ISAI 16:5 - Bawm Common Language Bible Version

⁵ Churawhchun, David thlâk lakah mi lal ah a um lai le, mi zapi lakah dâwtnâk leh zumhkâinâk hen lâi a rêl lai. Thil dik chu a ti sawm lai le, repnâk hen thilti asi mi tla chu a zauh lai.)

ISAI 16:5 ပူးပေါင်းရင်းမြစ်များ

2 SAMUEL 23:3

Israel Pathian nih a sim; Israel vêngtu nih ka sinah, “Diknâk hen lâirêltu lal nih chun Pathian lakah ê-aw ngâi hen a rêl mi chu;

2 SAMUEL 5:9

Chu kulhpi chu an va lâk rawh, chun, chunah chun David chu a va um le, “David khuapi” ti hen min a sak. A kiangkam tla ah chun khuapi saklei tlâng thawk hen a dawmh le, a kiangkam khat zit hen a siam.

2 SAMUEL 7:16

Thlâk tla na nei kumza lai le, na lalram chu ka siah kumza lai, na lalnâk chu a dawng lai loh, a ti,’ ” ti hen va simh.

1 Lal 10:9

LALPA na Pathian chu sawr hen um seh! Israel lalchem ah a nan siamtu chu na sinah um hen na tlûnah â lâwm. Israel tla rangah a zângfahnâk chu zungzâl si hen, a dân thu tla leh lâirêlnâk chu zulh kho ding hen a nan siam ruangah,” a ti.

2 CHRONICLES 31:20

Juda ram zawzawngah lalchem Hezekiah nih LALPA a Pathian lawmhkâng hen thil dik a ti.

SAM 85:10

Dâwtnâk leh zumhkâinâk anna tawng lai; repnâk leh thlangamnâk anna tlâi.

SAM 89:14

Na lalram chu na repnâk leh na lâirêl diknâk ah a lang; na ti mi zawzawng lakah dâwtnâk leh zumhkâinâk a lang.

SAM 96:13

lâirêl ding hen LALPA a hawng tik chun laikulh mi chu dik tak leh ṭha tak hen lâi a rêl piak na lai.

SAM 98:9

laikulh lâirêl ding hen a hawng ruangah. Laikulh minung tla chu ṭha tak leh dik tak hen lâi a rêl piak na lai.

SAM 99:4

Lalchem Chak tak, diknâk chu na lawmh; Israel tla lakah diknâk chu na birhtir le; repnâk leh ṭhatnâk na tlungtir.

THUFING LASUIBU 20:28

Lal chu a lâirêlnâk zumh a kâi kar vial chu thiltikho tak hen a um lai le, â rep hen a ṭha lai.

THUFING LASUIBU 29:14

Mipâm tla diknâk lal nih a hum chun, sâwt tak lâirêl hen a um lai.

ISAI 33:22

Chubang meilawng tla lakah ri rêngnâk tung chu zeikhawm asi lai lo; a zawhtu tla khawm nih puanzâr an pharh kho lai lo! Mêlma kawrsen neihnâk zawzawng chu kan tleih lai le, a tam dân chu mi khêng tla men nih tingvo an nei kho lai. LALPA amah tak chu kan lalchem asi lai le; kan tlûnah lâi a rêl lai le, hawng kan hum lai,

ISAI 55:4

Anih chu phun tla lakah ruitu ah leh thupêktu ah ka siam le, amah mang hen ka thiltikhonâk ka langh.

DANIAL 7:14

Phun zawzawng leh chi zawzawng leh hawlh zawzawng nih a rian an ṭuannâk ding hen a sinah thuneihnâk leh lal thiltikhonâk an pêk, a thuneihnâk leh a ram chu zungzâl tiang hen dawngh a nei lai lo.

DANIAL 7:27

Tual tlûnah lalram zawzawng rokualnâk leh thiltikhonâk chu Pathian mi rokual tla sinah pêk asi lai rawh. Lal thiltikhonâk anna ting mi chu a dawng lai lo rawh le, tual tlûnah lâirêltu zawzawng nih an rian an ṭuan piak na hen an thu an ngâi lai rawh,” a ti.

AMOS 9:11

LALPA nih, “David lalram, in a tlû le, â râwk mi hâwi chu dirhnawlhnâk ding ni chu a hawng tlung awt rawh. A kulh vâm tla chu ka remh nawlh lai le, a lânah mi hâwitê hen ka dirh nawlh lai. A lânah mi hâwitê hen ka sak hen ka siam nawlh lai.

MIKAH 4:7

Mikhêng in thawk hen lât takah um mi an si le, chubang a thibang tla hen a thartê hen dawmh nawlhnâk ka siam lai le, phun rokual tak ah an um lai. Chu thawk hen chun kumleza hen Zion tlângah an tlûnah lâi ka rêl lai,” a ti.

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.