ISAI 17:3 - Bawm Common Language Bible Version

³ Israel chu vêngtu nei lo asi lai le, Damaska nih mah thu hen a umnâk chu a vei lai rawh. Siria thibang tla chu Israel tla hâwi hen mualpho tak hen an um lai. Kei, Zeizawng tikho LALPA nih chu chu ka sim asi,” a ti.

ISAI 17:3 ပူးပေါင်းရင်းမြစ်များ

2 Lal 16:9

Tiglath Pileser nih Ahaz ngiarnâk a sâng le, Damaska chu a kawrsen rual hen a va kal le, a do rawh, a lâk le, lal Rezin chu a thah le, a minung tla chu a tleih na le, Kir khua leiah a kalpi na.

2 Lal 17:6

chu chu Hoshea lâirêl kum kuanâk asi. Asiria lal lianchem nih Samaria a lâk le, Israel tla chu a tleih na le, Asiria leiah a put na, a zeimaw mi chu Halah khuapi ah an um, a zeimaw mi chu Gozan ram Habor Tiva kiangah an um, a zeimaw mi chu Media khuapi tla ah an um.

ISAI 10:9

Kalno leh Karkemis khuapi tla, Hamat leh Arpad khuapi tla ka neh rawh. Samaria leh Damaska khawm ka neh rawh.

ISAI 16:14

Tu lam chun LALPA nih, “Kum thum kar ko ah Moab tla neih rokual tak chu muh asi lai lo rawh. Mi tam tak lakah mi a thibang tâwmtê cho an um lai le, chak lo tak an si lai,” a ti.

ISAI 17:4

LALPA nih, Israel tla rokualnâk dawng ding ni chu a nâi rawh, a neihnâk chu pâmnâk nih a luah lai.

ISAI 25:2

Khuapi tla chu râwk dep hen na tuah le, an kulh tla khawm na râwk ver. Kan mêlma tla nih lal in an sak mi chu a vei pawt rawh.

ISAI 7:16

Chu a tik tlung lân khawm ah a nan ṭhih natu lalchem panih ram chu kaltâk asi lai.

ISAI 7:8

Zei ruangah? Siria chu Damaska ngâk hen a chak dauh lêm lo, a khuapi leh Damaska khawm lalchem Rezin ngâk hen a chak dauh lêm lo. Israel lam châng chu kum sâwmruk leh kum nga sungah phun ti ding umlo rê hen a vei dep lai.

ISAI 8:4

Chu ngâksia chu ‘Ka nu, ka pa,’ a ti kho lânah Damaska neihnâk zawzawng leh Samaria ah an rawk mi thil zawzawng chu Asiria lalchem nih a put hep lai,” a ti.

HOSEA 1:4

LALPA nih Hosea sinah; “Israel lal chu amah thlâktu Jehu nih Jezreel ah mi a thah mi ruangah ka rêp awt mi a sâwt awtlo ruangah ‘Jezreel’ ti hen a min ah sak. Jehu lal sinâk chu ka dawngtir awt rawh.

HOSEA 1:6

Gomer nih fa panihnâk a nei le, chu chu nunau asi, LALPA nih Hosea sinah, “Israel mi tla rangah ka dâwtnâk ka langh lo hen ka ngaihdam na awtlo rawh ruangah, a min ah ‘’Lo-ruhamai’’ (Dâwtlo) ti hen sak.

HOSEA 10:14

Lal Salman um liauah Betharbel khuapi râltuknâk ah a râwk dep le, nu leh an fa tla a thah ver na liau mi hâwi asi lai.

HOSEA 3:4

Chu hâwi hen Israel mi tla chu lal leh ruitu lo hen bâwlnâk leh lung thenhlimh phun mi nei lo hen milem leh thlalâk chamchawhnâk rangah umlo hen hun sâwt tak an um ding asi.

HOSEA 8:8

Israel chu zei phun hâwi tal sikhawmsele bêl kuai mang tlâklo mi hâwi asi.

HOSEA 9:11

Israel tla rokualnâk chu va hâwi hen a zuang ving le, an lakah tê leh fa ringnâk a um lai lo le, nunau râi leh fa ringtu khawm a um lai lo rawh.

AMOS 8:14

Samaria ah mi milem sâl hen thutiamtu tla, ‘Dan pathian’ min sâl hen thutiamtu tla, ‘Bersheba pathian’ min sâl hen thutiamtu tla chu an tlû lai le, an thawk nawlh lai lo rawh,” a ti.