ISAI 17:14 - Bawm Common Language Bible Version

¹⁴ Zânlei ah chun ningṭihnâk an tlungtir le, zînglei ah chun an kal ving. Chu chu kan ram rûntu tla mikip tingvo chu asi.

ISAI 17:14 ပူးပေါင်းရင်းမြစ်များ

2 Lal 19:3

Hi hi Isai sinah sim ding mi thuchah chu asi: “Tusûn ni hi tuar ni asi, rêp leh ningzak saih hen kan um. Nunau faring awt liauah a nganfâk le, sikhawmsele ring ding hen a chelh lo thlo mi hâwi kan si.

2 Lal 19:35

Chu zân chun LALPA vânmifial chu Asiria tla riaknâk mun ah a kal le, kawrsen nuaikhat leh sîngriat leh sângnga a thah na. A thaituan khua a dei rawh chun a thi chia hen an rîl phut!

JOB LASUIBU 20:29

Chu chu misual tla thih dân, Pathian nih an rangah a ruat mi chu asi.

SAM 37:36

sikhawmsele, chu nûnah a kiangah ka va kal le, chu mun ah chun a um lo rawh; ka hâwl chîam le, khawmsele muh kho asi lo.

THUFING LASUIBU 22:23

LALPA nih an rangah an thunawk a dopi lai le, âuzawng anmah ṭhihtu chu a ṭhih na lai.

ISAI 10:25

Tam sâwt lo hen kan rêp na mi â lîm chun anmah ka veih na awt.

ISAI 21:12

Kei nih ka sâng le, “Zînglei a nâi rawh, sikhawmsele zân a hawng um awt nawlh. Deih nawlh ding na duh chun, hawng kîr le, deih,” ka ti.

ISAI 29:2

“Pathian mâichâm” an ti mi khuapi tlûnah siatnâk Pathian nih a hawng tlungtir lai. Ṭapnâk leh lungfâknâk a um lai le, khuapi pumpi chu thisen nih mâichâm a tuam mi hâwi hen a um lai.

ISAI 29:5

Jerusalem, ramdang minung a nan dotu tla chu valeidip sêm phin mi hâwi an si lai le, an kawrsen ṭihnungkâi tla chu fapawn hâwi hen an zuang phin lai.

ISAI 29:7

churawhchun, phun kawrsen tla Pathian mâichâm umnâk khuapi dotu tla chu an râlthuam leh an thuamthil zeizawng zân ah mi mang leh thil dawn tla hâwi hen a vei lai.

ISAI 30:28

A mâilei ah thli a fial le, tîlian nih thil a fenh hep mi hâwi asi. Siatnâk ah phun tla chu a phiat dep na le, thilsual an tum mi chu a dawnghtir.

ISAI 33:1

Kan mêlma tla chu an vânduai rawh! Âukhawm nih anmah rangah tleih na hen rawk na lo khawmsele, mi rangah an rawk na. Mi an rawknâk leh an tleihnâk chu a dawng lai le, anmah ngelchel chu mi rawkmang leh mi zumhkâilo an si lai.

ISAI 33:18

Ramdang mi siah khawlhtu leh thlingthlâktu a lânah ṭihnungkâi tla chu thinlung ah theih mi cho an si lai rawh.

ISAI 34:17

An lakah ram ṭhenh zârtu leh tingvo chiau pêktu chu LALPA asi. A kum tlâitluan hen chu ram ah chun an um lai le, anmah tâ asi kumza lai.

ISAI 41:12

tual ah muh an si lai lo rawh.

JEREMIA 13:25

Hi hi na thihnâk ding mi asi a ti. Amah na philh hen pathian diklo tla na zumh ruangah chu chu na lakah tlung ding hen a ruat mi asi.

JEREMIA 2:3

Israel, keimah tâ cho na si; keimah neih thenhlimh na si. Nangmah nganfâk an pêktu tlûn kip ah tuarnâk leh siatnâk ka tlungtir. Kei, LALPA nih ka sim mi asi,” a ti.

JEREMIA 49:10

Sikhawmsele, Esau thlâk tla chu anna thup lo rawhnâk ding hen anna thupnâk ah mi chu ka langh lai le, ka vuak hep na awt. Edom mi tla chu an vei ver rawh. Pakhat khawm an um lo.

EZEKIEL 39:10

Râlthuam an mâk mi tih ding an nei ruangah phâisen ah tih ding thing an khawmh lai lo le, tumun ah mi thing khawm an hâu lai lo. Anmah râwktu leh rûntu tla chu an râwk hen an rûn bâk na lai,” a ti. LALPA Zahkâi nih a sim asi.

ZEKARIA 2:12

Juda chu LALPA ram thenhlimh ah a bîk hen amah tâ an si nawlh lai le, Jerusalem chu khuapi dang zawzawng ngâk hen a dâwt chem mi asi lai.

LÂIRÊL 5:31

LALPA, na mêlma tla chu chu hâwi hen thi hep na seh, Sikhawmsele, na hâwi tla lam chu nî a hawng suak mi hâwi hen chêu na seh! Churawhchun, ram chu thlangam tak hen kum sâwmli ding a um.