ISAI 16:3 - Bawm Common Language Bible Version

³ Juda mi tla sinah, “Ti ding mi hawng kan simh u. Thing sûn nî sa lakah mi dâidul a kîknâk ah an siah mi hâwi hen hawng kan hum ule, nan thlaliah ah kanna dîn bâk lai. Kannih chu ramdang minung hawng tek mi kan si le; âukhawm nih hawng kan muh lo ding hen hawng kan thuh u.

ISAI 16:3 ပူးပေါင်းရင်းမြစ်များ

1 Lal 18:4

Jezebel nih LALPA khuavâng tla a thah na liauah Obadiah nih khuavâng zâ a kalpi na le, pûk ah sâwmnga hen murui nih a suah na le, pûk ah a thuh na; an ei ding buh leh tî a ruat piak na.)

ISAI 1:17

Asi, thilsual ti bâng ule, thildik ti a sîn u. Diknâk ti hen um mi tla chu zauh ule, nehsawh hen um mi chu ṭangpi na u, mi ngâkṭah tla ṭanh ule, numei tla hum na u,” a ti.

ISAI 25:4

Mipâm leh ṭangpitu nei lo chu na sinah an hawng tek le, lawksawng liauah him tak hen an um. Thli leh ruah lakah dawrnâk na pêk le, nî sâ lîn lakah mi chu dâidul ah na umtir na. Misual tla nih busik liauah thli leh ruah hâwi hen leh, ram châr lakah nikhua kheu hâwi hen an do.

ISAI 32:2

An ektê hen thli lakah dawrnâk leh thlipi lakah thupnâk mun an si chiau lai. Ramkaro ah tinungva tla a luang mi hâwi leh ram lâwng ah lungpi lian tak thlaliah hâwi an si lai.

ISAI 56:8

LALPA Zahkâi, a mi Israel tla sal ah tâng mi kîrpitu nih, midang tla khawm anmah sinah hawng a fawnh ding hen a hawngpi na awt ti thu a tiamh.

ISAI 58:7

Mi sungvâng tla rangah na buh ṭhenh le, mipâm dawrnâk nei lo mi tla rangah na in awng piak na. Aih ding nei lo mi tla rangah puan pêk na le, na rualsia tla ṭangpi ding mi chu êl lah.

ISAI 9:6

Kan lakah ngâksia a hawng suak! Fapa pêk hen kan um! Anih chu kan lâirêltu asi lai. “Remruattu Che,” “Pathian chak,” “Zungzâl Pa,” “Remnâk Lal” an ti lai.

JEREMIA 22:3

“Repnâk leh diknâk ti ding hen, Kei, LALPA nih thu ka nan pêk na asi. Mi perpê nih a perpet mi chu hum rawh. Ramdang mi, mi ngâkṭah, numei tla nehsawh lah na; hi mun thenhlimh ah hin sualnâk nei lo mi tla thah lah na.

DANIAL 4:27

Churuangah Bâwipa, ka thusim hi ngâi rawh. Sual thilti bâng le, thil dik ti rawh, mipâm tla lakah khuaruat. Chu tikah na sul-le-lam a tluang lai,” a ti.

ZEKARIA 7:9

“A lân thawk hen ka mi tla sinah hi thupêk tla hi ka pêk na rawh: ‘Rep tak hen thil nan ti ding asi, nan lakah khatlei khatlei vêlneih suah ule, khuaruat u.

MATHAI 25:35

Ka sung a vâng liauah nannih nih ei ding nan ka pêk le; ka tî a hâl liauah din ding nan ka pêk le; khual kasi liauah nan ka tlungtir.

HEBRAI 13:2

Khual tla tlûnah dâwtnâk suah philh lah u; zeimaw mi nih theih lo thlo hen vânmifial tla lawmh hen thil an ti.

LÂIRÊL 9:15

Chu bualingnei nih a sâng le, ‘Nan lalchem siding nan ka duhtak mi asi chun hawng ule, ka thlaliah tangah a dawr u. Chu hâwi nan tilo chun ka ling ṭeng tla lakah mei a hawng alh lai le, Lebanon Tlângah sidar thing tla chu a kâng lai,’ a ti.