ISAI 17:13 - Bawm Common Language Bible Version

¹³ Phun tla chu tîlian a tlung mi hâwi hen an hawng le, sikhawmsele Pathian nih nun a simh na le, dunglei an kîr le, pangdâr mi valeidip leh fapawn thli nih a ranh mi hâwi an si.

ISAI 17:13 ပူးပေါင်းရင်းမြစ်များ

JOB LASUIBU 21:18

Pathian nih a thinthawknâk hen misual chu fabû thli nih a ranh ving hâwi leh ruah nih valeidip a fenh mi hâwi hen a rêp dah tâwn ma?

JOB LASUIBU 38:11

“Chu tiang nûnlêm ah a dang vawnh lah! Hinah hin na thiltikhonâk tlingtlawk chu dawng seh,” ti hen ka simh.

SAM 1:4

Misual tla lam chu chu hâwi an si lo; Fabû thli nih a ranh phin mi hâwi an si.

SAM 35:5

LALPA vânmifial nih a ṭhâwl na ruangah fahi thli nih a ranh mi hâwi hen um na seh!

SAM 65:7

Tipi tla rihâu chu na bângtir le, a tlingtlawk mi rihâu tla leh zapi rihâu tla khawm na bângtir.

SAM 65:8

Thil rokual tak na ti mi ruangah laikulh pumpi chu a lâu. Na thilti nih tual khatlei dawnghnâk thawk hen khatlei dawngh tiang lâwm hen a âutir.

SAM 9:5

Lunglo tla chu na mawhtir le, misual tla chu na veih le, theih an si lai lo rawh.

ISAI 14:25

Israel ram ah mi Asiria chu ka veih lai le, keimah tlâng tlûnah ka lamhbêk na lai. Ka mi tla Asiria liangbat leh an thilrit phurh lakah mi chu ka suah na lai.

ISAI 21:15

Chu tla chu riamnâm lakah thah ding mi tla, chanhtiang hen kah ding mi tla, râltuknâk ṭihnungkâi mun thawk hen tek mi tla an si.

ISAI 22:18

Bâwl lûm hâwi hen a nan sar lai le, ram kâu dauh sungah a nan lawnh ving lai. Na zumhnâk kari kiangah chunah chun na thi lai. Na hotupa dâwngsungkhur ningzak saihtu na si.

ISAI 27:1

Chu ni ah chun LALPA nih Leviathan, rûlpi kual nuai leh ngerh tul hen um mi rêp ding leh tipi ah um mi sarâng thah ding hen a thiltikhonâk leh thihnâk nâmsâu a mang awt.

ISAI 29:5

Jerusalem, ramdang minung a nan dotu tla chu valeidip sêm phin mi hâwi an si lai le, an kawrsen ṭihnungkâi tla chu fapawn hâwi hen an zuang phin lai.

ISAI 30:28

A mâilei ah thli a fial le, tîlian nih thil a fenh hep mi hâwi asi. Siatnâk ah phun tla chu a phiat dep na le, thilsual an tum mi chu a dawnghtir.

ISAI 34:17

An lakah ram ṭhenh zârtu leh tingvo chiau pêktu chu LALPA asi. A kum tlâitluan hen chu ram ah chun an um lai le, anmah tâ asi kumza lai.

ISAI 40:15

Phun tla chu LALPA lakah zeikhawm an si lo, tî a zut mi tluk khawm an si lo le, tlâwn lât tak tla khawm phildip hâwi hen a zâng.

ISAI 40:24

Thil keuh phun hen ram a thlâk mi hâwi asi. LALPA nih thli a hawng lêngtir le, An châr le, fapawn hâwi hen thli nih a sêm phin.

ISAI 41:11

“Nan lakah thinruntu tla nih neh ruangah ningzaknâk an theih lai. An do natu chu an thi lai le,

ISAI 8:7

Kei, LALPA nih Asiria lal lianchem leh a mi tla chu Juda tla do ding hen ka hawng put na awt. Eufretis tiva tî a lian le, tiva kâwr khat phak a luang mi hâwi hen an hawng kal lai.

DANIAL 2:35

thîr leh valei, dâr, tangkasa, ngûn tla chu a mân le, ṭhalpini ah fâng zâpnâk mun ah mi vûisadip hâwi hen an um hep, thli nih a sêm phin, sikhawmsele chu lung chu a hawng lian le, tual pumpi a luah hep.

HOSEA 13:3

Churuangah hi bang minung tla hi zînglei ah mi dâmtî a vei ving mi hâwi an si lai. Fâng khâwngnâk ah fapawn thli nih a ranh mi hâwi leh palang lakah mi meikhû a suak mi hâwi an si lai.

ZEPHANIAH 2:2

chawmpâr hâwi hen na uai hen na thih lânah, LALPA thinthawknâk khanghtu mei nih a nan khangh lânah, a thinrunnâk a langhtirnâk ni a tlung lânah theihthiamnâk nei rawh.