ISAI 17:4 - Bawm Common Language Bible Version

⁴ LALPA nih, Israel tla rokualnâk dawng ding ni chu a nâi rawh, a neihnâk chu pâmnâk nih a luah lai.

ISAI 17:4 ပူးပေါင်းရင်းမြစ်များ

GENESIS 41:3

Chawpinu dang pasarih an hawng kal nawlh le, râwm fêk leh ruh ren hen an um. Chaw dang tla kiangah tiva kapah an dîr bâk.

2 Lal 17:3

Asiria lal lianchem Salmaneser nih Hoshea rangah a do le, Hoshea chu Salmaneser sinah â pêk le, kum siar hen a sinah siah a châwi.

2 Lal 17:6

chu chu Hoshea lâirêl kum kuanâk asi. Asiria lal lianchem nih Samaria a lâk le, Israel tla chu a tleih na le, Asiria leiah a put na, a zeimaw mi chu Halah khuapi ah an um, a zeimaw mi chu Gozan ram Habor Tiva kiangah an um, a zeimaw mi chu Media khuapi tla ah an um.

ISAI 10:16

Awrkâ thaw tak hen anna châwm mi tla sinah LALPA zeizawng tikho nih anmah rêp ding hen râi a fial awt. An tak lakah mei mâ hâwi a durh vima lai.

ISAI 10:3

Pathian nih an rêp na tikah zeitin nan ti awt? Ram lât tak thawk hen nan siatnâk a hawng tlungtir tikah zeitin nan ti awt? Ṭangpitu hâwl hen zeiah nan tek awt? Nan neih zeiah nan thuh awt?

ISAI 10:4

Râltuknâk ah nan thi lai le, rêngtlâ hâwi hen a nan kalpi na lai. Sikhawmsele LALPA thinthawknâk chu a reh dah lai loh, rêp ding hen a bân a zangh nget lai rih.

ISAI 17:3

Israel chu vêngtu nei lo asi lai le, Damaska nih mah thu hen a umnâk chu a vei lai rawh. Siria thibang tla chu Israel tla hâwi hen mualpho tak hen an um lai. Kei, Zeizawng tikho LALPA nih chu chu ka sim asi,” a ti.

ISAI 24:13

Hi hi laikulh pumpi phun kip sinah a tlung ding mi asi. Fâng zûn dih rawh mi, oliv kung kip ṭet phin vuak rawh mi leh grep zûn ah a rah kawih thluh rawh mi hâwi asi lai.

ISAI 24:16

Laikulh mun lât chem thawk hen Israel mi phun rep tak tla nih sawrnâk la an sak mi kan theih lai. Sikhawmsele, kei rang lam chun lungumnâk a um lo! Ka vei thlo rawh! Phehtu nih chun tleih a tum nget rih, zumh an kâi lo dadauh.

ISAI 9:21

Manaseh leh Efraim mi tla anna do le, an panih bawp hen Juda rangah an do. Chu hâwi tluk khawm ah LALPA thinthawknâk chu a reh lo le; a kut chu rêp ding hen a zangh nget rih.

ISAI 9:8

LALPA nih Israel lalram mi Jakob thlâk tla tlûnah lâirêlnâk thu a phuang.

EZEKIEL 34:20

“Churuangah tuah kei, LALPA Zahkâi nih dawrâ chak leh chaklo lakah lâi ka rêl awt ti ka nan simh na asi.

AMOS 3:12

LALPA nih, “Chakeibaknei nih dawrâ a seh mi chu dawrâpu nih a kê panih leh nakhaw cho â ting mi hâwi hen, tuah nuam ti tak hen êltu Samaria mi tla chu tâwmtê cho an âwl lai.

ZEPHANIAH 2:11

LALPA nih annih tla chu a lauh na lai, tual a mi pathian tla chu zeikhawm lo ah a siam lai le, amah Pathian tak chu phun kip nih mah ram chiau ah an sawnh lai.