ISAI 16:4 - Bawm Common Language Bible Version

⁴ Nan ram ah kan um lai. Thah ding hen hawng kan tumtu lakah mi hawng kan hum u,” an ti. (Nâunehnâk leh siatnâk chu a dawng lai le, ram râwktu khawm an kal lai rawh.

ISAI 16:4 ပူးပေါင်းရင်းမြစ်များ

ISAI 14:4

Chu hâwi hen a ti tikah chun, Babulon lal chu an zauhnawmh lai rawh le: “Lalchem sual chu a tlû rawh! Âukhawm a nehsawh na lai lo rawh!

ISAI 15:6

Nimrim Tivatê khawm a kang, a vakap mi bua tla khawm a uai ver le, a ring mi zeikhawm a um lo.

ISAI 25:10

LALPA nih Zion Tlâng chu a hum lai le, sikhawmsele Moab mi tla lam chu tual ṭha lakah mi fapawn hâwi hen lamh dep an si lai.

ISAI 33:1

Kan mêlma tla chu an vânduai rawh! Âukhawm nih anmah rangah tleih na hen rawk na lo khawmsele, mi rangah an rawk na. Mi an rawknâk leh an tleihnâk chu a dawng lai le, anmah ngelchel chu mi rawkmang leh mi zumhkâilo an si lai.

ISAI 49:26

An nehsawhtu tla chu anmah leh anmah ka thahtir na lai; mi thah duhnâk leh thinthawknâk thinlung an put lai. Churawhchun, minung zawzawng nih Kei LALPA kasi mi leh a nan humtu leh thawsuak tak hen a nan suahtu kasi ti an theih lai. Israel Pathian thiltikho tak kasi zia an theih lai rawh,” ti hen a sâng.

ISAI 51:13

LALPA a nan siamtu vân pharhtu leh tual lungphûm phûmtu na philh rawh na maw? A nan veih ding hen a timhtuah mi leh a nan nehsawhtu thinrunhnâk ṭih kumza hen zei rangah na um? An thinthawknâk nih a nan tawngh kumza kho lai lo.

ISAI 54:14

Diknâk leh repnâk nih a nan chaktir lai. Nehsawhnâk leh ningṭihnâk lakah mi chu na him lai rawh.

ISAI 58:7

Mi sungvâng tla rangah na buh ṭhenh le, mipâm dawrnâk nei lo mi tla rangah na in awng piak na. Aih ding nei lo mi tla rangah puan pêk na le, na rualsia tla ṭangpi ding mi chu êl lah.

ISAI 9:4

An dâr ah vuaknâk fung tla leh an ngâwng khimh rit tak tla na khiak piak na. A lânah Midian kawrsen tla na neh na mi hâwi hen na mi tla nehsawhtu leh naunehtu phun chu na neh rawh.

JEREMIA 40:11

Chu tikah Israel mi tla Moab, Amon, Edom leh ram dangah um mi tla nih Babulon lal nih Israel lakah zeimaw mi tla Juda ram ah um ding a siang na mi leh an lâirêltu ding ah Gedaliah a siah mi chu an theih rawh.

JEREMIA 48:18

Nannih Dibon ah um mi tla, nan mun zahkâi tak a mi hawng ṭum ule, tual ah mi valeidip ah to u; Moab râwktu tla chu hinah a um le, a kulh tla chu râwk dep hen mâk asi rawh.

JEREMIA 48:8

Khuapi chu râwk lo hen a âwl lai lo le, tivakuam leh phâi tla râwk hen a um lai. Kei, LALPA nih ka sim asi.

OBADIAH 1:14

An suak ding mi tla tleih na ding hen lamṭhuam ah dîr lah. An lawksawng ni ah mêlma kut ah na pêk na ding asi lo.

ZEKARIA 10:5

Juda mi tla chu râltuknâk ah nehtu kawrsen tla nih khualâi nêngthû lakah an mêlma tla lamhbêktu hâwi an si lai. LALPA chu an sinah a um ruangah an mêlma rang tlûnah a chuan mi tla khawm an neh na lai.

ZEKARIA 9:8

Ka ram chu kawrsen tla nih pal lo ding hen ka vêng lai, mi ṭhalo tla nih ka mi tla nehsawh ding hen ka siang lai lo rawh. Ka mi tla nih an tuar dân chu ka muh rawh,” a ti.

MALAKI 4:3

Thil ka ti ni ah chun, misual tla chu nan neh na lai le, nan kezaphah tangah valeidip hâwi hen lamhbêk mi hâwi an si lai.

LUK 21:24

Chun, nâmsâu ah an thi lai le, phun kip sinah sal ah put hen an um lai; chun Phundang tla tik a dawng lânlo chu Jerusalem chu lamhbêk hen a um lai.

ROM 16:20

Chun, remnâk Pathian nih chun nan kêzaphah tangah Setan chu a nan lamhbêktir sawm na lai. Kan Lalpa Jisu Krist zângfahnâk chu nan sinah um seh.

DEUTERONOMY 24:14

“Mi ngâkṭah leh mipâm to-aw ah na siah mi perpet lah, Israel mawh, nan khua ah ramdang minung a hawng um mi mawh khawm si seh.

THUPHUANG 11:2

Sikhawmsele, biakin lênglei kulhsung lam chu tah sih lah, chu chu phun dang sinah pêk asi rawh, annih nih chun Khua Thenhlimh chu thla sâwmli leh thlanih an lamhbêk lai.