu an rangah malsâwmnâk bul kasi lai,” a ti.

HOSEA 14:9

Hinah rîn mi tla hi fing tak hen theihthiam mi nih chun thinlung ah kil na seh. LALPA lampi tla chu a dik le, mirep tla nih chu chu an zûl le, an nung. Sikhawinsele misual tla nih an siarlo ruangah an bah le, an tlû.

ZEPHANIAH 1:3

minung leh ramsa zawzawng, va leh nga tla ka veih hep awt, misual tla niamnâk ka tlungtir awt. Minung zawzawng pakhat khawm âk lo hen ka veih hep awt. Kei, LALPA nih ka sim mi asi.

ZEKARIA 13:2

Chu tikah chun ram lakah milem min chu ka veih ving lai le, âukhawm nih an theih lai lo rawh. Khuavâng kasi titu zawzawng chu ka thliar lai le, milem sawnh duhnâk khawm ka veih ving lai.

DEUTERONOMY 7:5

Churuangah an mâichâm tla râwk ule, an lungphun tla kektir dip u, Aserah an pathiannu lem chu hâu ving ule, an ruk tla chu duah u.